JEREMIA 22:23 - Khumi Common Language Bible

²³ Nangchi ly Lebanon mawi i syn nai saitleang keungchi sala y chymme naimy awm u ai. Na i py deaungdi tapen ai achai nai neampachy kamta, no patang naira avum nai khala, nangchi ai ly khri pa-rei pahen ai nai hawi ai.

JEREMIA 22:23 Iomraidhean Croise

JEREMIA 21:13

Aw Jerusalem mary, nang ly adymra i lengseaung pui kamta, leaunghawichi salo y asang hawp naimy awm bo. Na i py kai, Areng ly nang ai kang tiu ai. Nang ly nangmy ai ami my py tiu pajau y, nang i amtangrachi ai py panawi pajau y, nanai thui nai ne.

JEREMIA 22:6

“Kai i vui Juda samrang i yhm ly Kilead pri kamta py, Lebanon mawi saleung kamta apu i py, kai ly huni meingtym ai khumi angso savai tlang nai daichi ka-vym lawm hai ai.

JEREMIA 3:21

Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

JEREMIA 48:28

“Moba khumichi awi, nangchi ly nangmychi mary i nai theu u! Tahi tangam mang y chei ly awm u! Amkeu sala y tabu sa reng nai apryn buhuchi kamta so u.

JEREMIA 49:16

Nangchi i amlyh am-e naira my, nangchi ai ang tapawp bo. Nangchi i athang khai nai kamta, ami py nangchi ai jei u y leang. Nangchi ly mawi saleungra i lengseaung ka-sang salo y awm u nai ne. Na i py hunai kamta ahmtlau tanrei ka-sang y awm u teu i py, Areng ly nangchi ai pala kathiu ai. Hini ly Areng i thui nai leu ne.

JEREMIA 6:24

Jerusalem mary i khumichi my, “Hini satang kaichi thai nai khala y, kaichi i kiubanchi ly tla thlawi veng bo. Kaichi ly deaungdi tapen ai nai achai nai neampachy kamta, khri pa-rei no patang u bo.

Ezekiela 17:3

sa thai naira angym nai kai, Areng my ati mana leu pei mo, nanai nichi ai pany ha ba. Vaichi khala ham parai nai pakhi kalenchi hawi, mui kasauchi awm nai ahmtlau pui harei awm. Ni teng y apu parai nai muichi awm. Huni ahmtlau pui ly Lebanon mawi saleung y akheang kalau iy saitleang keung salyh y chym bo.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

AMOS 9:2

Khaileaung y angawm tai iy tavau pri y aheu teu i py, kai ly nichi ai ngo y nai nga pa-rei patiu ai. Kani mang y lyn kalau teu i py, nichi ai atheu kathiu ai.

OBADIA 1:4

Nang ly ahmtlau i tabu kamta asang naira y awm nai deaungkho y, ka-si taukichi sala y awm nai ne teu i py, nang ai kaimy atheu kathiu ai.

HABAKKUK 2:9

Nangchi ly taham si u! Athorei my tiu naira i nga nai yhmtheaung katuichi hawi, nangchi ly nangmychi i dengtheungchi ai nang chawn hai bo. Atho sa iy mychi i tabu ai ka-sangra y sa nai tavo kamta, mymychi i yhm ai phrumai by y pa-rei sa u bo!

Kati Nai 24:21

Naibaly ni ly kenit chengchi ai paleung mei y niu i, hina nai kamta amo leu thui pi: “Nangchi i awm nai meingtym ly rym hawi parai, tahi para salo y sa nai tavo tabu kamta chymme nai ne.