JEREMIA 2:15 - Khumi Common Language Bible

¹⁵ Paleung ka-echi ly ni ai khrangsi kamta hang hai bo. Ni i pri y jeng hai rawm bo. Ni i mary ly phra seaungkhrang iy, khumi angso savai na bo.

JEREMIA 2:15 Iomraidhean Croise

JOBA 4:10

Khumi hawi y naichi ly khrangsi kamta, hang u reng nai ne. Na i py Tameuh ly nichi i hang nai katyn anawn hai iy, nichi i hochi takheaung pi pawn bo.

SAM 57:4

Paleung ka-echi ly khumi ngan cha nai khrangsichi kamta, kai ai ang katanmeuh bo. Nichi i hochi ly tivichi, thailiho chynchi hawi atawm; nichi i palai ly haisau bo nyhrei kamta chiu nai ne.

ISAIA 1:7

Nangchi i pri ly phra iy nangchi i marychi py, maidym satlawi lawm vui bo. Nang khen nai thym khala my py, pri takhra khumichi ly nangchi i khu peang vui iy, ati cheaungkhangchi ai phra hai pawn bo.

ISAIA 24:1

Areng ly khaileaung pri phra hai iy, khumi angso savai tlang nai lawm hai ai. Mymy ly khaileaung adym a-i-eih hai iy, khumichi ai ahei hai ai.

ISAIA 5:29

Nichi i aeu nai katyn ly mawi ai kei naimy ryh iy ni teng i nai ami py lawm pajau y ai nai amtang hai nai khrangsichi i hang nai katyn hawi atawm.

ISAIA 5:9

Ati cheaungkhang sa thai nai Areng my, “Hini apu parai nai yhm puichi ly khumi angso by y nai yhm kaphrachi lawm ai.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 10:22

Tangai u! Satang harei angym bo! Tosyh mang i cheng harei ly khri pa-rei khrukhra naira theu bo. Nichi ly Juda marychi ai khivachi aeungra, khumi angso savai tlang naira lawm hai ai,” napi.

JEREMIA 25:30

“Aw Jeremia awi, nang ly kai i leu pei nai ngiereichi ai, hini khumichi teng y thui pi ai nai ly ‘Areng ly kani khusang mang dengdairei kani pajyh hai ai. Salo ka-sang kani khusang mang dengdairei katyn amsau hai ai. Mymy ly mymy i khumichi ai ryh hai ai. Mymy ly kreip athai nip nai khumi kamta aeu ai. Khaileaung pri y awm nai khumi bawibawichi ai py, aeu hai ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 26:9

Ati mana nai y Achura yhm ly Siloh avang kamta lawm ai, nanai hawi, huni mary ai ly taphra vui iy, khumi angso savai tlang naira lawm ai, nanai py, nang ly Areng i amyn y thui katheu lawh a? nanai aeu bo. Naibaly khumichi ly Achura yhm theung y achu iy, kai ai katanmeuh bo.

JEREMIA 33:10

Areng my, “Hini meingtym ly khutaha daichi ka-vym kamta khumi angso, tawnbawichi by y naira ne, nanai khumichi thui u lengleang nai ne. Juda marychi hawi Jerusalem mary lamchira y khumi angso, tawnbawichi savai tlang veng bo, nanai ly teng khyp nai ne. Na i py huni meingtymchira y,

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 44:22

Vai malawn py nangchi i pri ly phra seaungkhrang naimy, khumi angso savai tlang jo rai. Areng ly nangchi i hawi y naira sa naichi ai kham pi pajau y nai deaungkho y, huni pri ly khumichi i mo y amso ngai naira lawm nai ne. Khumichi my py huni pri i amyn ai pasawi patau naira y teaung u lawh bo.

JEREMIA 5:6

Huna nai deaungkho y daichi mang i khrangsichi ly nichi ai kei u ai. Khutaha daichi ka-vym i kasuichi ly nichi ai keileu keileu ai. Takai kheangchi py nichi i marychi sahawi y o iy, mary angam mang y theu nai khumi ngiereichi ai keileu keileu pawn ai. Ati mana nai mo nabaly huni khumichi ly kamngo nawi nai khyh chang y i, Tameuh ai avaw avawrei nithun thun u nai deaungkho y ne.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 51:38

Babulon chengchi ly khrangsichi kamta hang u; khrangsi chochi kamta a-u nai ne.

