JEREMIA 2:17 - Khumi Common Language Bible

¹⁷ Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 2:17 Iomraidhean Croise

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

JOBA 34:27

leu pei naichi tahm khai u y nai deaungkho y, mymy ly nichi ai, khumi mipuichi i mo y pajeng nai ne.

JOBA 4:8

Khumichi ly sa tamang nai li thawn iy, kamngo ti hei u nai kaniu. Vai i neng khala huni khumichi ly hawi y nai hawi sa tamang nai athaichi pakym u ai nai tla bo.

SAM 107:7

Mymy ly nichi awm ai nai mary mang y lam kataw mang pahawi bo.

SAM 136:16

Mymy i khumichi ai daichi ka-vym tako prei ai nai pahawi bo; mymy i tamen nai ly deungtasarei ne.

SAM 77:20

Nang ly Mosi hawi Aron nini i lu sa nai hawimy, nangmy i khumichi ai, beram tym nai keung kamta pahawi bo.

LEU KACHENG 15:10

Hawi y sa nai khumi ly khri pa-rei pajeng naira avum ai; thui parip nai tangai y nai khumi ly dei areu ai.

ISAIA 1:4

Nangchi kamngo sa nai khumichi awi, sa tamang reng nai khumi kamngochi awi! nangchi ly taham si u bo. Nangchi ai ly kamngo mynji my ang ti cheng na lawh bo ly! Israela chengchi i chai parai nai Areng Tameuh ai khai su iy, mymy ai nithun thun u vui bo.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

JEREMIA 13:22

Nangchi my, “Hini atitichi ly ati mana nai deaungkho y tym nai mo? Kaichi i ateaungchi ly ati mana nai y aseih pawn lawh mo? Kaichi ly ati mana nai khrukhra hai nairachi avum nai mo?” nanai deng u lawh baly, “Nangchi i kamngo ly ka-jeira hawi parai nai deaungkho y ne,” nanai pathang ai nai tla.

JEREMIA 19:4

Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 4:18

Aw Juda pri, nang ly nangmy i awm nai, sa nai saichi molam y hina naichi tym haibo. Nang i paleung y haisau hawi thun nai kamta, nang ly nangmy i kamngo deaungkho y, hini patang naira avum nai ne.

JEREMIA 44:3

Huna nai kamta kaimy tym hai nai ly huni mary i khumichi my hawi y nairachi sa iy kai ai kado patheu u nai deaungkho y ne. Nichi ly tameuh takhrachi teng y apathyp u iy, mychi kypkyp my, nangchi hawi nangchi i amsi pajochi chiu vai y nai tameuhchi ai chiu u bo.

JEREMIA 5:25

Nangchi i sa tamang nai hawi kamngochi my ly amtheaung nairachi paka vui iy, nangchi teng i nai amphri hai veng bo.

Ezekiela 39:24

Kai ly nichi ai mymychi i amso ngai nai hawi, hawi y naichi hawi kamlau chih pi chum baly, nithun thun veng bo,” napi.

HOSEA 13:9

“Israela khumichi awi, kai ly nangchi ai tamyh vui ai. Nangchi ai ami my sabawm pajau ai mo?

MIKHA 1:5

Israela chengchi ly kamngo sa iy Tameuh ai tiu u nai deaungkho y, hina nai kamta avum u ai. Israela chengchi my tiu nai molam y, ami ai neng hai ai mo? Samari mary pui ny y a? Juda chengchi my chiu nai asang nai meingtym ly ma mang y mo? Jerusalem mary pui ne na a!

Kati Nai 32:23

Na i py nangchi ly leu adeu nai taphra baly, Areng i tlang tleaung y sa tamang nai lawm ai. Huna nai khala nangchi ly pajeng naira avum takengkei ai. Hini molam y tamang u moh.

Leu Thui Nai 32:10

“Mymy ly nichi ai ali ho nai daichi ka-vym theung y amki ryry nai niu baly, mymy i cho chanau kypkyp kamta nichi ai hawihai palai kry nai ne.

Leu Thui Nai 32:19

“Areng my hunichi niu nai khala kado theu i, mymy i cho chanauchi ai khai su bo.