JEREMIA 21:2 - Khumi Common Language Bible

² “Babulon samrang Nebukhadnezar hawi ni i tavaimichi ly mary tiu ai nai katanmeuh lawh bo i, Areng teng y kaichi i vui ahui pi kyh ba. Areng ly kaichi i vui rengrang ka-ma-ra sa pi baly, Nebukhadnezar ai anaw tan anaw hai lym ai,” nanai takeng.

JEREMIA 21:2 Iomraidhean Croise

ATITI AWM ANGCHEI NAI 10:10

Mymy i peang angchei nai khu theung y ly Babulon mary, Erech mary hawi Akad Marychi abawi nai ne.

2 ARENG KEH 1:3

Na i py Areng i kani pri amtaw thau ly Tshabe mary i amo Elija teng y, “Samrang Ahazia i savaichi hawi ka-vum so. Ati mana nai deaungkho y nangchi ly Ekron i tameuh Balazebu teng y leu deng ai nai chei u lawh mo? Israela pri y tameuh by y nai sai a?

2 ARENG KEH 17:24

Asuria empara samrang ly Babulon mary, Kuth mary, Ivah mary, Hamath mary hawi Sepharvai marychi ra i khumichi ai ly pri pala naira avum nai Israela chengchi i marychi ra y awm hai bo. Nichi ly Samari pri marychi ai peang iy, hu y khuteng sa u nai ne.

2 NENG SATANG 32:21

Areng ly kani pri amtaw thau ai pato iy, Asuria tavaimi risachi hawi tavai luchi ai padei hai nai ne. Naibaly empara samrang ly kangji nga naimy Asuria pri mang y vawi bo. Kanirei nai khala y ni ly my i tameuh achura yhm y awm nai thym khala, chapo phyreichi my ni ai haisau hawi tleh u bo.

THEU NAI 9:28

Kaichi ly ali pakang hawi ji mang tla nai ly kham pajau y na bo! Hunai deaungkho y Areng teng y chiu so pi kyh! Kai ly nangchi ai theu ai nai kang pei praw ai; kang patawn veangveang y leang bo mang,” napi.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

JEREMIA 15:11

Areng my, “Kai ly hawi naira nga ai nai nang ai atleu ai. Ka-jeira hawi paleung ka-mawn tym nai neng khala, nang i paleung ka-echi ly kai teng y ahui u ai,” napi.

JEREMIA 21:3

Naibaly Areng ly Jeremia teng y leu pei bo. Jeremia ly my teng y tym nai khumichi teng y, Zedekiah ai thui hai nai ne.

JEREMIA 32:17

“Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 34:1

Babulon samrang Nebukhadnezar hawi tavaimichi anui y awm nai pri ngiereichi hawi, khumi cheng cheaungkhangchi i tavaimichi kasabawmra hawi, Jerusalem mary hawi tengpang sahawi i marychi ai tiu nai thym khala, Areng ly kai teng y leu ang pei nai ne.

JEREMIA 37:17

Naibaly samrang Zedekiah ly kai ai samrang yhm y palau i, “Areng teng i leu pei nai sai sairei awm a?,” nanai kangviu y angdeang. Kaimy, “Awm chy, nang ly Babulon samrang i kiu y tym ai,” nanai kapathang pi.

JEREMIA 37:3

Samrang Zedekiah ly Shelemiah i chapo Jehuka hawi Maaseiah i chapo pathyp pi nai keung Zephaniah nini ai kai teng y pato nai deaungkho y, nini ly kai teng y, “Achi i pri i vui, achi i Areng Tameuh teng y chiu so pi,” nanai thui hawi.

JEREMIA 37:7

kai teng y pato nai keung Zedekiah teng y, “Nang ai sabawm ai nai vai, amsa nai Pharao samrang i tavaimichi ly mychi i awm nai Aikupta pri y vawi u ali teang ai.

Ezekiela 7:26

Patang nairachi ly harei bo y harei ang tym ai i, nangchi ly satang hawi y nai avawrei thai u jojo ai. Nangchi ly amochi teng y nichi i paleung mei y niu naichi thui pi ai nai takeng u ai. Pathyp pi nai keungchi py khumichi ai thui parip ai nai ati sai py nga ai ny y. Miteaungchi py ati sai py tau pei u thai ai ny y.

TARA CHIH NAI KEUNGCHI 20:27

Huni neng khala y Areng i Leu Maikawm Pawm ly Bethela mary y awm nai ne. Huni Pawm ai ly Aron i katu, Eleaza i chapo Phineha my kry. Khumi mipuichi my Areng teng y, “Kaichi ly kaimychi i amnau Benjamin cheng theaungchi ai vai, chei bi iy tiu ai a? tiu y ai bo a?” nanai deng u. Areng my, “Tiu u, khawndam ly kaimy nangchi ai, nichi i tlang tleaung y kang eaung hai ai,” nanai pathang.

1 SAMUELA 10:22

khumichi ly “Sawla ny y naimy khumi takhra leaung leaungrei awm a?,” nanai Areng teng y deng u. Areng my, “Sawla ly hi y awm; ni ly vawnsaichi khai nai anui y aheu vui,” napi.

1 SAMUELA 28:15

Samuela ly Sawla teng y, “Nang ly ati mana nai kai ai khrukhra hai lawh mo? Ati mana nai kai ai palau teang lawh mo?,” nanai deng. Sawla my, “Kai ly khri pa-rei patang naira avum nai ne. Philistia chengchi ly kai hawi tavai atiu bo. Areng my py kai ai khai su bo. Mymy ly amochi hawi py, amang mang py, kai ai pathang pi y. Hunai deaungkho y kai ly nang ai palau nai ne. Kai ly ati mana sa ai mo, nanai leu pei ba,” napi.

1 SAMUELA 28:6

mymy ly mana sa ai mo, nanai Areng teng y deng bo. Na i py Areng ly amang mang py, Urim hawi Thummim hawi py, amochi hawi py, pipi pathang pi y.