JEREMIA 21:10 - Khumi Common Language Bible

¹⁰ Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 21:10 Iomraidhean Croise

2 NENG SATANG 36:19

Ni ly Achura yhm hawi mary ai mai leng iy, Jerusalem mary apaichi py taphra bo. Samrang yhmchi hawi vang kateng vawnsaichi hawi vanrei, mai leng pawn nai ne.

SAM 34:16

Na i py hawi y sa nai khumichi ly dei nai khala, kra y naimy nichi ai tami pawn ai nai, mymy ly nichi ai ka-awi sa nai ne.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 33:5

Babulon chengchi ai khumi phyreichi my tiu u ai. Kai ly khri pa-rei kado theu nai deaungkho y, kaimy padei ai nai khumi veuchi hawi, nichi ly hini mary y kawi hai ai. Mary i khumichi i sa tamang nai molam y, kai ly hini mary i nai meimai kahi pi vui ai.

JEREMIA 34:2

Israela chengchi i Areng Tameuh my kai teng y, nang ly Juda samrang Zedekiah teng y chei iy, ni ai thui pi ai nai leu ly “Kai, Areng ly hini mary ai Babulon samrang i kiu y au ai. Ni ly hini mary ai mai leng vui ai.

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 38:17

Huna nai khala y kai ly samrang Zedekiah teng y, Israela chengchi i Tameuh, ati cheaungkhang sa thai nai keung Areng my, ‘Nang ly Babulon samrang i bangtangchi teng y kasum apei baly nang heng ai; hini mary py mai my kang ai ny y; nang hawi nang i yhm dengtheungchi py heng u bawi ai.

JEREMIA 38:18

Na i py nang kasum apei y lawh baly, hini mary ly Babulon chengchi i kiu y tym ai. Nichi my py hini mary ai mai leng vui ai. Nang py nichi kiu i nai tleaung ai ny y,’ nanai leu ang pei,” nanai thui pi.

JEREMIA 38:23

Huni bo y kaimy, “Babulon chengchi ly nang i ajuchi hawi cho chanau bawibawichi ai hawi pawn ai. Nangmy kypkyp py nichi kiu i nai tleaung ai ny y; Babulon samrang my ang patiu ai. Hini mary py mai y kang vui ai,” kanapi.

JEREMIA 38:3

Kai ly hini mary ai Babulon samrang i tavaimichi teng y kapei ai; nichi my py hini mary la vui ai,” napi.

JEREMIA 39:16

Mymy ly “Nang ly Ethiopia cheng Ebedmeleh teng y, Israela chengchi i Tameuh, ati cheaungkhang sa thai nai keung Areng my, kai ly vaichi khala y thui pi yb nai kamta, hini mary phra seaungkhrang hai ai. Hini mary ai nang chawn hai ai ny y. Neng tym nai khala y hini atitichi tym nai niu ai nai nang ly huni mary y awm ai.

JEREMIA 39:8

Huna nai thym khala y Babulon chengchi ly samrang i yhm hawi khumichi ai mai leng iy, Jerusalem mary apaichi panawi u bo.

JEREMIA 44:11

“Hunai deaungkho y Israela chengchi i Tameuh, ati cheaungkhang sa thai nai keung kai, Areng ly nangchi i tlang tleaung y ka-jeira tym hai iy, Juda pri phra hai ai.

JEREMIA 44:27

Nangchi nang chawn ai nai tleaung y ly phra u ai nai kang sa ai. Aikupta pri y awm nai Juda khumichi ly leaungrei py tleaung y na pa-rei, tavai takai hawi, no kanghawi y dei u ai.

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

Ezekiela 15:7

kapajeng ai. Nichi ly mai i nai tleaung u i py vai, mai harei my kang vui ai. Huni khumichi pajeng naira avum nai khala, kai ly Areng ne, nanai nangchi pany u ai.

Ezekiela 24:11

Naibaly kheupaja laawm ka-keu angngo jo na pa-rei mai-ai tleaung y khai. Hunaibaly kakhawi kaeng ai ly mai my kang pyn ai i, laawm ly reita leaungsai kamta kachai lawm teang ai.

Levi 17:10

Israela cheng mo, Israela chengchi theung y awm nai cheng takhra mo, thi abawi nai mawi cha lawh baly, Areng ly meimai hi pi vui iy mymy i khumichi theung i nai nyn va vui ai.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

AMOS 2:5

Hunai deaungkho y kai ly Juda pri salo y mai kani nai hai iy, Jerusalem mary i amtangra yhmchi ai maidym satlawi palawn vui ai,” napi.

AMOS 9:4

Paleung ka-echi my patiu vui i py, nichi ai padei ai nai kaimy leu pei ai. Kai ly nichi ai sabawm y naimy, taphra vui ai nai leu pacheang veng bo,” napi.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.