JEREMIA 18:8 - Khumi Common Language Bible

⁸ huni khumi chengchi ly uikheih u lawh baly, kai ly paleung amtlau ai i, vaichi khala thui naichi kaso y naimy awm ai.

JEREMIA 18:8 Iomraidhean Croise

2 NENG SATANG 12:6

Samrang hawi miteaungkehchi ly mymychi i kamngo sa nai apany u i, “Areng ly meitang ne,” nanai thui u.

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 135:14

Areng ly mymy i khumichi ai ama hai ai; mymy i miseaungchi ai pahen ai.

SAM 90:13

Nang i kado theu nai ly mana tanrei kra na pa-rei, rym y naimy awm ai mo? Aw Areng, nang i miseaungchi ai pahen kyh ba!

THEU NAI 32:12

Aikupta chengchi my, nang ly Israela chengchi ai mawichira pahawi iy tamyh be ai nai, Aikupta pri i dengdairei pahawi nai teu, nanai thui y ai a? Kado theu hai me mo ly paleung amnym kyh jemjem ba; nang i khumichi tlang tleaung y pajeng naira tym hai mo kyh.

THEU NAI 32:14

Naibaly Areng ly kado katheu rym i, mymy i khumichi ai pajeng y naimy lawi hai bo.

JEREMIA 12:16

Nichi ly kai i chengchi i reita leu ngai iy, vaichi khala Bala tameuh teng y vaineng abeu nai saichi ai nichi ly kai i khumichi teng y patiu pi nai kamta vai ly ‘Areng i heng nai kamta,’ nanai kai i amyn y vaineng abeu u lawh baly, nichi ly kai i khumichi theung y abawi iy nang chawn u ai.

JEREMIA 15:6

Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 26:13

Nangchi ly nangmychi i amhi amtlau nai sai takhra iy, nangmychi i Areng Tameuh i leu tangai u ai nai tla. Huna nai kamta sa u baly mymy ly nangchi ai taphra ai, nanai leu pei yb teu i py, mymy i leu amtlau hai vui ai.

JEREMIA 26:19

Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

JEREMIA 26:3

Khumichi ly tangai iy mychi i hawi y nai saichi khai u su lym ai. Nichi hunai nai kamta khai u su lawh teu baly, kai ly nichi i hawi y nai molam y katamyh ai nai paleung ka-dawn amtlau vui ai,” napi.

JEREMIA 36:3

Juda khumichi ly mychi i vui kaimy dawn yb nai ka-jeira satang thai u lawh baly, mychi i hawi y naira khai su tan khai u su lym ai. Huna nai khala y kai ly nichi i hawi y sa nai kamngochi pahen pi ai,” napi.

JEREMIA 42:10

‘Nangchi ly hini pri y awm jo ai nai ngai u lawh teu baly, kai ly nangchi ai taphra y naimy palum ai. Kai ly nangchi ai akyn y naimy pati ai. Nangchi i tlang tleaung y kang tym hai nai ka-jeirachi molam y, kai ly khri pa-rei paleung mawn parai.

Ezekiela 18:21

“Khumi hawi y nai ly kamngo sa nai anawn iy, kai i Reitachi sa patawm bo; kateng kahawi py sa bo. Huni khumi ly dei ai ny y, ni ly heng takengkei ai.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 33:12

“Nang khumicho awi, khumi kahawi kamngo sa nai khala, mymy i hawi sa naichi my ni ai atleu pajau ai ny y, nanai ly Israela chengchi teng y thui pi. Khumi hawi y nai ly mymy i hawi y sa naichi anawn vui lawh baly, ni ly kamngo pajeng naira avum ai ny y. Khumi kahawi ly kamngo sa nai khala, ni ly hengra nga ai ny y.

Ezekiela 33:13

Kai ly khumi kahawi ai heng hai ai, nanai adeu teu i py, ni ly my i kahawi sa nai ai a-ym cheng naimy kamngo sa tamang lawh baly, kai ly ni i atiti kahawi sa nai ai py, pany pi ai ny y. Ni ly mymy i kamngo molam y dei ai nai ne.

Ezekiela 33:14

Kai ly khumi hawi y nai ai dei ai nai tla, napi nai deaungkho y ni ly mymy i kamngo sa tamang naichi anawn iy, kateng kataw kahawi sa lawh baly,

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

TARA CHIH NAI KEUNGCHI 2:18

Areng ly Israela chengchi ai lu sa nai keung leaungrei theu hai nai tleirei, Areng my huni lu sa nai keung ai sabawm nai deaungkho y, huni lu sa nai keung heng nai ryrei ly nichi ai paleung ka-echi teng i nai atleu pi. Areng ly nichi ai khri pa-rei pahen nai ne; ati mana nai mo nabaly nichi ly ngari kamtang hawi pahyp y naimy ana naira avum u iy, vo tangam u nai deaungkho y ne.