JEREMIA 2:21 - Khumi Common Language Bible

²¹ Kai ly lym patyp nai ti ra i kreip keung kaui nai ne. Na i py nang ati mana lawm mo, nanai khen cham! Nang ly veaung iy teaung ai ngo y nai kreip keung hawi atawm nai ne.

JEREMIA 2:21 Iomraidhean Croise

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

SAM 80:8

Nang ly Aikupta pri i kreip keung syn iy, cheng takhrachi ai patheu pawn chum baly, nichi i pri y huni kreip keung ui bo.

SAM 80:9

Nang ly kreip keung prau thai ai nai meingtym palum pachai pi bo; huni keung ly thiu parai pa-rei tangjyn aviu i, pri verei y khiu na bo.

THEU NAI 15:17

Aw Areng, nang ly nichi ai pahawi iy nang i awm ai nai vawi takhra nai mawi salo y, meingtym tahyh pi ai; nangmy kypkyp my sa nai Achura yhm y awm hai ai.

ISAIA 1:21

Vaichi khala ka-ym awm nai mary ly vai i neng y bimanu kamta lawm veng lawh bo ly! Vaichi khala huni mary theung y khumi kahawichi awm u nai ne teu i py, vai ly khumi ai padei naichi naini awm khyh bo.

ISAIA 27:2

Huni neng khala Areng ly mymy i apu parai nai kreip akho molam y,

ISAIA 41:8

“Na i py kai i miseaung Israela chengchi awi, kaimy vawi takhra nai nangchi ly kai i ahawi Abraham i katu chanauchi ne.

ISAIA 5:4

Huni akhobai palum naira y kai ly ati so pi y nai awm mo? Na i py kreip keungchi ly kai i athang khai nai kamta, ati mana nai kreip athai kahawichi jeng y, kreip athai kathochi athai lawh mo?

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

JEREMIA 11:16

Vaichi khala Areng ly huni khumichi ai, ngamchi angvairu iy athai kahawichi athai pasu nai olive keung, nanai amyn pathi nai ne. Na i py vai, kai ly kani pajyh nai katyn hawi huni keung i ngamchi mai leng iy changpichi khei pawn ai.

JEREMIA 11:17

“Ati cheaungkhang sa thai nai keung kai, Areng ly Israela pri hawi Juda pri ai palum pachai pi ai. Na i py vai kai ly huni pri y ka-jeira tym hai ai. Nichi ly sa tamang u nai deaungkho y, Bala tameuh teng y apathyp u nai molam y, nichi ly kai ai kado patheu u lawh nai ne.”

JEREMIA 5:10

Kai ly paleung ka-echi ai kapato iy, nichi i kreip akhochi taphra hai ai. Na i py kreip keungchi myh pa-rei ly taphra hai ai ny y. Kreip changpichi ly kaimy peang y nai deaungkho y, hunichi ateng pawn ai nai paleung ka-echi teng y kaimy leu pei ai.

TANGAM NAI LEU 4:1

Amchai nanai muku ly amchai y veng bo. Achura yhm i lengseaungchi py, lamchira y ahei pawn bo.

Ezekiela 15:2

Mymy ly “Nang khumicho awi, kreip keung ly dengkeaung keung hawi ati takhra naira awm mo? Kreip angjyn changpi ly daichi theung i dengkeaung changpichi hawi teaung naira y hawi nai sai atawm ai?

MATTHAI 21:33

“Pata nai leu takhra tangai u: Yhmkeung leaungrei mo awm i kreip akho sa, naibaly, apai akawm i, kreip athai ati ai nai angawm tai iy, chang ka-sang sa bo; naibaly mymy ly akho kry nai keungchi teng y hlau ai nai vang pei iy, pri takhra y chei vui.

MARKA 12:1

Naibaly mymy ly nichi teng y pata nai leu takhra takhra thui amteaung i, “Ami mo kreip akho sa i, apai akawm iy, kreip athai ati ai naira angawm py tai: naibaly chang ka-sang sa i, akho kry nai keungchi teng y hlau ai nai vang pei iy, pri takhra y chei vui.

LUKA 20:9

Naibaly mymy ly khumichi teng y hini pata nai leu thui amteaung i, “Ami mo kreip akho sa i kry nai keungchi teng y hlau ai nai vang pei iy, kra rawm ai nai pri takhra y chei vui.

JOHAN 15:1

“Kai ly kreip angjyn pakeung tatang ne, Ngaai ly akho kry nai keung ne.

Leu Thui Nai 32:32

Nichi i paleung ka-echi ly Sodom mary, Komora mary kamta phra nai, khota iy paleih thai nai athaichi athai nai kreip angjyn keung kamta py,

Leu Thui Nai 4:37

Ati mana nai mo na baly mymy ly nangchi i amsi pajochi ai tamen nai deaungkho y nangchi ai vawi takhra nai ne; naibaly mymy i sa thai naira hawimy nangchi ai Aikupta pri i dengdairei ang pahawi bo.

JOSUA 24:31

Josua heng nai sala ryrei Israela chengchi ly Areng ai chiu u. Josua dei nai bo y Israela chengchi i vui Areng i sa pi nai ngiereichi ai niu nai lu sa naichi heng nai sala ryrei py nichi ly Areng ai chiu u nai ne.