JEREMIA 2:19 - Khumi Common Language Bible

¹⁹ Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 2:19 Iomraidhean Croise

1 ARENG KEH 18:18

Elija my, “Patang hai nai keung ly kai ny y, patang hai nai keungchi ly nang hawi nangmy i ampo naini ne. Nang ly Areng i leu pei naichi tangai y naimy, bala i mynchi ai chiu bo.

2 NENG SATANG 12:5

Shisha kiu i tleaung ai nai molam Jerusalem mary y angym u nai samrang Rehoboam hawi Juda miteaung kehchi teng y amo Shemaiah chei i, nichi teng y, “Areng my, ‘Nangchi ly kai ai khai u su nai deaungkho y, kai ly nangchi ai Shisha i kiu y au veng bo,’ ang napi,” napi.

2 NENG SATANG 21:10

Jehoram ly mymy i amsi pajochi i Areng Tameuh ai khai su nai deaungkho y, huna nai thym khala my Libana mary i khumichi my py tiu nai ne.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

SAM 36:1

Khumi hawi y nai i paleung theung y kamngo my ly kamsyh y dawn pasym pi bo. Huni khumi ly Tameuh ai khai su reng; mymy ai py jei vai y,

THEU NAI 33:6

Hunai deaungkho y Israela chengchi ly Sinai mawi i dengdairei theu u nai bo y, vang kateng ateaungchi ateaung u bi y leang bo.

LEU KACHENG 1:31

Hunai deaungkho y nangchi ly nangmychi i hawi y sa nai lai amtym u ai; nangchi i sa nai leaungsaichi my, nangchi ai no hai au ai.

LEU KACHENG 1:32

Pany nai sai angym y nai khumichi ly cheng naira ai khai u su nai deaungkho y dei u ai. Khumi hawi y naichi ly ati sai py dawndan y naimy heng u rumrang nai y tama u nai ne.

LEU KACHENG 5:22

Khumi hawi y nai i sa nai kamngochi ly deaung hawi atawm; huni khumi ly my i kamngo paleupy ra y man reng nai ne.

ISAIA 3:9

Nichi i meimai awm nai sai my nichi teng y kamngo awm, nanai amny hai bo. Sodom mary i khumichi kamta, nichi ly kamngo amteng na pa-rei sa tamang u. Nichi ly taham si u bo. Mychi phra tleaung phra ra nai ly mychi naimy sa u nai ne.

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

JEREMIA 1:16

Hina nai kamta kai ly kamngo sa tamang nai khumichi, kai ai khai su nai khumichi, tameuh takhrachi teng y mui katuichi leng patlum nai khumichi hawi, mychi i sa nai mynchi ai chiu nai khumichi ai ly kapajeng ai.

JEREMIA 13:22

Nangchi my, “Hini atitichi ly ati mana nai deaungkho y tym nai mo? Kaichi i ateaungchi ly ati mana nai y aseih pawn lawh mo? Kaichi ly ati mana nai khrukhra hai nairachi avum nai mo?” nanai deng u lawh baly, “Nangchi i kamngo ly ka-jeira hawi parai nai deaungkho y ne,” nanai pathang ai nai tla.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 4:18

Aw Juda pri, nang ly nangmy i awm nai, sa nai saichi molam y hina naichi tym haibo. Nang i paleung y haisau hawi thun nai kamta, nang ly nangmy i kamngo deaungkho y, hini patang naira avum nai ne.

JEREMIA 5:22

Kai ly Areng ne. Nangchi ly ati mana nai y kai ai jei u y nai mo? Kai i mo y ati mana nai y kaso theu u y mo? Kai ly pangli i vui khujyh, pangli tui sadawn pajau y ai nai khujyh kakhaw ly speungchi hawi jyh pi nai ne. Pangli ly tui sampyh len teu i py, huni khujyh ai ly sadawn pajau y. Tui sampyhchi ly amsau na teu i py, huni khujyh katlen pajau y nai ne.

