JEREMIA 2:5 - Khumi Common Language Bible

⁵ Areng my leu pei nai ly “Kai teng y ati kamngo niu nai y, nangchi i amsi pajochi ly kai teng i nai theu u nai a? Nichi ly vang teng y nai mynchi chiu u iy, mychi kypkyp py vang teng u y bo.

JEREMIA 2:5 Iomraidhean Croise

2 ARENG KEH 17:15

Nichi ly mymy i leu pei nai tangai u y; mymy hawi amsi pajochi asa nai leu maikawm ai py patawm u y. Mymy i pany hai nai leuchi ai py dawndan u y. Nichi ly ati sai py ny y naichi ai chiu u iy, nichi py ati sai py ny y nai khumichi lawm u bo. Tengpang sahawi i khumichi sa nai kamta, so u y ai nai, Areng i leu pei nai tangai u y naimy, huni khumichi i reita mang y abang u nai ne.

SAM 115:8

Huni mynchi ai sa nai khumichi hawi ym nai khumichi ly mychi sa nai mynchi kamta lawm u sy.

ISAIA 29:13

Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

ISAIA 44:9

Myn sa nai keung bawibawichi ly vang teng y nai khumichi ne iy, nichi i tahm khai nai tameuhchi py ati sai py ny y. Huni tameuhchi ai chiu nai khumichi ly mei paju naichi, tau cheng naira by y nai khumichi ne. Nichi ly kangji nga u ai.

ISAIA 46:12

Kaichi law tleaung ai nai neng ly palo rai, nanai thui nai khumi, nangchi paleung tang nai khumichi awi, kai i thui nai leu tangai u.

JEREMIA 10:8

Nichi bawibawi ly ka-khum hawi khumi aso y naichi ne. Dengkeaung mynchi my ly nichi ai ati amtiu naira pei pajau ai mo?

JEREMIA 12:2

Nang ly nichi ai pati nai deaungkho y, nichi ly tangjyn aviu, keung cheang iy athai thawn bo. Nichi ly nang i hawi nai sai thui u jojo i py, nichi ly angchi khyp, nang ai tahm khai u y leang.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

JEREMIA 2:4

Nangchi Jakob i kangpreang Israela nupaichi awi, Areng i leu pei nai tangai u.

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

Ezekiela 11:15

Mymy ly “Nang khumi cho awi, Jerusalem mary y awm nai khumichi ly nang hawi nang i amjo amnau pri palara avum nai Israela khumichi i satang thui u nai ne. Nichi ly Areng y amjo amnau kypkyp hawi, mymy teng i nai kamlo y awm u naichi ne. Huna nai y mymy ly hini pri achi amtym ai nai ang pei nai ne,’ nanai thui u bo.”

Ezekiela 14:5

Huni mynchi ly Israela chengchi ai kai hawi akhan hai bo. Na i py nichi ly kai i pathang pi nai deaungkho y, kai i tlang tleaung y ka-ym awm u ali teang ai.

JONA 2:8

Ati sai py ny y nai mynchi y chiu nai khumichi ly nang i tlang tleaung y ka-ym by y naichi ne.

MATTHAI 15:8

‘Hini khumichi ly nichi i labeaung y ly kai ai tahm ang khai i, Mymychi i paleung ly kai hawi palo parai veng;

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

ROM AVANGCHI TENG Y PAWLA I CHA PA NAI 1:21

nichi ly Tameuh ai pany u iy, mymy ai ly Tameuh kamta tahm py khai u y, kawn nai leu py thui u y; nichi ly sai py ny y nai dawn u lawh i, mymychi i pany thai naira by y nai paleung ly veng bo.

Leu Thui Nai 32:21

Nichi i tameuh mynchi hawimy kai ai kado ang theu hai bo; nichi i tameuh tatang ny y nai hawimy kai ai takho ang si hai. Hunai deaungkho y aso ami y nai khumi cheng lawm hai nai hawimy nichi ai kado theu hai ai. Cheng y nai khumi cheng lawm nai hawimy, nichi ai takhosi nai paleung tym hai ai.

1 SAMUELA 12:21

Tapawp nai tameuhchi teng y ly abang u moh; huni tameuhchi ly tameuh tatang ny y nai deaungkho y, nangchi ai sabawm ai nai py, atleu ai nai py kawp u y leang.