JEREMIA 2:11 - Khumi Common Language Bible

¹¹ Mymychi i tameuhchi ly tameuh tatang ny y teu i py, mani cheng ly tameuhchi ai chiu takhra vui mo? Na i py kai i khumichi ly mychi ai tahm awm hai nai Tameuh, napi nai kai ai ly nichi ai sabawm thai y nai tameuhchi hawi katheung u veng bo.

JEREMIA 2:11 Iomraidhean Croise

1 ARENG KEH 11:33

Kaimy hina nai kamta sa nai ly Solomon ly kai ai khai su iy cheng takhrachi i tameuh, Sidon tameuh nu Asetare, Moba khumichi i tameuh Khemosa hawi Ammon khumichi i tameuh Mole ai chiu vui lawh nai deaungkho y ne. Solomon ly kai i leu pei naichi akhi vui bo. Ni ly hawi y naichi sa iy kai i reitachi hawi leu pei naichi ai, ni i ampo Davida i leu tangai nai kamta tangai y lawh.

2 ARENG KEH 1:3

Na i py Areng i kani pri amtaw thau ly Tshabe mary i amo Elija teng y, “Samrang Ahazia i savaichi hawi ka-vum so. Ati mana nai deaungkho y nangchi ly Ekron i tameuh Balazebu teng y leu deng ai nai chei u lawh mo? Israela pri y tameuh by y nai sai a?

2 NENG SATANG 13:9

Nangchi ly Aron i kangpreang pathyp pi nai keungchi hawi Levi theaungchi ai patheu pawn iy, nichi i meingtym y cheng takhra khumichi i reita teaung iy, khumi takhrachi ai pathyp pi nai keung y khai u lawh bo. Ami py ne sy, si katai amairei, ti y baly beram amai saryhrei syn baly, nangchi i chiu nai tameuhchi i pathyp pi nai keung nga pajau lawh nai ne.

SAM 106:20

Nichi ly Tameuh i nang parai nai sai ai acha cha nai tawnbawi myn hawi katheung vui bo.

SAM 115:4

Nichi i tameuhchi ly muku, tangka hawi khumi i kiu y sa nai tameuhchi ne.

SAM 3:3

Na i py aw Areng, nang ly khupui kamta ka-jeira i nai kai ai ama hai jojo; nang ly kai ai eaung naira pei iy sorai paleung angym hai teang bo.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

JEREMIA 16:20

Khumi ly amymy chiu ai nai tameuh so thai na a? So thai y leang. Sa lawh teu i py hunichi ly tameuh tatang lawm ai ny y,” nanai Jeremia thui nai ne.

JEREMIA 18:13

Hunai baly Areng my, Israela chengchi ly ka-jei hawi parai naichi sa u! Jangni y hina naichi tym vai a?, nanai khumi cheng cheaungkhangchi teng y deng u cham.

JEREMIA 2:5

Areng my leu pei nai ly “Kai teng y ati kamngo niu nai y, nangchi i amsi pajochi ly kai teng i nai theu u nai a? Nichi ly vang teng y nai mynchi chiu u iy, mychi kypkyp py vang teng u y bo.

JEREMIA 2:8

Pathyp pi nai keungchi my, ‘Areng ly ma mang y awm mo?’ nanai deng u. Kai i pathyp pi nai keungchi ly kai ai pany u y. Peang nai keungchi ly kai ai tiu u bo. Amochi ly Bala tameuh i amyn y tau iy, vang teng y nai mynchi teng y chiu u nai ne.

JEREMIA 5:7

Areng my, “Kai ly kaimy i khumichi i kamngochi ati mana nai y kapahen ai mo? Nichi i cho chanauchi ly kai ai khai su iy, tameuh ka-chawichi i amyn y tau iy vaineng abeu u bo. Kai ly kaimy i khumichi ai kajeu kawi pa-rei kapacho teu i py, nichi ly ami i yhm hlau taphra iy, bimachi hawi tamang u bo.

Ezekiela 14:5

Huni mynchi ly Israela chengchi ai kai hawi akhan hai bo. Na i py nichi ly kai i pathang pi nai deaungkho y, kai i tlang tleaung y ka-ym awm u ali teang ai.

Ezekiela 5:7

Aw Jerusalem mary, kai sa thai naira awm nai Areng my leu pei nai tangai ba. Nang ly tengpang sahawi i awm nai khumi chengchi tleaung y malawn py, khrukhra hai keh lawh. Kai i reita hawi leu pei naichi ai patawm y. Nang ly tengpang sahawi y awm nai khumi chengchi i awm nai tanrei malawn py by y.

MIKHA 4:5

Khumi cheng bawibawichi ly mymychi i tameuhchi ai chiu u akyhkyh iy leu tangai u teu i py, achi ly achi i Areng Tameuh ai deungtasa khrairei chiu iy leu tangai ai.

ROM AVANGCHI TENG Y PAWLA I CHA PA NAI 1:23

tavochi hawi, mawi kheu palyhrei awm naichi hawi, avah naichi i myn hawi py katheung u bo.

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

KALATIA 4:8

Na i py nangchi ly huni neng khala y Tameuh ai pany u y nai thym khala y, nangchi ly nichi i awm nai sai y py tameuh ny y pui naichi i miseaung lawn u bo.

Leu Thui Nai 32:16

Nichi ly tameuh mynchi ai chiu nai kamngo molam y, katakhosi nai Areng ai kado theu hai bo.

Leu Thui Nai 32:21

Nichi i tameuh mynchi hawimy kai ai kado ang theu hai bo; nichi i tameuh tatang ny y nai hawimy kai ai takho ang si hai. Hunai deaungkho y aso ami y nai khumi cheng lawm hai nai hawimy nichi ai kado theu hai ai. Cheng y nai khumi cheng lawm nai hawimy, nichi ai takhosi nai paleung tym hai ai.

Leu Thui Nai 33:29

Israela chengchi awi, nangchi ly khri pa-rei taham hawi! Areng my nangchi ai atleu nai deaungkho y, nangchi ly asa takhra nai cheng ne. Nangchi ai ama hai ai nai hawi paleung ka-echi ai eaung ai nai Areng mymy kypkyp ly nangchi i khupui hawi haisau ne. Nangchi i paleung ka-echi ly pahenra nga ai nai ang jeu u ai, naibaly nangchi ly nichi ai chiu u piupa vui ai.

I PETERA 1:18

nangchi i amsi sangumchi i pei pateang nai, nangchi i ati sai py ny y nai reita i dengdairei ly atiti mawn thai nai amjychi, tangka hawi muku y ny y naimy,

1 SAMUELA 4:21

Naibaly Leu Maikawm Pawm paleung ka-echi kiu y tym vui nai, amprang hawi juvo dei vui nai molam y, “Israela chengchi i phum-ang ly tama vui bo,” nanai thui i, huni chapo ai Ikabo nanai amyn pathi bo.