JEREMIA 2:6 - Khumi Common Language Bible

⁶ Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

JEREMIA 2:6 Iomraidhean Croise

2 ARENG KEH 2:14

Ni ly tavo peang y angdo iy Elija i ateaung hawi tui y pakhau. Na i py tui ly akhawi y. Elisa ly “Elija i Tameuh napi nai Areng ly ma mang y mo?” nanai aeu iy tui y pakhau bi. Huna nai khala tui ly akhawi i, ni ly tavo vai mang y tako jo nai ne.

JOBA 3:5

Huni ly vengpam na sy. Khupanymchi ly huni neng kani ai khiu sy; huni neng kani ai kani si hai moh sy.

JOBA 35:10

Na i py nichi ly patang nai veng nanai thym khala, athang khai naira pei pajau nai, sa nai keung Tameuh teng y ly ahihawi u y.

SAM 23:4

Aw Areng, kai ly khri pa-rei veng nai leaunghawira y tako prei lawh teu i py, jei y ai; ati mana nai mo nabaly nang ly kai hawi vanrei awm nai deaungkho y ne. Nang i thengbeang hawi cheaungvawi ly kai ai awm hai nem ai.

SAM 77:5

Kai ly katlen vui nai kanichi ai adawn pasym baly, jangni i law veng nai sanengchi ai dawn tami pajau y.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

ISAIA 64:7

Nang i amyn y nang teng y leaungrei py chiu so y. “Sabawm kyh ba,” nanai leaungrei py hnei ai nai jeu y. Kaichi i kamngochi deaungkho y, nang ly meimai hi vui iy kaichi ai khai su bo.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

JEREMIA 2:8

Pathyp pi nai keungchi my, ‘Areng ly ma mang y awm mo?’ nanai deng u. Kai i pathyp pi nai keungchi ly kai ai pany u y. Peang nai keungchi ly kai ai tiu u bo. Amochi ly Bala tameuh i amyn y tau iy, vang teng y nai mynchi teng y chiu u nai ne.

JEREMIA 5:12

Areng i khumichi ly mymy i satang tengtang y naimy thui u nai ne. Nichi my, “Mymy ly ati sai py ang dawn hai ai ny y. Achi py ngari kamtang avum u ai ny y. Tavai ka-jeira hawi takang py avum ai ny y,” nanai thui u.

JEREMIA 5:2

Nangchi my, Areng ly heng nai ne, nanai vaineng abeu u teu i py, nangchi ly teng y nai vaineng abeu u nai ne.

JEREMIA 51:43

Huni marychi ly kaso tahyn theu ai hawi naira lawm iy, khumi angso savai tlang naira, tui by y nai daichi ka-vym hawi atawm bo. Huni marychi mang y ami py khuleaung chei u y bo.

HOSEA 12:13

Areng ly Israela khumichi ai miseaung achei nai Aikupta pri i dengdairei pahawi ai nai hawi, kry ai nai amo leaungrei ai pato pi.

HOSEA 13:4

Areng my, “Kai ly nangchi ai Aikupta pri dengdairei pahawi nai, nangchi i Areng Tameuh ne. Nangchi ly kai ny y baly Tameuh takhra by y, kai leaungrei naini nangchi i atleu keung ne.

AMOS 2:10

Kai ly nangchi ai Aikupta pri i dengdairei, kang pahawi nai ne. Daichi ka-vym theung y saneng vui palyh ryrei pahawi iy, Amori khumichi i pri ai nangchi peang ai nai kang pei bo.

MATTHAI 4:16

kaveng y ateh naichi ly khri pa-rei kangvang niu u i, Deira meingtym hawi ka-khui y ateh naichi i tlang tleaung y kangvang theu bo,” nanai thui nai ly tym thai ai nai sa nai ne.

Leu Thui Nai 1:19

“Achi ly achi i Areng Tameuh my leu ang pei nai kamta achi sa bo. Achi ly Sinai mawi i theu nai khala, kau parai iy ka-jei awm nai daichi ka-vym tako prei naimy mawi nawi parai nai Amori pri mang y khuleaung amsa u nai ne. Achi ly Kadesa Barnea y tym nai khala y,

Leu Thui Nai 32:10

“Mymy ly nichi ai ali ho nai daichi ka-vym theung y amki ryry nai niu baly, mymy i cho chanau kypkyp kamta nichi ai hawihai palai kry nai ne.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

TARA CHIH NAI KEUNGCHI 6:13

Kideon my ni teng y, “Aw areng, Areng ly kaichi hawi vanrei awm nai ne khyp nabaly, ati mana nai y hini patang naira tym hai lawh mo? Areng ly mymy i khumichi ai, Aikupta pri i dengdairei pahawi nai saichi hawi, lyh ai awm nai saichi sa pi nai py, amsi pajochi my ang thui pi bo. Huni lyh ai awm nairachi ly ma mang y mo? Areng ly kaichi ai khai su iy, Midian chengchi teng y ang-au su lawh ly!,” napi.