JEREMIA 16:11 - Khumi Common Language Bible

¹¹ Naibaly nichi teng y Areng my, ‘Nangchi i amsi pajochi ly kai ai khai su iy tameuh takhrachi ai chiu u bo. Nichi ly kai ai khai su i, kai i leu py tangai u y bo.

JEREMIA 16:11 Iomraidhean Croise

1 ARENG KEH 9:9

Hunaibaly khumichi my, ‘Hinichi ly mychi i amsi pajochi ai Aikupta pri i dengdairei pahawi nai keung Areng Tameuh ai khai u su iy, tameuh takhrachi mang y ahihawi u nai deaungkho y, Areng ly nichi i tlang tleaung y hini ka-jeira awm naichi tym hai nai ne,’ nanai pathang ai,” napi.

2 NENG SATANG 7:22

Khumichi my, ‘Israela chengchi ly mymychi i amsi pajochi ai Aikupta pri i dengdairei pahawi nai Areng Tameuh ai khai u su nai deaungkho y ne. Nichi ly tameuh takhrachi teng y paleungbie vui iy, huni tameuhchi ai chiu u. Hunai deaungkho y Areng ly nichi ai ka-jeira tym hai bo,’ nanai pathang u ai,”

JEREMIA 13:22

Nangchi my, “Hini atitichi ly ati mana nai deaungkho y tym nai mo? Kaichi i ateaungchi ly ati mana nai y aseih pawn lawh mo? Kaichi ly ati mana nai khrukhra hai nairachi avum nai mo?” nanai deng u lawh baly, “Nangchi i kamngo ly ka-jeira hawi parai nai deaungkho y ne,” nanai pathang ai nai tla.

JEREMIA 2:8

Pathyp pi nai keungchi my, ‘Areng ly ma mang y awm mo?’ nanai deng u. Kai i pathyp pi nai keungchi ly kai ai pany u y. Peang nai keungchi ly kai ai tiu u bo. Amochi ly Bala tameuh i amyn y tau iy, vang teng y nai mynchi teng y chiu u nai ne.

JEREMIA 22:9

Nangchi ly nangmychi i Tameuh, napi nai kai hawi asa nai Leu Maikawm ai khai su iy, tameuh takhrachi ai chiu u lawh nai deaungkho y, hina nai lawm nai py arum u leungtang ai.

JEREMIA 44:3

Huna nai kamta kaimy tym hai nai ly huni mary i khumichi my hawi y nairachi sa iy kai ai kado patheu u nai deaungkho y ne. Nichi ly tameuh takhrachi teng y apathyp u iy, mychi kypkyp my, nangchi hawi nangchi i amsi pajochi chiu vai y nai tameuhchi ai chiu u bo.

JEREMIA 8:2

Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.

JEREMIA 9:14

Nichi ly paleung tang iy mymychi i amsi pajochi my thui pi nai kamta, bala tameuh mynchi ai chiu u bo.

TANGAM NAI LEU 5:7

Kaichi i amsi pajochi ly kamngo sa tamang iy, dei u pawn nai deaungkho y, kaichi ly nichi i kamngo mynji pho ai nai tla.

Ezekiela 11:21

Na i py kai ly amso ngai hawi nai mynchi mang y paleung apei naichi ai ly kapajeng ai,” napi. Hini ly sa thai naira angym nai Areng i leu pei nai ne.

AMOS 2:4

Areng my, “Juda pri khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kai i leu pei naichi niu ngai y iy, kai i pei nai reita leuchi patawm u y. Mychi i amsi pajochi ahihawi iy, chiu nai teng y nai tameuhchi mang y mychi naimy abang i, lam tamang u bo.

MALAKHI 3:7

Nangchi ly nangmychi i amsi pajochi kamta, kai i reita leuchi ai tangai y naimy, amphri u vui bo. Nangchi ly kai teng y jeu u ali teang. Kai py nangchi teng y kang jeu teang ai. Na i py nangchi my, ‘Nang teng y kang jeu pajau ai nai kaichi ati kasa u ai mo?’ nanai deng u bo.

I PETERA 4:3

Cheng Takhrachi i kangai sa ai nai hawi paleaung naira y hawi, tlang i ngai phi teng y naira y hawi, pavui naira y hawi, mhm nei khrukhra naira y hawi, mhm nei ryry naira y hawi, myn y chiu nai kamso awm parai naira y py tako ai nai, jangni i neng ly hawi khyp bo;

TARA CHIH NAI KEUNGCHI 2:11

Huna nai khala Israela chengchi ly Areng i tlang tleaung y kamngo sa u i, Bala tameuhchi ai chiu u.