JEREMIA 18:10 - Khumi Common Language Bible

¹⁰ huni khumi chengchi ly kai i mo y kamngochi sa iy kai i leu tangai u y lawh ai nabaly, kai i paleung amtlau vui ai i, vaichi khala y thui nai, hawi nairachi kaso pi y naimy awm vui ai.

JEREMIA 18:10 Iomraidhean Croise

SAM 125:5

Na i py khumi aso y naichi ai pajeng nai khala y, nang i lam khai su nai khumichi ai py kamngo pajeng ba. Israela chengchi ly tlamsa naira ngo u sy!

Ezekiela 18:24

“Na i py khumi kahawi ly kahawi sa nai anawn iy khumi hawi y naichi sa reng nai amso ngai nai hawi y naichi sa lawh baly, ni ly heng asai rai na a? Heng y leang! Ni i kahawi sa naichi kapany pi ai ny y. Ni ly ka-ym by y nai molam y kamngo awm i, mymy i sa tamang nai kamngochi deaungkho y dei ai nai tla ai.

Ezekiela 33:12

“Nang khumicho awi, khumi kahawi kamngo sa nai khala, mymy i hawi sa naichi my ni ai atleu pajau ai ny y, nanai ly Israela chengchi teng y thui pi. Khumi hawi y nai ly mymy i hawi y sa naichi anawn vui lawh baly, ni ly kamngo pajeng naira avum ai ny y. Khumi kahawi ly kamngo sa nai khala, ni ly hengra nga ai ny y.

Ezekiela 33:18

Khumi kahawi ly kateng sa nai anawn iy hawi y naira sa nai khala, huni hawi y nai molam y ni ly dei ai.

Ezekiela 45:20

Ami py ne sy, pany pacha y nai molam y py ne sy, cheng naira by y nai molam py ne sy, kamngo sa lawh baly, huni khumi kamngo lawi naira nga ai nai, huni lo si kani saryhrei kani y hina nai kamta sa ai nai tla. Nang ly hina nai kamta Achura yhm kachai khai ai nai tla.

ZEPHANIAH 1:6

Kai i nithun y abang y naimy, amphri vui nai khumichi ai py, kai teng y ahihawi y, kai i lam patei nai ai hnei y nai khumichi ai py, kaimy tamyh pawn ai,” napi.

Kati Nai 14:22

hini khumichi theung i amimi py huni pri y kun ai nai ngo y; nichi ly kai i nang parai nai kangvang sangso py, Aikupta pri hawi daichi ka-vym theung y kai i sa nai rengrang tlai naichi niu teu i py, nichi ly kai ai tahm khai y jojo iy, kai i leu py tangai u y.

Kati Nai 14:23

Kai my nichi i amsichi teng y pei ai adeu nai pri y, nichi ly kun ai nai nga ai ny y. Kai ai khai su nai ngierei huni pri y kun ai nai ngo y ai.

Kati Nai 14:34

Nangchi Kanan pri khen paviu nai kani vui palyhrei i vui, kanirei y saneng sanengrei, nangchi ai pajeng nai ly saneng vui palyhrei avum u ai. Nangchi ly kaimy nawi su nai avum u ai!

1 SAMUELA 13:13

Samuela my, “Nang i sa nai kalop ly akhum nai ne; nang ly nangmy i Areng my leu pei nai tangai y; tangai lawh baly mymy ly nang hawi vanrei, nang i katu chanauchi ai, Israela pri y deungrei peang hai ai.

1 SAMUELA 15:11

“Sawla ai samrang kapalyn nai ly tamang bo; ni ly kai ai hi vui iy, kai i leu tangai y lawh bo,” napi. Samuela ly kado theu bo. Ni ly Areng teng y vumtorei ahui pi iy,

1 SAMUELA 15:35

Samuela ly my deung y samrang ai niu ali bi y leang bo. Na i py mymy ly Sawla i vui y, khri pa-rei paleung mawn nai ne. Areng py, Sawla ai Israela samrang y palyn nai molam paleung hawi y nai ne.

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.