JEREMIA 5:24

Neng tleirei khuma kani hawi, kangkhym kani nai hai iy saneng tleirei, amti amjang pakym achu ai nai neng sa pi nai keung kai ai nangchi ly tahm khai u vai y.

JEREMIA 5:6

Huna nai deaungkho y daichi mang i khrangsichi ly nichi ai kei u ai. Khutaha daichi ka-vym i kasuichi ly nichi ai keileu keileu ai. Takai kheangchi py nichi i marychi sahawi y o iy, mary angam mang y theu nai khumi ngiereichi ai keileu keileu pawn ai. Ati mana nai mo nabaly huni khumichi ly kamngo nawi nai khyh chang y i, Tameuh ai avaw avawrei nithun thun u nai deaungkho y ne.

JEREMIA 7:19

Na i py paleung aleng tatang nai ly kai a? Ny y leang. Nichi naini mychi i paleung aleng hai iy, kangji nga u nai ne.

JEREMIA 8:5

Kai i khumichi awi, nangchi ly ati mana nai y kai teng i nai amphri vui iy jeu teang y lawh mo? Nangchi ly li-tapawp naira y paleung apei thleng nai deaungkho y, kai teng y ali teang ai nai akhi u bo.

Ezekiela 23:30

hina naichi avum nai ne. Nang ly khumi cheng cheaungkhangchi i vui bima lawm iy, nichi i mynchi hawi amymy ai chai hai y bo.

Ezekiela 39:24

Kai ly nichi ai mymychi i amso ngai nai hawi, hawi y naichi hawi kamlau chih pi chum baly, nithun thun veng bo,” napi.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

HOSEA 13:9

“Israela khumichi awi, kai ly nangchi ai tamyh vui ai. Nangchi ai ami my sabawm pajau ai mo?

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

HOSEA 4:16

Israela khumichi ly kry rai nai si nu tanglo kamta, paleung tang u cheng lawh. Kai ly nichi ai beram chochi kamta, sui tlai naira y mana kry pajau ai mo?

HOSEA 5:5

Israela khumichi i paleung len amlyh nai sai ly mychi i vui pany hai ai. Nichi ly mychi i kamngo molam y atlym u nai ne. Juda khumichi py, nichi hawi vanrei atlym u bo.

HOSEA 7:2

Kai ly nichi i sa tamang naichi kapany pi jo, nanai nichi py u y. Nichi i kamngochi ly mychi ai taki teungtareung iy, kai i mo y huni kamngochi ly amteng nai ne,” napi.

HOSEA 9:1

Israela khumichi awi, cheng takhra khumichi kamta, amo theu naira pawichi so u moh. Nangchi ly nangmychi Tameuh i leu tangai u y bo. Nangchi ly pri vereira y amymy ai bima lawm ai nai, bala tameuh teng y jo u. Amti amjang thengthaichi thawn nai ly Bala tameuh my tamen nai saho y ne, nanai nangchi dawn u lawh!

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

MIKHA 1:5

Israela chengchi ly kamngo sa iy Tameuh ai tiu u nai deaungkho y, hina nai kamta avum u ai. Israela chengchi my tiu nai molam y, ami ai neng hai ai mo? Samari mary pui ny y a? Juda chengchi my chiu nai asang nai meingtym ly ma mang y mo? Jerusalem mary pui ne na a!

ZEKHARIAH 7:11

“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

ROM AVANGCHI TENG Y PAWLA I CHA PA NAI 3:18

Nichi i mei ka-niu y ly Tameuh ai tahm khai naira ha py by y leang,” nanai tajiu nai kamta.

TARA CHIH NAI KEUNGCHI 10:13

Na i py nangchi ly kai ai khai su iy, tameuh takhrachi ai chiu u bi bo. Hunai deaungkho y kai ly nangchi ai atleu bi y leang bo.