JEREMIA 2:7 - Khumi Common Language Bible

⁷ Kai ly nichi ai paitiu khuta hawi nai pri y amti amjang hawi, takhra teicha teinei kahawichi cha nei ai nai kapahawi bo. Na i py nichi ly kai i pri taphra u. Nichi teng y kaimy pei nai pri ai chai hai y nai ne.

JEREMIA 2:7 Iomraidhean Croise

NEHEMIA 9:25

Nang i khumichi ly amtangra marychi, paitiu khuta hawi nai pri, yhmtheaung katui cheaungkhang awm angym nai yhmchi, tai yb nai tuikanchi, olive keungchi, thengthai keungchi hawi kreip akhochi peang u nai ne. Nichi ly ngai nai ryrei cha nei u iy, veung hawi u; nang i pei nai hawi nairachi amtym u bo.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

ISAIA 19:25

Ati cheaungkhang sa thai nai keung Areng my, huni prichi ai amtheaung naira pei iy, “Kai i khumi Aikupta chengchi awi, kaimy sa nai Asuria chengchi hawi, kaimy vawi takhra nai khumi Israela chengchi awi, nangchi ai kaimy amtheaung naira pei ai,” napi.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

JEREMIA 3:1

Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

JEREMIA 3:2

Mawi saleungchi ai khen angdeang u. Bima kamta nang so vai y naichi awm a? Arab cheng ly daichi ka-vym y lawm ai nai amo yb nai kamta, nang ly lam tengchira y tavawichi ai ajeng bo. Nang ly nangmy i hawi y nai kamleaung kalop hawi, hini pri y chai hai y nai ne.

JEREMIA 3:9

Israela i hawi y nai ly mymy hawi abi abang y nai kamta, mychi i pri y chai hai y bo. Ni ly lengseaungchi, dengkeaung keungchi ai chiu iy tamang bo.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JEREMIA 32:30

Israela hawi Juda khumichi ly jangni khala i ka-so, kai i ngai y nai atitichi naini sa u lawh. Israela khumichi ly mychi i sa nai mynchi hawi, kai ai kado theu hai u bo.

Ezekiela 20:24

Huna nai kasa nai ly nichi kai i leu pei naichi khai su iy, kai i Reita py taphra; Anawn kani ai tahm khai y iy amsi pajochi chiu nai mynchi chiu lawh nai deaungkho y ne.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 20:6

Nichi ai Aikupta pri i nai pahawi iy, nichi i vui khai pi yb nai pri y pahawi ai, nanai kaimy adeu pi nai ly huni neng khala ne. Huni pri ly kanutui hawi khawi hang leaung iy nang nai pri, apu parai nai pri ne.

Ezekiela 23:35

Sa thai naira angym nai Areng my leu pei nai ly “Nang ly kai ai tami vui iy nithun thun naimy kamleaung paleung hawi bima kalop sa nai molam y, nang ly patang naira avum ai,” napi.

Ezekiela 36:17

Mymy ly “Nang khumicho awi, Israela chengchi ly mymychi i pri y awm u nai thym khala, awm nai sai hawi amhi amtlau nai saichi molam y huni pri y chai hai y bo. Nichi i amhi amtlau nai sai ly neampachy leaungrei tlangchai tym nai thym y reita my chai y nai kamta chai y, nanai kadawn.

HOSEA 9:3

Israela khumichi ly Areng i pri y awm ai nai ngo y i, Aikupta pri mang y vawi u ali teang ai nai tla ai. Asuria pri y py cho ngau y nai teicha teinei cha u ai.

MIKHA 2:10

Angthau ly tako u; hini pri ly nangchi i vui chymme naira meingtym ny y leang bo. Nangchi i kamngo nai molam y hini pri ly phra bo.

Kati Nai 13:27

Nichi my Mosi teng y, “Kaichi ly huni pri y khu ta-i ai nai khen paviu i, huni pri ly teicha teinei kawi iy, paitiu khuta thym, nanai pany bo. Hini thengthaichi ly huni pri i theu nai thengthaichi ne.

Leu Thui Nai 21:23

huni veu ai ly vumtorei khai u jo moh. Veu ai dengkeaung salo y bang hau nai ly pri i vui taham si nai deaungkho y, huni kani y my up vui ai nai tla. Nangchi i Areng Tameuh my pei nai pri ai amso ngai hai y ai nai, huni veu ai ly up veng ryp ai nai tla.

Leu Thui Nai 32:9

Na i py Jakob i kangpreangchi ai, mymy i vui y vawi takhra bo.

Leu Thui Nai 6:18

Nangchi ly Areng i mo y kateng hawi kahawichi sa baly, atitira py eaung ai. Nangchi i amsi pajochi teng y Areng my adeu nai pa-tiu khuta hawi nai pri ai peang u pajau ai.