JEREMIA 16:7 - Khumi Common Language Bible

⁷ Nangmy tamen nai khumi leaungrei dei nai molam y paleung awmnem hai ai nai ami py sikeung hawi vanrei cha nei ai ny y. Amhm ampo dei nai khumichi malawn py, ami py pahen naira amteng pi ai ny y.

JEREMIA 16:7 Iomraidhean Croise

JOBA 42:11

Joba i amjo amnau, tuicho, amjo neampachychi hawi, ahawi kangngym bawibawichi ly ni i yhm y jeu iy, ni hawi vanrei cha nei pawi sa u bo. Nichi ly Areng my avum hai nai ngari kamtangchi molam, Joba teng y paleung hawi y nai leu thui u naimy paleung pahawi u chum baly, tangka maidenrei hawi muku kano ha harei pei u bo.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

JEREMIA 22:10

Juda khumichi awi, samrang Josia molam y meikatui tlo u moh; ni i dei nai molam y py paleung si hai u moh. Na i py ni i chapo Joahaz i vui y khri pa-rei, meikatui tlo hai u. Paleung ka-echi ly nichi ai deung ka-kan hawi u jo ai. Ni ly my i tapen nai meingtym ai, mana khala py niu ali bi ai ny y.

TANGAM NAI LEU 1:9

Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

Ezekiela 24:17

Nang i vo sang-eng nai katyn khumichi thai moh sy; paleung si nai meimai amteng nai lupeu ajeng y nai hawi, phainai amchiu y naimy tako moh. Nang i meimai tamym moh. Paleungsi paleung mawn nai khumichi cha nai teicha teinei py cho moh,” napi.

HOSEA 9:4

Huni prichira y nichi ly Areng teng y kreip hang py, tawnbawi py, talam pajau ai ny y. Nichi cha nei nai teicha teinei ly si keung i teicha teinei kamta, cha nai khumichi ai chai hai y ai. Nichi ly kajeu kanglam dam ai nai, huni teicha teinei cha u ai. Huni teicha teinei ai katalamra palawn iy, Areng i Achura yhm y syn u moh.

Leu Thui Nai 26:14

Kai ly dei nai khumi i vui paleung si nai khala, horei y harei theung i la iy cho mai y leang; kai ly reita leaungsai y chai y nai thym khala y py, huni horei y harei ly yhm angam mang y patheu y leang; huni horei y harei theung i la iy dei nai khumi i vui talam y leang; aw Areng, nang i leu pei nai kai ly tangai nai ne; horei y harei molam nang i leu pei nai kamta kasa be bo.