JEREMIA 16:12 - Khumi Common Language Bible

¹² Na i py nangchi ly nangmychi i amsi pajochi tleaung y malawn py, khri pa-rei hawi y nairachi sa u nai ne. Nangchi bawibawi ly paleung tang, hawi y iy kai i leu tangai u y.

JEREMIA 16:12 Iomraidhean Croise

ATITI AWM ANGCHEI NAI 6:5

Khaileaung pri verei y awm nai khumichi ly khumi aso y iy, paleung ka-dawn hawi y jojo nai sai Areng my niu nai khala,

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

Parip nai leu 8:12

Khumi kamngo ly tlen chungvairei hawi y nai sa teu i py, heng thai nai ne. Khumichi my, “Tameuh i leu tangai nai khumi i vui ly cheaungkhangra y hawi ai;

Parip nai leu 9:3

Huni khumi bawibawichi py khym taham ly vanrei avum u nai ne; hini leaungsaichi py hini khaileaung pri y tym nai takhra leaungsaichi kamta, leu meitang adyh adawi naira by y. Khumichi ly heng nai ryrei, nichi i paleung ly hawi y naira hawi pathu naira my kawi nai ne i, nichi ly vaimy dei u ryp nai ne.

JEREMIA 13:10

Huni khumi hawi y naichi ly kai i leu tangai y; paleung tang ra i tameuh takhrachi ai chiu iy kalop sa pi u nai ne. Hunai deaungkho y teaung ai ngo y nai akeng kawm nina kamta lawm u ai.

JEREMIA 17:9

“Mani khumi ly khumi i paleung pany pajau mo? Khumi i paleung ly ati cheaungkhang tleaung y py akawi reng. Huni paleungra y kahawi sa iy ngo pajau y nai ang vawi awm.

JEREMIA 18:12

Huna nai khala nichi my, “Kaichi ly amtlau vui pajau y leang; ati mana nai amtlau vui ai mo? Kaichi ly kaimychi ngai ngai paleung tang naimy, hawi y nai kasa u ai,” nanai thui u ai.

JEREMIA 22:28

Jeremia my, “Samrang Jehojakhin ly ami py aly ngai y iy aphi su nai chy-y ka-kawi kamta lawm lawh bo a? Naibaly ni hawi ni i cho chanauchi ly mychi pany vai y nai pri y, pri pala vui nai bo a?

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

JEREMIA 7:26

Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.

JEREMIA 9:14

Nichi ly paleung tang iy mymychi i amsi pajochi my thui pi nai kamta, bala tameuh mynchi ai chiu u bo.

TANGAM NAI LEU 5:7

Kaichi i amsi pajochi ly kamngo sa tamang iy, dei u pawn nai deaungkho y, kaichi ly nichi i kamngo mynji pho ai nai tla.

Ezekiela 20:30

Israela chengchi teng y kai i leu pei nai amti pi; nangchi ly ati mana nai y amsi pajochi sa tamang iy chai hai y nai kamta, nangmychi ai chai hai u y lawh; nichi i chiu nai chai y nai mynchi ai chiu u lawh mo?

AMOS 2:4

Areng my, “Juda pri khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kai i leu pei naichi niu ngai y iy, kai i pei nai reita leuchi patawm u y. Mychi i amsi pajochi ahihawi iy, chiu nai teng y nai tameuhchi mang y mychi naimy abang i, lam tamang u bo.

MALAKHI 3:7

Nangchi ly nangmychi i amsi pajochi kamta, kai i reita leuchi ai tangai y naimy, amphri u vui bo. Nangchi ly kai teng y jeu u ali teang. Kai py nangchi teng y kang jeu teang ai. Na i py nangchi my, ‘Nang teng y kang jeu pajau ai nai kaichi ati kasa u ai mo?’ nanai deng u bo.

MARKA 7:21

Taku theung i nai khumi i paleung theung i dengdairei ly kamngo dawn nairachi theu reng:

Leu Thui Nai 29:19

Vaini hini leu pei naichi thai u nai bo y, amy i kangai sa veangveang nai ly ati cheaungkhangra y hawi nga ai, nanai ym nai khumi awm moh sy; na i py nangchi theung y khumi kahawi py, khumi hawi y nai py, bawibawichi ly tama rau ai.

Leu Thui Nai 9:27

Nang i Abraham, Isaka hawi Jakobchi ai pany pi iy, hini khumichi i paleung tang nai, khumi aso y nai, kamngo naichi ai pahen pi kyh ba.

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

HEBRAI 3:12

Amjo amnauchi awi, amkym u, ti y baly Tameuh kangheng ai ly hi vui ai nai nangchi theung y ami py ym y nai paleung kamngo awm lawh na:

TARA CHIH NAI KEUNGCHI 2:19

Na i py nichi ly mychi ai lu sa nai keung dei nai bo y ly mangri ra y tym u teng i, angchei i kangpreangchi tleaung y hawi y keh nai leaungsaichi sa u reng nai ne. Nichi ly tameuh takhrachi ai chiu u i, mychi i kamngo lam mang y tako u tangto nai ne.

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.