JEREMIA 18:16 - Khumi Common Language Bible

¹⁶ Nichi ly hini pri y khumi angso savai tlang nai pri hawi, amso ngai hawi jojo nai pri lawm hai bo. Huni sahawi mang tako prei nai khumi bawibawichi ly dawn tamang tyh iy mychi i lu heng u ai.

JEREMIA 18:16 Iomraidhean Croise

1 ARENG KEH 9:8

Hini Achura Yhm py phra seaungkhrang nai yhm lawm ai. Huni sahawi mang tako nai khumi bawibawichi ly khri pa-rei lyh u ai i, ‘Areng ly hini pri hawi hini Achura Yhm ai, ati mana nai y hina nai kamta sa lawh mo?,’ nanai deng u lengleang ai.

2 NENG SATANG 29:8

Hunai deaungkho y Areng ly Juda pri hawi Jerusalem mary ai kado theu iy, ka-jeira tym hai naichi niu nai khumi bawibawichi ly athengra na bo. Huni ly nangchi hawihai palai pany u nai ne.

SAM 109:25

Khumichi ly kai ai niu nai khala y, panui hai u bo; nichi ly lu heang u naimy, tahm khai u y nai ne.

SAM 22:7

Kai ai niu nai khumi lutengchi my ang panui hai bo. Nichi ly palai pathu hai iy, lu heang u nai ne.

SAM 44:14

Nang ly kaichi ai khumi cheng cheaungkhangchi my, mei aniu y ai nai lawm hai bo; nichi ly kaichi ai tahm khai y nai lu thiu hai u bo.

ISAIA 37:22

Areng my, “Aw Senakheri, Jerusalem mary ly nang ai khen i, ang panui hai bo.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 19:8

Kai ly hini mary tlang tleaung y ka-jei awm parai naichi tym hai iy, huni sahawi mang tako nai khumichi ly huni mary i taham si nai niu u panui u ai. Paleung hawi y iy mynkym u ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 42:18

“Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

JEREMIA 44:12

Juda pri y awm jo rai naimy, Aikupta pri y awm ai nai ka-dawn awm nai khumichi ly leaungrei py tleaung y naimy myh kang hai ai. Katheang kalen takhawi y naimy huni khumi bawibawichi ly tavai takai hawi tahum takangra y Aikupta pri y dei u ai. Nichi ly khumichi i mo y ka-jeira lawm ai. Khumichi ly nichi ai panui hai iy, nichi i amyn py, pasawi patau naira y teaung u ai.

JEREMIA 48:27

Aw Moba pri, Israela pri khumichi ai nangmy mana tanrei panui hai mo, nanai pany jo ba. Nang ly nichi ai kangviu sara, damra kamkawm hawi vanrei patiu nai palawn iy ana nai ne.

JEREMIA 49:13

Bozarah mary ly niu nai khumichi jei hyn ai hawi nai, khumi angso by y nai meingtym lawm hai ai nai py, khumichi ly huni mary ai panui hai iy, huni mary i amyn ai vaineng abeu naira y teaung ai nai py, kaimy kypkyp my vaineng abeu nai ne. Tengpang sahawi i avang bawibawichi ly phra seaungkhrang naimy awm jojo ai. Hini ly kai Areng i thui nai leu ne,” napi.

JEREMIA 49:17

Areng my, “Edom pri tlang tleaung y tym nai taphra naira ly khri pa-rei jei hyn ai hawi nai deaungkho y, sahawi mang tako nai khumichi ly huni pri y tym nai atitichi niu nai khala, jei hyn iy kaso theu u ai.

JEREMIA 50:13

Kai i kado theu nai molam y Babulon mary y ami py awm ai nai nga u ai ny y. Huni mary ly phra seaungkhrang naimy awm ai. Huni sahawi mang tako nai khumi bawibawichi ly huni mary i avum nai leaungsaichi niu nai ly athengra iy kaso theu naimy lyh u ai.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

JEREMIA 51:43

Huni marychi ly kaso tahyn theu ai hawi naira lawm iy, khumi angso savai tlang naira, tui by y nai daichi ka-vym hawi atawm bo. Huni marychi mang y ami py khuleaung chei u y bo.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

TANGAM NAI LEU 1:12

Ni ly tengpang sahawi i aki aleaung nai khumi lutengchi teng y, “Kai ai khen u cham! Hina nai kamtang ly awm vai reng a? Kai kamta patang nai ly leaungrei py by y leang. Hini kamtang ly Areng my kado theu i, kai ai avum hai nai patangra ne.

Ezekiela 12:19

Sa thai naira awm nai Areng my pei nai hini leu ai ly Israela pri Jerusalem mary y vai, awm u rai nai khumichi i vui ne, nanai thui pi. Huni khumichi ly kaso theu naimy teicha teinei cha u ai nai tla ai i, jei hyn naimy tui py nei u ai nai tla ai. Khumi luteng ly reita leu ai pipi dawn y nai deaungkho y, nichi i pri ai khumi angso savai tlang nai lawm hai ai.

Ezekiela 27:36

Nang ly chau vui bo, deungtasarei chau vui bo. Khaileaung pri verei i ka-sum ka-pai sa nai khumichi ly jei hyn u iy, thui tamawn nai lu heng u ai,” nanai ne.

Ezekiela 36:3

“Huna nai y sa thai naira angym nai kai, Areng my leu pei nai thui pi. Pri deaungpachi my tiu vui nai khala, khumi luteng my ly Israela chengchi ai panui hai u nai ne.

Ezekiela 6:14

Kai ly kiu pheu iy nichi i pri taphra ai. Israela chengchi i awm nai meingtym ngierei y kangheng patleaung y naimy, tokalawi mang daichi ka-vym dengdai, tosyh mang Riblah mary khrairei, khumi angso savai tlang nai meingtym kalawn hai ai. Huna nai khala kai ly Areng ne, nanai khumi bawibawichi my pany u ai.

Levi 26:32

Kai ly nangchi i pri kang taphra pi ai nai deaungkho y, nangchi i pri y peang nai paleung ka-echi malawn py kaso theu u ai.

Levi 26:43

Na i py angchei y ly huni pri amdawpra nga ai nai, huni khumichi ai tama hai vui ai nai tla. Kai i reitachi hawi leu pei naichi khai su nai molam y, mipuichi ly paleang naira avum u ai.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

MATTHAI 27:39

Naibaly aleaung nai khumichi my ly lu thiu hai iy,

MARKA 15:29

Naibaly aleaung nai khumichi my ly lu thiu hai iy, “Ha! Nang, achura yhm kalen pui aphrei iy kani thomrei nai sala y sa teang nai keung,

Leu Thui Nai 28:59

mymy ly nangchi hawi nangchi i kangpreangchi teng y asi atang i py hawi lei y nai no-na hawi ka-jei hawi nai kanghawichi tym hai ai.

Leu Thui Nai 29:23

Nangchi i khaileaungchira y kan hawi palawichi sau hai nai deaungkho y, daichi ka-vym lawm ai; ati sai py pati ai nai ngo y ai, achachi malawn py prau ai ny y. Nangchi i pri ly Areng my khri pa-rei kado iy taphra nai Sodom hawi Komora mary, Adamah hawi Zeboim marychi ai sa nai kamta phra ai.