JEREMIA 20:5 - Khumi Common Language Bible

⁵ Kai ly paleung ka-echi ai hini mary i nang nai yhmtheaung katuichi ai lawm hai ai. Hini mary i awm yb nai vawnsaichi hawi yhmtheaung katuichi ai py, Juda samrang i yhmtheaung katuichi ai py Babulon pri y syn hai vui ai.

JEREMIA 20:5 Iomraidhean Croise

2 NENG SATANG 36:10

Kanipui theu nai khala y samrang Nebukhadnezar ly Jehojakhin ai patiu iy Babulon pri y hawi vui bo. Samrang yhm i yhmtheaung katuichi py la pi pawn nai ne. Naibaly Nebukhadnezar ly Jehojakhin i ampochy Zedekiah ai Juda samrang y palyn i, Jerusalem mary y peang hai bo.

ISAIA 39:6

Nang i samrang yhm y awm nai ngiereichi ai py, vaini khrairei nang i amsi pajochi my pateung pi achu nai yhmtheaung katui ngiereichi ai py, Babulon pri mang y syn pawn nai neng kani tym ai. Ati sai py awm ai ny y.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 15:13

Areng my kai teng y, “Kai ly pri verei y kai i khumichi sa tamang nai kamngochi molam y kapajeng ai. Nichi i nang chawn nai muku tangka, vang katengchi la pi pawn ai nai paleung ka-echi kapato ai.

JEREMIA 3:24

Na i py kaichi ly deaungdichy khala i ka-so, kangji hawi nai tameuhchi ai kachiu u nai deaungkho y, jangni khala i dengdairei amsi pajochi my lop-panra i beram kanghuchi, si kanghuchi, cho chanau hawi awm nai bawibawichi chau pawn nai ne.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 39:2

Zedekiah i samrang y atheng nai holai harei saneng, palyh lo, kani takawrei kani y mary apaichi anawi bo.

JEREMIA 39:8

Huna nai thym khala y Babulon chengchi ly samrang i yhm hawi khumichi ai mai leng iy, Jerusalem mary apaichi panawi u bo.

JEREMIA 4:20

Ka-jeira ly harei bo baly harei tym dudu nai ne. Pri verei py phra seaungkhrang naimy awm bo. Achi i taichi ly tlenrei khyhmy anawi pawn iy taira i kanih jang naichi py aseih piupa veng bo.

TANGAM NAI LEU 1:10

Paleung ka-echi ly ni i yhmtheaung katui bawibawichi ai lawm pi pawn vui bo. Ni ly Areng my kun ai pei y nai Achura yhm theung y huni khumichi kun nai nui.

TANGAM NAI LEU 1:7

Vai ly phra vui bo i, ahawi by y leang bo. Jerusalem mary ly jangni deung y, my i apu nai saichi ai aawi ali teang nai ne. Paleung ka-echi i kiu tleaung y tym nai thym khala, ni ai sabawm ai nai khumi leaungrei py by y. Ni ai tiu i pajau nai khumichi ly ni i jy nai sai ai panui pachem hai bo.

TANGAM NAI LEU 4:12

Meingtym tleirei i khumichi hawi cheng takhrachi i samrangchi ly mani paleung ka-e py, Jerusalem mary apaichi theung y kun pajau ai, nanai ym y.

Ezekiela 22:25

Nichi i lu sa naichi theung y amkawm paviu naichi awm. Nichi ly amso mawichi ai kei nai bo y hang nai khrangsichi hawi atawm. Nichi ly khumichi ai padei iy nga thai nai ngierei tangka hawi vawnsaichi la u nai ne. Huna nai padei nai deaungkho y neampachy neangneangchi ai lumai lawm hai bo.

DANIELA 1:2

Areng ly Nebukhadnezar teng y samrang Jojakim ai patiu ai nai hawi, Achura yhm i yhmtheaung ateaung phyrei ai, la pi pawn ai nai pei. Nebukhadnezar ly langheng hawi naichi ai, Babulon pri y awm nai my i tameuh yhm mang y hawi iy, la pi vui nai yhmtheaung ateaungchi ai, my i tameuh ai chiu nai yhm i vawn khai nai meingtymra y khai bo.

HOSEA 13:15

Israela chengchi ly acha keungchi kamta angvai i py, kai ly khutaha daichi ka-vym mang dengdairei, nisi mang i ali kabi aho hai nai deaungkho y, nichi i tavo micheaungchi hawi tuikanchi kang hai iy, vang kateng vawnsai ngiereichi chau pawn ai.