JEREMIA 19:4 - Khumi Common Language Bible

⁴ Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 19:4 Iomraidhean Croise

2 ARENG KEH 21:16

Manase ly Juda mipuichi ai myn chiu ai nai lam patei iy, Areng i tlang tleaung y sa tamang hai bo. Huni bo y kamngo by y nai khumi neangneangchi ai padei iy, Jerusalem mary lamchi ra y thi leaung hai bo.

2 ARENG KEH 23:10

Huni bo baly ami py Mole tameuh teng y cho chanauchi ai mai y leng patlum nai kapathypra talam pajau y ai nai, samrang Joseah ly hinnom leaunghawira i mynchi ai chiu nai Topheth napi nai meingtym ai py, chai nem hai y bo.

2 ARENG KEH 24:4

mymy mei ka-niu i dengdairei, patheu pawn ai ngai nai deaungkho y, hina nai kamta sa nai ne. Huni kamngo molam y Areng ly Manase ai kamngo pahen pi y bo.

SAM 106:38

Nichi ly kamngo by y nai mychi i cho chanauchi kypkyp ai tleh iy, Kanan pri mynchi teng y talam u i, mychi i pri y chai hai y bo.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

ISAIA 65:11

“Na i py kai ai khai su nai khumi, kai i chai parai nai Zion mawi y dawndan y naimy, hawi nai hawi y nai Tameuh, Kad hawi Meni nini ai chiu nai nangchi i vui ly

JEREMIA 1:16

Hina nai kamta kai ly kamngo sa tamang nai khumichi, kai ai khai su nai khumichi, tameuh takhrachi teng y mui katuichi leng patlum nai khumichi hawi, mychi i sa nai mynchi ai chiu nai khumichi ai ly kapajeng ai.

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 15:6

Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 16:11

Naibaly nichi teng y Areng my, ‘Nangchi i amsi pajochi ly kai ai khai su iy tameuh takhrachi ai chiu u bo. Nichi ly kai ai khai su i, kai i leu py tangai u y bo.

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 17:20

Juda samrangchi hawi khumi mipuichi teng y py, huni katheu pa-khochi mang kun theu reng nai Jerusalem mary i khumi bawibawichi teng y py, kai i leu pei naichi tangai ai nai thui pi ba.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 2:34

Yhm ateng vau iy paviu nai molam y nangchi my patiu ai nai ngo y i py, huni khumi kamawnchi, kamngo by y nai khumichi i thi hawi, nangchi i ateaungchira y abawi hai u nai ne.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 26:15

Na i py kai ai padei ai nai tau u lawh baly, nangchi hawi hini mary i khumi bawibawichi ly kamngo by y nai khumi ai padei nai molam y kamngo tla u ai, nanai hawihai palai apany u. Ati mana nai mo nabaly kai ai pato iy nangchi teng y hini leu thui hai nai keung ly Areng ne nai deaungkho y ne,” napi.

JEREMIA 26:23

Nichi ly Uriah ai Aikupta pri i dengdairei samrang Jehojakim teng y pahawi ali teang i, samrang ly ni ai padei iy ni i veu ai ly khumichi i tapreaung y aphi hai su bo.)

JEREMIA 44:3

Huna nai kamta kaimy tym hai nai ly huni mary i khumichi my hawi y nairachi sa iy kai ai kado patheu u nai deaungkho y ne. Nichi ly tameuh takhrachi teng y apathyp u iy, mychi kypkyp my, nangchi hawi nangchi i amsi pajochi chiu vai y nai tameuhchi ai chiu u bo.

JEREMIA 5:6

Huna nai deaungkho y daichi mang i khrangsichi ly nichi ai kei u ai. Khutaha daichi ka-vym i kasuichi ly nichi ai keileu keileu ai. Takai kheangchi py nichi i marychi sahawi y o iy, mary angam mang y theu nai khumi ngiereichi ai keileu keileu pawn ai. Ati mana nai mo nabaly huni khumichi ly kamngo nawi nai khyh chang y i, Tameuh ai avaw avawrei nithun thun u nai deaungkho y ne.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

TANGAM NAI LEU 4:13

Na i py huna nai tiu naimy kun nai ly tym chum veng bo. Ati mana nai mo na baly mary i amochi hawi pathyp pi nai keungchi ly kamngo sa tamang u iy, kamngo by y naichi dei u nai deaungkho y ne.

Ezekiela 20:26

Nichi ly mymychi i chapo chanauchi ai apathyp nai hawimy, mymychi ai chai hai y ai nai sa thai naira kapei pi. Huna nai sa thai naira kapei pi nai ly kai ly Areng ne, nanai patei ai nai hawi, nichi ai pajeng ai nai ne.

Ezekiela 7:22

Damrachi ly kai i Achura yhm y athorei my kun iy chai hai y nai khala, kai ly arum hai y ai.

Ezekiela 8:11

Hunira y Shaphan i chapo Jaazaniah raurei, Israela cheng lu sa nai leaung vui saryhreichi awm. Nichi ly mui katui leng patlum nai khau ha harei syn u akyhkyh. Mui katuira i maikhyhchi py amhui kalau nai ne.

DANIELA 11:31

Ni i risa phyreichi ly Achura yhm y chai hai y ai. Nichi ly kani tleirei talam nai kapathyprachi anawn hai iy, ka-jei awm nai amso ngai nai ai, Achura yhm khumi ka-niu kamtawi y khai ai.

LUKA 11:50

hunaibaly Abela i thi dengdairei maicham hawi meingtym kachai sala y dei nai Zakari i thi khrairei,

Leu Thui Nai 13:13

nangchi cheng theaung theung i khumi hawi y nai phyreichi my, saleaung avang vanrei adawi naichi teng y, vaichi khala nichi chiu vai y nai tameuhchi ai chiu ai nai parawi nai satang thai baly,

Leu Thui Nai 13:6

“Nang i amjo amnau, nang i cho chanau, nang i tamen nai aju, nang i amrawi keh nai ahawi leaungleaungrei my malawn py, nang hawi nang i amsi pajochi my jangni i ka-so chiu vai y nai takhra tameuhchi ai chiu ai nai kangviu y ang parawi lym ai.

Leu Thui Nai 28:20

“Nangchi ly hawi y naichi sa iy Areng ai khai u su baly, nangchi i sa naira tleirei y sum naira, paleung bi naira hawi ngari kamtangchi tym hai ai. Hunai deaungkho y nangchi ly myh u kasa ai.

Leu Thui Nai 28:36

“Areng ly nangchi hawi nangchi i samrang ai, nangchi hawi nangchi i amsi pajochi tym vai y nai pri takhra mang y ang hawi pawn ai; nangchi ly huni pri y dengkeaung, lengseaung hawi sa nai tameuhchi ai chiu u ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.

TARA CHIH NAI KEUNGCHI 5:8

Huni bo y Israela chengchi ly tameuh takhrachi ai vawi u takhra nai khala, huni pri y tavai tiu u bo. Israela pri y khumi meaung kateaung palyhrei awm nai theung y khupui harei, ti y baly tivi harei syn nai khumi awm a?