JEREMIA 16:5 - Khumi Common Language Bible

⁵ Areng my, “Nang ly vo tangam nai yhm y kun moh. Ami i vui py paleung si hai moh, pahen moh. Vai ly nichi ai tlamsa naira kapei ai ny y. Tamen nai pahen nai py patei ai ny y.

JEREMIA 16:5 Iomraidhean Croise

SAM 25:6

Aw Areng, jangni i dengdairei nangmy patei pi nai pahen naira hawi khaw parai nai tamen nairachi pany pi jo kyh ba.

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 13:14

Naibaly kai ly chy-ychi tengtawi adeng hai iy kawi nai kamta, nichi ai katheang kalen takhawi y naimy kataphra ai. Mani pahen naira, tamen naira hawi neaung hawi naira my ly nichi ai padei ai nai molam y kai ai paka pajau ai ny y,” napi.

JEREMIA 16:13

Hunai deaungkho y kai ly nangchi ai, nangchi hawi nangchi i amsi pajochi tym vai y nai pri y paryh pawn ai. Huni pri y nangchi ly tameuh takhrachi ai, vum kanithun chiu u ai. Kai teng i tamen naira ly mana khala py, nangchi nga u ai ny y,’ nanai leu ang pei nai thui pi,” napi.

TANGAM NAI LEU 3:17

Kai ly noso aho nai, tlamsa nai hawi amo theu nai py, katami pawn veng bo.

ZEKHARIAH 8:10

Huni neng ny y rai khala ly ami py khumichi, tawnbawichi ai kalop so hai pajau y. Ami py mychi i paleung ka-echi teng i nai law tleaung ai nai ngo y. Kai ly khumi cheng tengtawi ajo hai nai ne.

Leu Thui Nai 31:17

Huna nai khala kai ly kado theu iy nichi ai khai su ai, naibaly nichi ly tama u ai. Nichi ly ka-jei awm nai patangrachi avum u ai. Huna nai khala nichi i Tameuh kai ly nichi hawi vanrei awm pi y nai deaungkho y, hina nai ka-jeirachi avum nai ne, nanai nichi pany u ai.

AMTENG HAI NAI 6:4

Naibaly keaungngo kamleng harei theu taleang bi bo; naibaly huni tleaung y atang nai keung teng y ly khaileaug i dengdairei aly naira la pi vui thai ai nai hawi, khumichi ai apadei leungtang hai thai ai nai py pei bo; mymy teng y haisau kalen py pei teang bo.