JEREMIA 17:2 - Khumi Common Language Bible

^2-3 Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

JEREMIA 17:2 Iomraidhean Croise

2 NENG SATANG 24:18

Hunai deaungkho y khumi mipuichi ly Achura yhm y amsi pajochi i Areng Tameuh ai chiu nai khai su iy, mynchi hawi Asherah tameuhnu i tamkhawnchi ai chiu u. Hina nai nichi i sa nai kamngo molam y. Areng i kado theu nai ly Juda pri hawi Jerusalem mary tlang tleaung y tym bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 33:3

Mymy i ampo Hezekia my taphra pawn nai myn chiu naira meingtymchi sa palum teang nai ne. Bala tameuh teng y apathyp ai nai maichamchi sa iy, Israela samrang Ahab kamta, tameuhnu Asherah i tamkhawnchi pado nai hawi ka-sichi ai py chiu bo.

SAM 78:58

Nichi ly tameuh ny y naichi ai chiu ai nai meingtym sa u nai molam y, nang ai kado theu hai; mynchi molam py mymy ai kado theu hai bo.

THEU NAI 34:13

Nangchi ly nichi i maichamchi panawi pawn ai nai tla; nichi i tameuh leungchengchi taphra ai nai tla; nichi i tameuh nu Aser i mynchi py, paliu pawn ai nai tla.

ISAIA 1:29

Nang ly dengkeaung keungchi ai chiu lawh nai deaungkho y, chiu ai nai akho baichi sa lawh nai deaungkho y, paleung si naira avum ai.

ISAIA 17:8

Nichi ly mymychi my sa nai maichamchi ai py, Aser kani anglo ai chiu ai nai mychi kiu hawi sa patyp nai tamkhawnchi hawi rimui muikatuichi patawi naira maichamchi ai py, ym u ai ny y.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 3:23

Mawi saleungchira chiu sa nai molam y, kaichi kasabawmra ngo u y. Israela chengchi i vui sabawm naira ly kaichi i Areng Tameuh teng i naini nga pajau khyh.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 7:18

Cho deaungdichi ly theng acheaung i, neampacho ka-cheangchi my mai paeng iy, neampachy ka-cheangchi ly kani khusang samrang nu, napi nai kani anglo teng y talam ai nai, tako dei katlen iy paawp pi bo. Nichi ly kai ai paleung aleng hai ai nai tameuh takhrachi i vui kreip hang katalamrachi py leih iy talam u nai ne.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Leu Thui Nai 12:2

Nangchi peang nai pri mawi saleung, mawi aheung, ngam heng-yh nai dengkeaungchi anui i, huni pri khumichi my chiu nai meingtym bawibawichi taphra u pawn ai nai tla.

TARA CHIH NAI KEUNGCHI 3:7

Israela chengchi ly mychi i Areng Tameuh ai tami u veng bo; mymy i tlang tleaung y tamang u i, Bala tameuh hawi Aser tameuhchi ai chiu u.