JEREMIA 16:16 - Khumi Common Language Bible

¹⁶ Areng my, “Kai ly hini khumichi ai patiu ai nai ngo sara neangneangchi pato ai. Mawi katheang kalen ngiereichi hawi lengseaungchi sala y, nichi ai hau ai nai mawi sara neangneangchi kapato ai.

JEREMIA 16:16 Iomraidhean Croise

ATITI AWM ANGCHEI NAI 10:9

Mymy ly Areng my sabawm nai saho y mawi sara kalen lawn i khumichi my ly, “Areng my Nimroda kamta nang ai py mawi sara kalen lawn hai sy,” nanai thui u reng.

ISAIA 2:21

Khaileaung amchyh hai ai nai Areng jeu nai khala y, khumichi ly mymy i kado theu nai, sa thai naira hawi nang parai naira i nai law tleaung ai nai khaileaung angawmchi hawi lengseaung tapiuchira y aheu u ai.

ISAIA 7:19

Nichi py lengseaung nawi parai nai leaunghawichi, lengseaung tapiuchi, aleng reaung awm nai ngiereichi hawi, sui tlai naira ngiereichira y, adeng mengmeaung naimy tym u ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 4:29

Keaungngo atang nai risachi hawi, thailiho pa nai khumichi i katyn thai nai khala, khumi bawibawichi ly angpreng u pawn ai. Khumi phyreichi ly thengreung theung y py, phyreichi ly lengseaungchi salo y py angpreng u ai. Mary bawibawichi ly harei awm khyh ai i, khumi angso savai tlang nai lawm ai.

JEREMIA 49:5

Kai ly tengpang sahawi i khumichi ai, nangchi ai tiu hai ai nai deaungkho y, nangchi ly angpreng u ai. Khumi luteng malawn py, amy tleaung ai nai vui preang u ai nai deaungkho y, nangchi i tavaimi risachi ai pangym pi teang ai nai khumi leaungrei py awm ai ny y.

JEREMIA 6:9

Ati cheaungkhang sa thai nai keung Areng my kai teng y, “Kreip akho theung y kreip athai awm nai ngiereichi jaw pyn nai kamta, Israela pri y khumi kamthum kamlai awm hai ai ny y. Hunai deaungkho y nang ly neng awm nai thym khala atleu iy, nga thai nai ngierei, Israela chengchi ai atleu ai nai tla,” napi.

TANGAM NAI LEU 4:18

Paleung ka-echi ly kaichi ai ajeng i, khen patawm nai deaungkho y, kaichi ly lam y aki aleaung vam y. Kaichi i neng kanichi ly dym veng bo; kangkhym kani tym veng bo.

TANGAM NAI LEU 4:19

Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u. Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.

HOSEA 10:10

Sa tamang nai hini khumichi ai tiu iy parip ai. Pri takhrachi ly amkawm i nichi ai tiu iy, nichi ly mychi i kamngochi molam y, pajeng naira avum u ai.

AMOS 4:2

Salo keh Areng ly chai parai nai deaungkho y, hina nai vaineng adeu bo. Areng my, “Nichi ly nangchi ai sakawi hawi athorei my ryh nai kanichi tym ai. Nangchi bawibawi ly sakawira man nai ngo kamta lawm u ai.

AMOS 5:19

Huni kani ly nangchi i vui khrangsi ai jei i, angpreng nai khala, tavym hawi avum lawh nai khumi kamta lawm ai. Ti y baly yhm y tym nai khala angpang y amkhaw i, pavui my patiu lawh nai khumi kamta lawn ai.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

ZEPHANIAH 1:12

“Huni neng khala y kai ly maisi yhm syn iy, Jerusalem mary theung y hau ai. ‘Areng ly hawi nai, hawi y nai, ati sai py so vai y,’ nanai athang khai iy thui nai khumichi, amychi ai tahm apasang iy paleung tienem naichi ai, kai ly pajeng ai.

1 SAMUELA 24:11

Kai i ngaai awi, khen cham rai, kai i kiu y syn nai baichu kangjiu tawmchy ai khen cham! Kai ly nang ai padei ai nai nga teu i py, hini baichu tawnchy ai naini kao khyh; nang ai tiu ai nai hawi padei ai nai kai ly paleung ka-dawn by y, nanai hinira y samrang nang ly pany ai nai avo. Kai ly nang ai sairei py tamang vai y teu i py, nang ly kai ai padei ai nai hau nai ne.

1 SAMUELA 26:20

Kai ai Areng hawi palo nai pri takhrara y dei hai moh kyh; Israela samrang ly ati mana nai uikasyh ryrei awm khyh nai, kai ai padei ai nai jeu lawh mo? Samrang ly ati mana nai kai ai daichi tavo kamta palawn iy patiu ai nai patyp lawh mo?,” napi.