JEREMIA 16:10 - Khumi Common Language Bible

¹⁰ “Hini atitichi ai khumi mipuichi teng y nangmy thui pi nai khala y, nichi my, Areng ly ati mana nai kaichi ai hina tanrei pajeng ai nai leu pacheang lawh mo? Kaichi ly ati ka-jo ka-thui awm lawh mo? Kaichi i Areng Tameuh tlang tleaung y ati katamang u lawh mo?” nanai nang teng y ang deng u ai.

JEREMIA 16:10 Iomraidhean Croise

JEREMIA 11:17

“Ati cheaungkhang sa thai nai keung kai, Areng ly Israela pri hawi Juda pri ai palum pachai pi ai. Na i py vai kai ly huni pri y ka-jeira tym hai ai. Nichi ly sa tamang u nai deaungkho y, Bala tameuh teng y apathyp u nai molam y, nichi ly kai ai kado patheu u lawh nai ne.”

JEREMIA 13:22

Nangchi my, “Hini atitichi ly ati mana nai deaungkho y tym nai mo? Kaichi i ateaungchi ly ati mana nai y aseih pawn lawh mo? Kaichi ly ati mana nai khrukhra hai nairachi avum nai mo?” nanai deng u lawh baly, “Nangchi i kamngo ly ka-jeira hawi parai nai deaungkho y ne,” nanai pathang ai nai tla.

JEREMIA 2:23

Nangchi ly Bala tameuh ai mana khala py chiu vai y. kaimychi ai amso ngai hai y, nanai ati mana thui pajau ai mo? Nangchi ly leaunghawi theung y ati mana kamngo sa u mo, nanai khen cham. Nangmy i sa nai kalop pany ba. Nang ly po ngai nai kula-iu tanglo kamta, awm py thai y na pa-rei angpreng nai ne.

JEREMIA 2:35

“Na i py, ‘Kai teng y kamngo by y, Areng ly meitang khyp, kai i tlang tleaung y kado theu hai y leang bo,’ nanai thui ai nai ngai. Na i py nang ly nangmy teng y kamngo by y, nanai akhi nai deaungkho y kai ly nang ai kamngo pajeng ai.

JEREMIA 44:3

Huna nai kamta kaimy tym hai nai ly huni mary i khumichi my hawi y nairachi sa iy kai ai kado patheu u nai deaungkho y ne. Nichi ly tameuh takhrachi teng y apathyp u iy, mychi kypkyp my, nangchi hawi nangchi i amsi pajochi chiu vai y nai tameuhchi ai chiu u bo.

JEREMIA 5:19

Jeremia awi, Huni khumichi ly nang teng y, ‘Ati mana nai y Areng ly hina naichi sa lawh mo,’ nanai ang deng u ai. Naibaly nichi teng y, ‘Nangchi ly Tameuh ai khai su iy, nangmychi i pri y my cheng takhra tameuhchi i kalop sa pi u lawh. Hunai deaungkho y pri takhra mang y, cheng takhrachi i kalop sa pi ai nai tla ai,’ nanai pathang pi,” napi.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

HOSEA 12:8

Nichi my, ‘Achi ly nang chawn u bo. Paisa tangka neangneang pateung bo. Ami py achi ai teng y naimy nga nai tangka hawi nang chawn nai ne, nanai neng hai pajau y leang,’ na u.