JEREMIA 2:13 - Khumi Common Language Bible

¹³ Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 2:13 Iomraidhean Croise

2 ARENG KEH 22:17

Nichi ly kai ai hivui iy, tameuh takhrachi teng y apathyp u bo. Nichi hina naichi sa nai ly kai ai kado theu hai nai deaungkho y, Jerusalem mary y rym pajau y nai kado theu nai mai kang hai ai.

SAM 36:9

Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

Parip nai leu 1:14

Kai ly hini khaileaung pri y khumichi i sa nai ngiereichi kaniu chum bo. Kaimy kang thui pi ai; huni bawibawichi ly atyhtyh teu, ali ai patiu nai kamta ne.

Parip nai leu 1:2

Kathiu dawn pasym kawp nai khumi kacheng my thui pi nai ly khumi i heng nai ly atyhtyh teu, atyhtyh teu, khumi i heng nai ly atyhtyh teu; ati cheaungkhangchi py atyhtyh teu.

Parip nai leu 12:8

Hini leaungsai bawibawichi ly atyhtyh teu, atyhtyh teu, atyhtyh teu, nanai leu kathiu dawn pasym kawp nai khumi kacheng my ly thui nai ne.

Parip nai leu 2:11

Naibaly kai ly kaimy i sa nai ngiereichi ai py, kaimy atho pathau iy mana tanrei kasa mo, nanai py adawn pasym nai khala ly huni bawibawichi ly atyhtyh teu, nanai kapany. Hunichi ly ali ai patiu nai kamta ne i, ati sai py kamran by y leang.

Parip nai leu 2:21

Nang ly nangmy i cheng naira, tau cheng naira hawi pany thai nairachi hawimy sai sairei ai atho sa iy nga chum baly, ati sai py atho so y nai khumi leaungrei teng y pei ai nai tla lawh nai ne. Hunichi py atyhtyh teu, leu meitang ny y lawh ly!

Parip nai leu 2:26

Tameuh ly cheng naira, pany thai naira hawi amo theu naira ly mymy khrei nai khumi ai pei nai ne. Na i py mymy ly kamngo sa nai khumichi ai patang parai naimy kalopchi sa hai iy, nichi i nga nai yhmtheaung katuichi ly mymy ai kawn hai nai khumichi teng y pei. Huni bawibawichi py atyhtyh teu, ali ai patiu nai kamta ne.

Parip nai leu 4:4

Khumichi ly eaung naira nga ai nai khri pa-rei atho sa u; ati mana nai mo nabaly nichi ly saleaung deaungpachi i, atiti nga nai molam y paleung ano nai deaungkho y ne, nanai kapany. Na i py hini atitichi ly atyhtyh teu; ali ai patiu nai kamta ne.

ISAIA 1:3

Si hawi painochi ly yhmkeung ai pany; keaungngo kano kasauchi py yhmkeung i keaungngo hai, mychi i yhmkeung my teicha patlai nai meingtymchi pany. Na i py kai i khumi Israela chengchi ly huna tanrei pany u y. Nichi ly pany thai u y na ly” napi.

ISAIA 1:4

Nangchi kamngo sa nai khumichi awi, sa tamang reng nai khumi kamngochi awi! nangchi ly taham si u bo. Nangchi ai ly kamngo mynji my ang ti cheng na lawh bo ly! Israela chengchi i chai parai nai Areng Tameuh ai khai su iy, mymy ai nithun thun u vui bo.

ISAIA 12:3

Tui kachai ly tui ahai nai khumichi ai amo theu hai nai kamta, Tameuh i khumichi ly mymy atleu pi nai khala, amo theu ai.”

ISAIA 5:13

Hunai deaungkho y nangchi ly patiu iy langheng hawi nai avum u ai. Nangchi i lu sa naichi ly kajeu kanglam y dei u ai. Khumi bawibawichi ly tui kanghai y dei u ai.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

JEREMIA 1:16

Hina nai kamta kai ly kamngo sa tamang nai khumichi, kai ai khai su nai khumichi, tameuh takhrachi teng y mui katuichi leng patlum nai khumichi hawi, mychi i sa nai mynchi ai chiu nai khumichi ai ly kapajeng ai.

