JEREMIA 21:6 - Khumi Common Language Bible

⁶ Hini mary y awm nai khumi bawibawichi ai katamyh vui ai. Khumi hawi tawnbawichi ly ka-jei awm nai no-na y dei u ai.

JEREMIA 21:6 Iomraidhean Croise

ATITI AWM ANGCHEI NAI 6:7

Naibaly mymy ly “Kaimy i sa nai hini khumichi ai khaileaung tleaung i nai katamyh vui ai; tavochi hawi amso mawichi ai py tamyh ai; nichi ai sa nai deaungkho y kai pipi paleung hawi y,” nanai thui bo.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 14:12

Nichi ly biu hai naimy kasabawmra hnei takeng teu i malawn py, kai ly khumichi i aeu nai raawi katangai pi ai ny y. Nichi ly kai teng y leng patlum nai kapathypra hawi katalamrachi talam i py, kai ly kawn pi ai ny y. Huna nai kakawn pi ai nai tleaung y ly tavai keung y dei hai ai. Takang theu hai iy no kanghawi y dei hai asi,” napi.

JEREMIA 16:4

Nichi ly jei ai hawi nai kanghawi avum iy dei u ai. Ami py nichi i vui vo tangam u ai ny y. Nichi i veuchi py up ai ny y. Huni veuchi ly khaileaung salo y si ei pakheng mang nai kamta awm ai. Nichi ly tavai keung y dei u ai; ti y i py tahum takangra y dei u iy nichi i veuchi ly tavochi hawi daichi mawi kasichi i teicha lawm ai.

JEREMIA 20:4

Ati mana nai mo nabaly Areng mymy kypkyp my, “Kai ly nang ai nangmy i vui py, nangmy i ahawi i vui py, ka-jei hawi nai khumi lawm hai ai. Huni khumi bawibawichi py paleung ka-echi i haisau y dei nai nang niu ai. Kai ly Juda khumi bawibawichi ai, Babulon samrang i kiu y au ai. Ni ly huni khumi phyreichi ai my i pri y langheng y hawi ai i, phyreichi ai ly padei ai.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 33:12

Ati cheaungkhang sa thai nai keung Areng my, “Khumichi hawi tawnbawichi by y iy khutaha daichi ka-vym hawi atawm nai hini pri y, beram typ nai keungchi my beramchi ai sui patlai nai meingtymchi awm teang ai.

JEREMIA 34:17

Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

JEREMIA 36:29

Samrang Jehojakim ai py Areng my, “Nang ly cha aeang ai mai leng vui chum baly Jeremia teng y, Babulon samrang ly hini pri y ang jeu ai i, hini pri y taphra iy khumichi hawi tawnbawichi padei pawn ai, nanai ati mana nai thui lawh mo?, nanai deng bo.

JEREMIA 42:22

Hunai deaungkho y nangchi ly tavai takai y mo, tahum takang y mo, ti y baly no kanghawi y mo man iy, nangmychi chei iy awm ai nai pri y dei u ai,” nanai thui pi bo.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

Ezekiela 12:16

Nichi theung i khumi maidenreichi ai ly tavai takai y, tahum takang y hawi no kanghawichira i nai kapaheng ai. Huna khala y naini khumi cheng cheaungkhangchi theung y tym nai khumichi ly mymychi i sa nai leaungsaichi ly amso ngai hawi nai ne, nanai pany u vau iy, kai ly Areng ne, nanai py pany u ai”, napi.

Ezekiela 14:13

Mymy ly “Nang khumicho awi, pri harei ly kamngo sa iy kai i tlang tleaung y ka-ym by y lawh baly, kai ly kiu pheu iy huni pri y teicha teinei avaw hai ai. Tahum takang theu hai ai i, khumichi hawi tawnbawichi raurei katamyh ai.

Ezekiela 14:17

“Ti y baly kaimy huni pri y tavai atiu hai ai i, khumi hawi tawnbawichi raurei tamyh pawn ai nai taphra thai nai haichi pato nai khala y,

Ezekiela 14:19

“Kai ly huni pri y no kanghawi tym hai iy kado theu naira my khumi neangneangchi hawi, tawnbawi neangneangchi ai dei hai baly,

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 33:27

“Kai ly Tameuh kangheng ne tatang; hunai y phra seaungkhrang nai marychira y awm nai khumichi ly tleh naira avum u ai, nanai sa thai naira angym nai kai, Areng i pany hai nai leu nichi teng y thui pi. Daichi avangchira y awm nai khumichi ly daichi mawichi i teicha lawm ai. Mawichi hawi tapiuchira y aheu nai khumichi ly no-na y dei u ai.

Ezekiela 33:29

Kai ly khumichi ai kamngochi molam y pajeng iy, nichi i pri ai py khumi angso savai tlang nai meingtym lawm hai nai khala, kai ly Areng ne, nanai nichi pany u ai,” napi.

Ezekiela 7:15

Lamchira y atiu naichi awm; yhmchira y no naira hawi kajeu alam naichi py awm. Daichi avang y awm nai khumichi ly haisau tamo y dei u iy, mary theung y awm nai khumichi ly no kanghawi hawi, tahum takang y dei u ai.

HOSEA 4:3

Hunai deaungkho y hini pri ly jengha ai i, heng nai amjy cheaungkhangchi dei u be ai. Amso tawnbawichi, tavochi hawi, pangli theung y awm nai ngochi malawn py dei u ai,” napi.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.