JEREMIA 20:8 - Khumi Common Language Bible

⁸ Kai ly leu thui nai tleirei aeu iy, “Khrukhra naira! Phra naira!” nanai aeu ai tla nai ne. Aw Areng, kai ly thui tamawn nai hawi panui hai naira avum bo; ati mana nai mo nabaly nang i leu pei nai thai hai nai deaungkho y ne.

JEREMIA 20:8 Iomraidhean Croise

2 ARENG KEH 2:23

Elisa ly Jeriko mary i dengdairei Bethela mary mang y chei. Lam y mary harei i deaungdi phyreichi ly theu u i, ni ai panui hai u bo. Nichi my, “Lu kamngai, lu kangbiuliu awi, hi i nai theu vui!” nanai aeu u.

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

ISAIA 57:4

Nangchi ly ami ai panui hai u nai mo? Tapawp nai khumichi awi, nangchi ly ami ai thui tamawn u nai mo?

JEREMIA 15:10

Kai ly amo theu naira by y nai khumi lawm lawh bo ly! Kai i amhm ly kai ai hini khaileaung pri y ati mana ang tapen lawh mo? Hini pri y awm nai khumi ngiereichi hawi leu nawi, rai ai nai tla bo. Kai ly ami teng y py paisa tangka alai ai nai pei vai y. Ami teng i py alai vai y. Na i py khumi bawibawichi ly kai ai pasawi u lawh.

JEREMIA 15:15

Huna nai khala kaimy, “Nang ly pany nai ne. Kaichi ai pany jo ly sabawm kyh ba. Kaichi ai pahyp y naimy ana nai khumichi ai, vawitheung tha teang ai nai pei kyh ba. Nichi ly kaichi ai padei ai nai neng tym nai pa-rei, neaung kham pi moh. Kaichi i tlang tleaung y mei aniu y nai ly nang deaungkho y ne, nanai pany pi jo kyh ba.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 20:7

Aw Areng, nang ly kai ai tapawp hyp nai deaungkho y, kai ly tapawp naira avum bo. Nang ly kai tleaung y atho len nai deaungkho y, kai ai eaung vui bo. Khumi luteng my kai ai panui hai nai ne. Nichi ly kai ai kani khengrei preaung u bo.

JEREMIA 28:8

Nang hawi achi i deung ny y rai nai, jangni i amochi my thui nai ly khumi cheng cheaungkhangchi hawi sa thai naira len nai prichi py, tavai ka-jeira, takang theu nai hawi, no kanghawi avum u ai, nanai thui u rym nai ne.

JEREMIA 5:1

Jerusalem mary i khumichi awi, nangmychi i lamchira y chei u! Tengpang sahawi y hau u! Adawn pasym u! Seng mang y chei iy hau u! Kahawi sa nai khumi, Tameuh i tlang tleaung y ka-ym awm ai nai atho sa nai khumi leaungrei niu pajau na a? Huni khumi ai nang avum lawh teu baly, Areng ly Jerusalem mary i kamngo lawi hai ai.

JEREMIA 5:6

Huna nai deaungkho y daichi mang i khrangsichi ly nichi ai kei u ai. Khutaha daichi ka-vym i kasuichi ly nichi ai keileu keileu ai. Takai kheangchi py nichi i marychi sahawi y o iy, mary angam mang y theu nai khumi ngiereichi ai keileu keileu pawn ai. Ati mana nai mo nabaly huni khumichi ly kamngo nawi nai khyh chang y i, Tameuh ai avaw avawrei nithun thun u nai deaungkho y ne.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

HABAKKUK 1:3

Nang ly ati mana nai y kaichi i tlang tleaung y, hina nai ngari kamtang hawi, hawi y naira avum hai lawh mo? Kaichi ly khrukhra naira, lawm taphra nairachi avum nai ne. Meingtym tleirei y ka-jo ka-thui hawi a-ei naichi py avum nai ne.

LUKA 11:45

Naibaly Reita pany nai keung leaungrei my ni teng y, “Sara awi, nang i hini leu thui nai ly kaichi ai py jo nai na a hi ly,” nanai pathang.

HEBRAI 11:26

naibaly ni ly kawn nai vang nga ai nai angdeang lawh veng nai deaungkho y Krista ai tahm khai y naira ai ly Aikupta pri i yhmtheaung tleaung y ly yhmtheaung nang keh nai palawn lawh.

HEBRAI 13:13

Hunaibaly achi ly mymy ai tahm khai y naira ai pho iy, avang yhm meaungteng y mymy teng y chei u sina.

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.