JEREMIA 22:16 - Khumi Common Language Bible

¹⁶ Ni ly khumi kamawnchi i ka-jo ka-thui padyh padawi pi nai deaungkho y, atitichira py aly naira nga bo. Hini ly Areng ai pany naira i hawi naira ne.

JEREMIA 22:16 Iomraidhean Croise

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 109:31

Ati mana nai mo nabaly nang ly khumi kamawnchi ai ama hai iy, ni ai dei ai nai pa-rei pasum u nai khumichi kiu i, atleu pi nai deaungkho y ne.

SAM 36:10

Nang ai pany nai khumichi ai tamen jojo kyh ba. Khumi kahawichi ai pahen pi jojo kyh ba.

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

LEU KACHENG 31:9

Nichi i vui katheu pi iy, leu meitang y tara chih pi ba. Khumi kamawn kateuchi i, nga ai avo naichi ai amo hai ly kry pi ba.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

JEREMIA 9:16

Kai ly nichi hawi nichi i amsi pajochi malawn py thai vai y nai khumi chengchi theung y, nichi ai ahei hai ai. Hunaibaly nichi phra be ai nai pa-rei tiu ai nai tavaimichi kapato ai,” napi.

JEREMIA 9:24

Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

JOHAN 16:3

Ampo kaini ai pany y nai deaungkho y hina nai sa u ai.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 17:6

Nangmy khaileaung pri i nai kai ai au nai khumichi teng y nang i amyn kai pany hai bo:nichi ly nang i na a, nangmy nichi ai kai teng y au i, nichi ly nang i leu tangai bo.

JOHAN 8:19

Naibaly nichi my ly ni teng y, ‘Ngampo ly ma mang y mo?” napi. Isu my, “Nangchi ly kai ai py pany y, Ngaai ai py pany y; nangchi ly kai ai pany i khyly Ngaai ai py pany ai bo,” nanai pathang.

TITA 1:16

Nichi ly, “Kaichi Tameuh ai pany,” na naimy asa u bo; na i py nichi ly amso awm nai hawi, leu tangai y nai hawi, atiti kahawi sa naira y pipi chawn y nai khumi py ne nai deaungkho y, nichi i atiti sa nai ly mymy ai apha u lawh.

1 SAMUELA 2:2

Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.