JEREMIA 6:8

Jerusalem mary i khumichi awi, nangchi ly huni patang naichira i nai amtiura lo u, ti y baly kai ly nangchi ai kang khai su ai. Nangchi i mary ly khumi angso savai tlang iy khutaha meingtym lawm hai ai,” napi.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

Ezekiela 36:3

“Huna nai y sa thai naira angym nai kai, Areng my leu pei nai thui pi. Pri deaungpachi my tiu vui nai khala, khumi luteng my ly Israela chengchi ai panui hai u nai ne.

Ezekiela 5:14

Tengpang sahawi i khumi cheng bawibawichi ly nang i sahawi mang aleaung u nai khala, nang i phra nai sai ai khen iy labeaung ang pi hai naimy asyn u pawn ai.

HOSEA 11:10

“Khrangsi i hang nai kamta kai ly paleung ka-echi ai hang hai nai khala y, kai i khumichi ly kai nithun abang u ai. Nichi ly nidym ngan mang dengdairei, kai teng y jeu u kaliki ai.

HOSEA 5:14

Kai ly khrangsi kamta Israela khumichi hawi Juda khumichi ai tiu ai. Kaimy kypkyp my nichi ai dei lawm na pa-rei sei piupa iy khai su ai. Kai ly nichi ai ryh vui nai khala y, ami py nichi ai atleu pajau ai ny y.

AMOS 3:12

Areng my, “Beram typ nai keung ly khrangsi teicha lawm vui nai beram harei i kheu nyhrei, ti y baly kano makengrei, napi naichi ryrei akhui ai nga khyh nai kamta, Samari mary y awm nai khumichi i phangpho nibaichi salo y nei cha pavui naichi theung i, khumi maidenreichi naini tleaung u ai.

AMOS 3:4

Khrangsi ly teicha niu y pui naimy, daichi theung y hang atyhtyh na a? Khrangsi cho ly ati sai py kei ai ngo y pui naimy, my i tapiu theung y hawn so atyhtyh na a?

AMOS 3:8

Khrangsi hang baly ami py jei y nai awm pajau ai mo? Sa thai naira angym nai Areng my leu pei baly ami mo py, leu pei nai ai aeu y nai awm pajau na a?

NAHUM 2:11

Khrangsichi aeung nai tapiu, khrangsi chochi ai teicha pacho nai meingtym, khrangsi katheang kalenchi chymme naimy awm ai nai abyhra meingtym hawi atawm nai mary ly vai, ma mang y awm mo?

ZEPHANIAH 1:18

Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.

ZEPHANIAH 2:5

Pangli peang jeungrei y awm nai Philistia khumichi awi, pangli peang jeungrei y awm nai Kherati khumichi awi, nangchi ly taham si. Areng ly nangchi ai kamngo vang ang pajeng bo. Mymy ly nangchi ai tamyh ai nai deaungkho y, nangchi leaungrei py awm ai ny y.

ZEPHANIAH 3:6

Areng my, “Kai ly khumi cheaungkhangchi ai, kataphra be veng bo. Nichi i marychi ai kataphra pawn iy, mary apaichi, amtangrachi ai py phra seaungkhrang hai bo. Marychi ly khumi angso savai tlang iy, lamchi ra py aleaung ali nai by y, khumi leaungrei py by y leang bo.

ZEKHARIAH 11:3

Samrangchi ly paleung si naimy vo u; nichi i phum-ang ly tama veng bo! Khrangsichi i hang nai katyn tangai u; nichi aeung nai Jordan tavo leaunghawira i thengreung py phra veng bo!

TARA CHIH NAI KEUNGCHI 14:5

Hunaibaly Samson ly amhm ampo hawi vanrei, Timnah mary y chei u bo. Nichi ly kreip akhochi tako prei nai thym khala, Samson ly khrangsi kataichy hang nai thai.