JEREMIA 17:11 - Khumi Common Language Bible

¹¹ Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

JEREMIA 17:11 Iomraidhean Croise

JOBA 20:21

Ni i cha nei nai khala, ati sai py kamlai khai vai y. Hunai deaungkho y ni i yhmtheaung katui ly akan ai ny y.

SAM 49:13

Amymychi ai a-ym nai khumichi, amymychi nang chawn nai hawi, paleung tuinem naichi i khym taham ly khen u.

SAM 55:23

Na i py aw Tameuh, nang ly khumi ai padei nai keungchi hawi, tapawp nai keungchi ai, nichi i deung ka-hyhrei tym y rai khala my tapreaung angawm theung y ang vum hai ai; kai naini ly nang ai kang-ym ai.

LEU KACHENG 13:11

Rai y naimy nga nai yhmtheaung katuichi ly rai y naimy khei kang dudu reng; ko rypsy nai yhmtheaung katui ly peungra peungra reng nai ne.

LEU KACHENG 15:27

Tau hawi y nai leaungsai hawi, kamran nga ai nai atho sa nai ly my i yhm dengtheungchi ai patangra tym hai ai; un langseaung lo y nai khumi ly heng sau ai.

LEU KACHENG 21:6

Leu ka-chawi hawi nga nai yhmtheaung katui ly tui kamhui kamta tamo y rai khala, nang ai dei kho mang y ang vum hai reng nai ne.

LEU KACHENG 23:5

Nang i paisa tangkachi ly pakhi sai iy, ahm i angkheang nai kamta, mei amsynrei sala y tama pajau nai ne.

LEU KACHENG 28:16

Tau by y nai samrang ly mipuichi ai ana reng. Katapawp paleung ka-kawi ai niu ngai y nai samrang ly peang nai deung sau ai.

LEU KACHENG 28:20

Khumi kahawichi ly amtheaung naira kawi angym ai. Na i py vaimy nang ryp ai nai atho sa nai khumi ly kamngo pajeng naira avum ai.

LEU KACHENG 28:22

Amy i vui dawn khyh nai khumichi ly nang chawn ai nai hau u tamangtang bo. Na i py ngari kamtang avum ai nai pany u y.

LEU KACHENG 28:8

Tangka katy khri pa-rei cha iy, khumichi i tlang tleaung y kho sa naimy nang nai khumi i yhmtheaung katuichi ly khumi kamawnchi ai pahen pi reng nai khumi i kiu y tym vui ai.

JEREMIA 22:13

Amy i yhm ai teng y nai leaungsai hawi sa nai py, amy i salo sambeuchi ai teng y nai ka-dawn hawi sa iy, amy i yhm deaungpachi ai jawm my sa hai nai khumi, huni khumichi i kalop sa nai vang pei y nai khumi ly taham si nai ne.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

MIKHA 2:9

Nangchi ly kai i khumichi i neampachychi ai, mychi khrei nai yhm i dengdairei patheu u iy, mychi i cho chanauchi mo mang y hawi ai athang khai nai amtheaung nairachi phra hai bo.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

ZEPHANIAH 1:9

Myn y chiu nai khumichi kamta sa naichi ai py, mychi i yhmkeung yhmy lawm nai vawnsaichi nga angym hai ai nai molam, khumichi ai padei naichi ai py, kaimy tamyh pawn ai,” napi.

ZEKHARIAH 5:4

Ati cheaungkhang sa thai nai keung Areng my, kai ly hini amsawi ai kapato ai i, huni ly kai i amyn y tau iy ka-chawi leu thui nai khumi ngiereichi hawi, kangviu khumi ngiereichi i yhmchira y awm ai. Huni yhmchi py amsawi leu theu vui nai khala, phra seaungkhrang naimy awm ai,” napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

I TIMOTHEI 6:9

Na i py nang ai tau naichi ly parawi naira y hawi, deaung y hawi, taphra atyhtyh thai nai ngai phi teng y naira neangneangchira y atlym u iy, hunichi ly phra naira y hawi, tama naira y py khumichi ai tup hai.

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

II PETERA 2:14

nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.