JEREMIA 2:16 - Khumi Common Language Bible

¹⁶ Memphi mary i khumichi hawi Tapan mary i khumichi ly nang i lu keuru ai khei u bo.

JEREMIA 2:16 Iomraidhean Croise

2 ARENG KEH 18:21

Nang ly Aikupta pri i kasabawmra ajeng nai ne. Na i py huni pri ai ym nai ly japang uipo keung ai cheaungvawi palawn nai hawi atawm. Huni japang uipo keung ly tleu iy, nang i kiu y ang viu ai. Aikupta samrang ly mymy ai ym naichi i vui y japang uipo hawi atawm,’ nanai leu pei bo,” napi.

2 ARENG KEH 23:33

Aikupta samrang Neko ly ni ai patiu i, Hamath pri Riblah mary theaung y khai vui iy, Juda pri i tangka kaji sie 55,25rei hawi, muku kaji sie 55rei kahm palawn iy hnei. Huna khala i dengdairei Joaha i peang nai ly deung tlum nai ne.

ISAIA 19:13

Zoan mary hawi Memphi mary i lu sa nai keungchi ly tau ka-khumchi ne. Nichi ly mymychi i khumichi ai lam patei nai keungchi ne, nanai dawn u teu i py, nichi my teng y nai lam patei pi bo.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 8:8

Asuria samrang hawi tavaimichi napi nai, lem heu nai tavo tui ly Juda pri verei y leaung naimy meingtym tleireira y, khumichi i kaneaung tym pa-rei um ai,” nanai kai ai leu pei bo. Aw Emmanuela Tameuh ly kaichi hawi vanrei awm na a! Mymy ly my i tamen nai pakhi kadai iy, kaichi i pri ang kry pi nai ne.

JEREMIA 44:1

Areng ly Aikupta pri Mikadol mary, Tapaneh mary, Memphi mary hawi tokalawi mang y awm nai Israela cheng bawibawichi i molam y, kai ai leu pei nai ne.

JEREMIA 46:14

“Aikupta marychi napi nai Mikadol, Memphi hawi Tapaneh marychi teng y, ‘Nangchi ly nangmychi i vui amtang ai nai angvei u rym; nangchi teng y awm nai ngiereichi ly tavai keung y phra hai ai!

JEREMIA 46:19

Aikupta pri khumichi awi! langheng y ang hawi ai i, angvei u rym. Memphi mary ly khumi angso savai tlang nai khutaha daichi ka-vym lawm ai.

JEREMIA 48:45

Jeaungmang iy patang naira avum nai khumichi ly Hesabon mary y abyh ai nai hau u nai ne. Na i py, vaichi khala Sihon samrang my peang nai Hesabon mary ly mai angveaung pun veng bo. Mai ly tavai atiu ham parai nai Moba khumichi i khuteng meingtymchi hawi mawi ka-sangchi ai kang nai ne.

Ezekiela 30:13

Sa thai naira angym nai Areng my, “Kai ly Nopha mary i mynchi hawi tameuh mynchi taphra pawn ai. Aikupta pri ai peang nai keung leaungrei py awm ai ny y. Kai ly khumi bawibawichi ai jei hyn hai ai.

Ezekiela 30:16

Kai ly Aikupta pri ai mai angveaung hai ai i, Pelusium mary ai py khri pa-rei no patang hai ai. Huni mary i mary apaichi ly panawi pawn ai i, tui my um biu ai.

HOSEA 9:6

Nichi ly patang naira avum u iy, meingtym tleirei y tym u nai khala, Aikupta khumichi my nichi ai pangym iy, Memphi mary y up ai. Nichi i tangka khairachi hawi yhm kangngymchi awm nai meingtymchi ly aleng phreungchi hawi acha keungchi my khiu meuh ai.

Leu Thui Nai 33:20

Kad theaung ai patyp iy thui nai ly: “Kad theaung khu ka-peang kau hai nai keung Tameuh ai palo u. Kad theaung ly khrangsi kamta kiuban, ti y baly lu kei piu ai nai amo yb nai ne.