JEREMIA 14:3

Khumi kanangchi ly mychi i miseaungchi ai pato iy, tui deu hai nai khala y, nichi ly tuikan y tym u i py tui avum y. Nichi ly tui kacheang ka-keu naimy ali u bo. Nichi ly paleung phra athosi naimy dawn tamang tyh na i, lu amym u nai ne.

JEREMIA 15:6

Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 18:14

Lebanon lengseaung mawi saleungchi ly kadam tlo y nai neng awm reng a? Huni mawi dengdairei tavo micheaung kasavaichi ly tui kang nai awm vai a?

JEREMIA 19:4

Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 2:11

Mymychi i tameuhchi ly tameuh tatang ny y teu i py, mani cheng ly tameuhchi ai chiu takhra vui mo? Na i py kai i khumichi ly mychi ai tahm awm hai nai Tameuh, napi nai kai ai ly nichi ai sabawm thai y nai tameuhchi hawi katheung u veng bo.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 2:26

Areng my, “Patiu naira avum nai neng khala y kangviu khumi ly kangji nga nai kamta, nang i samrangchi, samrang i cho chanauchi, pathyp pi nai keungchi, amochi, nangchi Israela cheng mipui bawibawichi ly kangji nga u ai.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

JEREMIA 5:26

“Kai i khumichi theung y khumi hawi y naichi awm. Nichi ly deaung hawi tavochi ai patym nai khumichi kamta, khumichi ai patiu ai nai amo u yb bo.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

Ezekiela 14:5

Huni mynchi ly Israela chengchi ai kai hawi akhan hai bo. Na i py nichi ly kai i pathang pi nai deaungkho y, kai i tlang tleaung y ka-ym awm u ali teang ai.

Ezekiela 47:1

Huni khumi ly kai ai Achura yhm mang y kun nai katheu pa-khora y ang hawi ali teang bo. Tui ly katheu kheutang anui mang dengdairei maicham i tokalawi ngan mang y leaung prei i, Achura yhm mang y mo tha nai nisi ngan mang y leaung jo nai ne.

MIKHA 2:8

Huna nai khala Areng my, “Nangchi ly kai i khumichi ai paleung ka-e palawn iy tiu u. Tavai keung i dengdairei yhm mang y chymme naimy vawi nai khumichi i salo baichuchi ai, nangchi my leng u vui bo.

MIKHA 6:3

Areng my, “Kai i khumichi awi, nangchi ly hina tanrei sa tamang u a? Nangchi i tlang tleaung y kai ati kang sa mo? Kai ai pathang pi u.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 4:11

Naibaly neampachy my ni teng y, “Areng, nang ly atheura ati sai py by y pui be, tuikan ly thiu parai; nang ly huni tui kangheng ma mang i nai nga mo?

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

JOHAN 7:37

Naibaly pawi lui nai kani aly len keh nai khala y Isu ly angdo i, “Ami py tui ahai baly kai teng y jeu iy nei sy.

Leu Thui Nai 31:16

Areng my theung mang dengdairei Mosi teng y, “Nang ly kra y nai sala y dei ai, nang dei nai bo y Israela chengchi ly vaineng takan iy, nichi hawi kai asa nai Leu Maikawm taphra u ai. Nichi my kai ai khai su iy nichi awm ai nai pri i tameuh takhrachi ai chiu u ai.

II PETERA 2:17

Hunichi ly tui by y nai tuikan hawi, tamai ai ali khu my hm naichi ne; hunichi i vui ly kaveng tho kha nai pateung nai bo.

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:1

Naibaly mymy ly huni i lam pareaung sala y heng naira jangpang tui, krustala lengseaung kamta angvang nai, Tameuh hawi Beram Cho i areng atehra dengdairei theu nai ang khen hai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.

TARA CHIH NAI KEUNGCHI 10:13

Na i py nangchi ly kai ai khai su iy, tameuh takhrachi ai chiu u bi bo. Hunai deaungkho y kai ly nangchi ai atleu bi y leang bo.

1 SAMUELA 12:10

Naibaly nichi ly sabawmra nga ai nai Areng ai palau u i,’ Kaichi ly kamngo sa tamang u bo; Areng ai khai su iy Bala tameuh hawi Asatare tameuh nu i mynchi ai chiu u. Kaichi ai paleung ka-echi kiu i nai atleu pi kyh ba; kaichi ly nang ai kang chiu u ai!,’ nanai takeng u bo.