JEREMIA 17:4 - Khumi Common Language Bible

⁴ Nang i kamngo molam y nangchi ly kaimy kang pei nai pri khai su ai nai tla ai. Kai i kado theu nai ly mai hawi atawm iy, angveaung jojo ai. Kai ly nangchi ai nangmychi tym vai y nai pri i paleung ka-echi teng y miseaung achei hai ai,” napi.

JEREMIA 17:4 Iomraidhean Croise

1 ARENG KEH 9:7

kai ly kai i khumi Israela chengchi ai kaimy pei nai hini pri i dengdairei patheu vui ai. Kai ai chiu ai nai i vui y khai takhra nai hini Achura Yhm ai py nyn va vui ai. Huna nai khala y meingtym tleirei i khumichi ly Israela chengchi ai thui tamawn naimy panui hai ai.

2 ARENG KEH 25:21

Riblah mary y Babulon samrang teng y tym hai bo. Samrang ly nichi ai huni mary y pajeng chum baly, nichi ai padei pawn nai ne. Hunai deaungkho y Juda khumichi ly pri takhra mang y pri pala naira avum u nai ne.

NEHEMIA 9:28

Tlamsa naira nga u ali teang nai khala y nichi ly kamngo sa u bi nai y, nang ly nichi ai paleung ka-echi i kiu y au ali teang bi bo. Na i py nichi ly uikheih naimy nichi ai atleu ai nai nang teng y hnei takeng nai khala y nang ly kani pri mang dengdairei pathang pi bo. Pahen naira len parai nai deaungkho y, nichi ai avaw avawrei atleu nai ne.

ISAIA 14:3

Areng ly Israela chengchi ai, mychi avum nai patang naira hawi ngari kamtangchira i nai py, kalop karam sa naichira i nai py, alawra pei ai.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

ISAIA 50:11

Khumi takhrachi ai tamyh pawn ai nai dawn paviu nai khumi bawibawichi awi, nangchi ly nangmychi i dawn paviu nai hawimy, myh kang u ai. Areng mymy kypkyp my, hini atitichi tym hai ai. Nichi ly ngari kamtang avum u ai.

ISAIA 66:24

Huni khumichi ly mychi i pri y vawi u teang nai khala y, kai ai tiu nai khumichi i tlaiveuchi niu u ai. Huni tlaiveuchi ai cha nai kaleungchi ly mana khala py dei ai ny y. Tlaiveu ai kang nai mai ly mana khala py, rym ai ny y. Khumi bawibawichi ly huna naichi ai niu iy paso u ai.

JEREMIA 12:7

Areng my, “Kai ly kaimy i Israela ai khai su iy, kaimy vawi takhra nai khumichi ai py nyn va veng bo. Kaimy tamen nai khumichi ai paleung ka-echi kiu y au veng bo.

JEREMIA 15:14

Kai i kado theu naira ly mai hawi atawm i, angveaung jojo nai deaungkho y, kai ly kaimy i khumichi ai nichi tym vai y nai pri y, paleung ka-echi i miseaung y khai ai.

JEREMIA 16:13

Hunai deaungkho y kai ly nangchi ai, nangchi hawi nangchi i amsi pajochi tym vai y nai pri y paryh pawn ai. Huni pri y nangchi ly tameuh takhrachi ai, vum kanithun chiu u ai. Kai teng i tamen naira ly mana khala py, nangchi nga u ai ny y,’ nanai leu ang pei nai thui pi,” napi.

JEREMIA 18:23

Na i py aw Areng, kai ai padei ai nai dawn paviu nai khumichi ai, nang ly pany nai ne. Nichi i hawi y nai sai pahen pi moh ba. Nichi ai mychi i kamngochira i nai lawi tleaung hai moh kyh ba. Nichi ai sum hai iy kado theu nai thym khala, nichi ai pasum takengkei kyh ba,” nanai takeng bo.

JEREMIA 2:14

“Israela ly miseaung ny y. Miseaungcho py ny y. Na i py paleung ka-echi ly ni ai patiu u lawh mo?

JEREMIA 22:28

Jeremia my, “Samrang Jehojakhin ly ami py aly ngai y iy aphi su nai chy-y ka-kawi kamta lawm lawh bo a? Naibaly ni hawi ni i cho chanauchi ly mychi pany vai y nai pri y, pri pala vui nai bo a?

JEREMIA 5:19

Jeremia awi, Huni khumichi ly nang teng y, ‘Ati mana nai y Areng ly hina naichi sa lawh mo,’ nanai ang deng u ai. Naibaly nichi teng y, ‘Nangchi ly Tameuh ai khai su iy, nangmychi i pri y my cheng takhra tameuhchi i kalop sa pi u lawh. Hunai deaungkho y pri takhra mang y, cheng takhrachi i kalop sa pi ai nai tla ai,’ nanai pathang pi,” napi.

JEREMIA 5:29

“Na i py hini atitichi molam y nichi ai kai, Areng my pajeng ai. Hini khumichi ai kaimy vawitheung katha ai.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

TANGAM NAI LEU 1:12

Ni ly tengpang sahawi i aki aleaung nai khumi lutengchi teng y, “Kai ai khen u cham! Hina nai kamtang ly awm vai reng a? Kai kamta patang nai ly leaungrei py by y leang. Hini kamtang ly Areng my kado theu i, kai ai avum hai nai patangra ne.

TANGAM NAI LEU 5:2

Kaichi i yhmtheaung katuichi ly apany vai y nai khumichi kiu y tym lawh bo. Cheng takhra khumichi ly kaichi i yhmchira y athum u vui bo.

Ezekiela 21:31

Kai ly mai kangveaung kamta kai i kado theu naira ly nang i tlang tleaung y kang tym hai ai. Nang i tlang tleaung y pahyp y naimy ana nai keung, kataphra kawp nai khumichi teng y kang au ai.

Ezekiela 7:24

Kai ly hawi y keh nai khumi chengchi ai hini meingtym y hawi iy, nangchi i yhmchi ly nichi teng y kapei vui ai. Huni khumichi ai nangchi i chiu nai meingtymchi chainem hai y ai nai kaimy kapei nai khala, nangchi atho len nai khumichi ly paleung phra u ai.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.