JEREMIA 2:14 - Khumi Common Language Bible

¹⁴ “Israela ly miseaung ny y. Miseaungcho py ny y. Na i py paleung ka-echi ly ni ai patiu u lawh mo?

JEREMIA 2:14 Iomraidhean Croise

ATITI AWM ANGCHEI NAI 15:3

Nangmy kai ai chanau pei y nai deaungkho y kai i yhmtheaung kamtym ly kai i miseaungchi theung i leaungrei my amtym ai nai tla ai,” napi.

THEU NAI 12:49

Israela chengchi py ne sy, nangchi hawi vanrei awm nai cheng takhrachi py ne sy, hini reitachi patawm u ai nai tla,” napi.

THEU NAI 4:22

Huna nai khala nang ly samrang teng y, “Israela chengchi ly kai Areng i chapo chalu ne.

Parip nai leu 2:7

Kai ly miseaung neangneang kavan bo. Naibaly kai i yhm theung y miseaung chochi py tapen mang. Kai ly Jerusalem mary y awm vai nai amichi tleaung y malawn py, tawnbawichi kanang nai ne.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

JEREMIA 17:4

Nang i kamngo molam y nangchi ly kaimy kang pei nai pri khai su ai nai tla ai. Kai i kado theu nai ly mai hawi atawm iy, angveaung jojo ai. Kai ly nangchi ai nangmychi tym vai y nai pri i paleung ka-echi teng y miseaung achei hai ai,” napi.

JEREMIA 5:19

Jeremia awi, Huni khumichi ly nang teng y, ‘Ati mana nai y Areng ly hina naichi sa lawh mo,’ nanai ang deng u ai. Naibaly nichi teng y, ‘Nangchi ly Tameuh ai khai su iy, nangmychi i pri y my cheng takhra tameuhchi i kalop sa pi u lawh. Hunai deaungkho y pri takhra mang y, cheng takhrachi i kalop sa pi ai nai tla ai,’ nanai pathang pi,” napi.