JEREMIA 18:11 - Khumi Common Language Bible

¹¹ Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 18:11 Iomraidhean Croise

ATITI AWM ANGCHEI NAI 11:7

Achi chei iy mychi tengtawi pany thai y ai nai leu athli hai piupa vui sina,” napi.

1 ARENG KEH 22:23

Naibaly Mikha my, “Hina nai kamta ne; Areng ly hini amochi ai nang teng y ka-chawi thui hai bo. Na i py nang i patang naira avum ai nai ly mymy ka-vo sa yb veng bo!” nanai leu patem nai ne.

2 ARENG KEH 17:13

Areng ly mymy i amtaw thauchi hawi amochi ai pato iy, Juda chengchi hawi Israela chengchi teng y pany hai bo. Mymy ly “Nangchi ly nangmychi i hawi y sa naichi khai u su jau; nangmychi i amsi pajochi hawi kai i miseaung amochi dengdairei, nangchi teng y kaimy pei nai reita theung y abawi nai kai i leu tangai u,” napi.

2 ARENG KEH 22:13

“Nangchi ly Areng teng y chei iy, kai hawi Juda khumi bawibawichi i vui, hini cha-iu theung y abawi nai leu pei naichi molam y deng u cham. Achi i amsi pajochi ly hini cha-iura i thui pi naichi so patawm y nai deaungkho y, Areng ly achi ai kado ang theu hai bo,” napi.

2 ARENG KEH 5:5

Samrang my, Israela samrang teng y chei ly hini cha pei pi,” napi. Hunaibaly Neaman ly tangka chang 30,000 rei, muku tangcheng 6,000 rei hawi baichu ateaung horei syn naimy chei bo.

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

ISAIA 57:1

Khumi kahawichi ly dei u nai ne. Huni khumichi hunai kamta dei nai ly ami py pany u thai y. Ati sai py dawndan u y. Na i py nichi ly dei nai khala y, patang naira by y nai meingtym y tym u nai ne.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 11:19

Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 19:3

Areng my, “Juda samrangchi hawi Jerusalem mary i khumichi awi, Israela chengchi i Tameuh, ati cheaungkhang sa thai nai keung kai, Areng i thui nai leu tangai u. Kai ly thai nai khumichi athengra na pa-rei, ka-jei awm parai nai hini meingtym y tym hai ai.

JEREMIA 25:2

Amo Jeremia my Juda khumi bawibawichi hawi Jerusalem mary i khumi bawibawichi teng y,

JEREMIA 25:5

Nangchi ly nangmychi hawi amsi pajochi teng y, Areng my pei nai pri y deung ka-kan awm u ai nai, huni amochi ly nangchi i heng nai leaungsai hawi, sa nai sai hawi y naichi ai, hi vui ai nai ang thui pi nai ne.

JEREMIA 26:13

Nangchi ly nangmychi i amhi amtlau nai sai takhra iy, nangmychi i Areng Tameuh i leu tangai u ai nai tla. Huna nai kamta sa u baly mymy ly nangchi ai taphra ai, nanai leu pei yb teu i py, mymy i leu amtlau hai vui ai.

JEREMIA 26:3

Khumichi ly tangai iy mychi i hawi y nai saichi khai u su lym ai. Nichi hunai nai kamta khai u su lawh teu baly, kai ly nichi i hawi y nai molam y katamyh ai nai paleung ka-dawn amtlau vui ai,” napi.

JEREMIA 3:1

Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 36:3

Juda khumichi ly mychi i vui kaimy dawn yb nai ka-jeira satang thai u lawh baly, mychi i hawi y naira khai su tan khai u su lym ai. Huna nai khala y kai ly nichi i hawi y sa nai kamngochi pahen pi ai,” napi.

JEREMIA 36:7

Areng ly hini khumichi ai kaso tahyn theu ai hawi nanai kado theu naira hawi pajei pahyn nai deaungkho y, khumichi ly mychi i hawi y nairachi khai su iy, Areng teng y chiu sa u tan chiu sa u lym ai,” nanai leu pei bo.

JEREMIA 4:1

Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

JEREMIA 4:23

Kai ly khaileaung y khen nai khala, huni ly mo cha by y. Kani khusang ai khen nai khala py, kangvang niu y.

JEREMIA 4:6

Zion mary mang y chei tapai u! Chymme naira mang y angpreng u! Patyh u moh! Areng my khri pa-rei phra naira hawi ka-jeira ai tosyh mang dengdairei ang tym hai ai.

JEREMIA 51:11

Areng ly Babulon mary y taphra ai nai tau nai deaungkho y, Media samrangchi ai kachyh nai ne. Huna nai kamta Areng ly mymy i Achura yhm taphra vui nai molam y vawitheung tha ai. Atiu thym nai tavaimi kamkawm miteaung kehchi my,” Nangchi i thailiho chynchi pasui u! Khopuichi py angvei u!

JEREMIA 7:3

Israela chengchi i Tameuh napi nai, ati cheaungkhang sa thai nai keung Areng my, “Kai ly nangchi ai hini meingtym y awm u veangveang ai nai, nangchi ly nangmychi i awm nai sai hawi amhi amtlau nai saichi takhra hai u.

Ezekiela 13:22

“Nangchi ly kaimy paleung phra hai ai ngai y nai kai i khumichi ai leu ka-chawi teaung iy, paleung phra atho di hai bo. Nangchi ly khumi hawi y naichi ai, hawi y nairachi khai su y ai nai atho pei nai deaungkho y, nichi i hengra chau hai bo.

Ezekiela 18:23

Kai ly khumi hawi y naichi dei nai niu nai khala y, kai ly kawnleaung ai nai athang khai u a?, nanai sa thai naira angym nai Areng my deng bo. Mymy ly huni khumi uikheih iy heng naini niu ai nai ngai keh.

JONA 3:8

Khumi bawibawichi hawi tawnbawichi ly paisiu amchiu u ai nai tla. Khumi luteng ly paleung apei parai naimy Tameuh teng y chiu sa ai nai tla. Huni bo y amy i hawi y nai hawi, sa ta-li naichi khai su ai nai tla.

MIKHA 2:3

Hunai deaungkho y Areng my, “Nangchi patang naira avum ai nai kaimy sa ai. Huni patangra i nai nangchi law tleaung pajau ai ny y. Nangchi ly patang naira avum u ai. Huna nai khala nangchi ly amlyh am-e u pajau ai ny y.

ZEKHARIAH 1:3

Na i py vai nangchi ly kai teng y vawi u ali teang; kai py nangchi teng y kang jeu ai.

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

JAKOB 4:13

Vai ly khen cham rai, “Vaini mo khawndam mo kaichi huni avang y chei ai i sanengrei kra ai, naibaly ka-pai sa ai i kamran nga ai,” nanai keungchi awi. Khen cham, khawndam ly mana awm ai mo, nanai nangchi pany y.

JAKOB 5:1

Khumi kanangchi awi, khen cham, nangchi i tlang tleaung y ngari ang tym dudu nai deaungkho y vo py vo u ly, hang py hang u lengleang.