JEREMIA 2:30 - Khumi Common Language Bible

³⁰ Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 2:30 Iomraidhean Croise

1 ARENG KEH 19:10

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u bo. Kai leaungrei naini tleaung i, nichi my kai ai padei ai nai hau u bo!” napi.

1 ARENG KEH 19:14

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u. Kai leaungrei naini tleaung i, nichi my kai ai padei ai nai hau u bo,” napi.

2 NENG SATANG 24:21

Samrang Josha ly Zekhariah i tlang tleaung y hawi y sa ai nai ka-dawn mang y abawi i, ni i leu pei nai kamta khumichi ly Zekhariah ai Achura yhm apai theung i ly-um y, lengseaung hawi aphi u kha bo.

2 NENG SATANG 28:22

Ahazi ly hina nai rai naira khri pa-rei avum nai neng khala py, Areng i tlang tleaung y vaichi khala i tleaung y kamngo sa tleaung sa ra bo.

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

ISAIA 1:5

Nangchi ly ati mana nai y tiu u veangveang lawh mo? Vai i tleaung y lenra nai kamngo pajeng naira avum ai nai ngai u lawh a? Nangchi Israela mipuichi awi, nangchi i luchira y tamo kalem kawi na bo. Nangchi i paleung pathym py phra u na bo.

ISAIA 59:3

Nangchi ly ka-chawi leu katheu nai, nangchi i kiuchi hawi kiu pajeungchira y thi abawi nai, khumi ai tleh nai, hunichi molam y kamngo awm u nai ne.

ISAIA 9:13

Israela chengchi ly uikheih u y. Ati cheaungkhang sa thai nai Areng ly mymychi ai pajeng teu i py nichi ly mymy teang y ali u teang y.

JEREMIA 31:18

“Israela chengchi i paleung si naimy takeng nai ly kai thai bo. ‘Aw Areng, kaichi ly aveng nai sicho hawi atawm; na i py nang ly kaichi ai leu tangai ai nai patiu pi nai ne. Kaichi ai pahen ali teang kyh ba. Kaichi ly nang teng y vawi ali teang ai nai angveirym bo. Nang ly kaichi i Areng Tameuh ne.

JEREMIA 46:14

“Aikupta marychi napi nai Mikadol, Memphi hawi Tapaneh marychi teng y, ‘Nangchi ly nangmychi i vui amtang ai nai angvei u rym; nangchi teng y awm nai ngiereichi ly tavai keung y phra hai ai!

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 7:28

Nichi ly mychi i Areng Tameuh i leu tangai u i, pajeng naira avum nai y, amtiu naira nga ai nai khumi cheng ny y, nanai nichi teng y thui pi. Leu meitang ly tama veng bo. Leu kateng katheu u y leang bo.

TANGAM NAI LEU 4:13

Na i py huna nai tiu naimy kun nai ly tym chum veng bo. Ati mana nai mo na baly mary i amochi hawi pathyp pi nai keungchi ly kamngo sa tamang u iy, kamngo by y naichi dei u nai deaungkho y ne.

Ezekiela 22:24

Mymy ly “Nang khumi cho awi, Israela pri ly kado theu naira tym nai kani y kanitui ngo y, kani nai y naimy awm ai, nanai huni pri y thui pi.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

ZEPHANIAH 3:2

Huni mary ly Areng i leu pei nai tangai y. Mymy i thui pi nai reita patawm y. Mymy ai ym y. Areng teng i kasabawmra py hnei y.

MATTHAI 23:29

“Nangchi Reita patiu nai keungchi hawi Phraisai tapawp naichi awi, nangchi ly taham si! Nangchi ly amochi i tapreaung sa u iy, khumi kahawichi i angawm py palum u i,

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

I THESALONIKA 2:15

huni Judachi ly Areng Isu ai hawi amochi ai py padei iy, kaichi ai py ang patheu; nichi ly Tameuh i ka-kawn py so y, khumi bawibawichi ai aawi hai ngang lawh;

AMTENG HAI NAI 16:9

Naibaly khri pa-rei bi nai deaungkho y khumichi ai ly akeaung hai tlau bo; naibaly nichi ly huni patang hai naira peang nai keung Tameuh i amyn thui tamawn iy, mymy ai palo ai nai uikhei nai paleung ngo u y leang.