JEREMIA 15:6 - Khumi Common Language Bible

⁶ Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 15:6 Iomraidhean Croise

ISAIA 1:4

Nangchi kamngo sa nai khumichi awi, sa tamang reng nai khumi kamngochi awi! nangchi ly taham si u bo. Nangchi ai ly kamngo mynji my ang ti cheng na lawh bo ly! Israela chengchi i chai parai nai Areng Tameuh ai khai su iy, mymy ai nithun thun u vui bo.

ISAIA 28:13

Huna nai y Areng ly nangchi ai hawihai palai kamsi kamdi, lamrei chum baly lamrei, sairei chum baly sairei patiu pi ai. Hunai deaungkho y nangchi ly kheu takan nai tleirei atlym u ai. Nangchi ly tamo kalem nga iy deaung y man i, patiu nai avum u ai.

ISAIA 31:3

Aikupta chengchi ly vawinam arengchi ny y. Khumi mangrichi teu na a. Nichi i keaungngochi py vawinam keaungngochi ny y. Areng my bawi la nai khala y, atho len nai cheng ly dei lawm vui ai. Kasabawmra nga nai khumi chengchi py anawi vui ai. Huni khumi cheng amjy nyhrei py myh kang vui ai.

JEREMIA 1:16

Hina nai kamta kai ly kamngo sa tamang nai khumichi, kai ai khai su nai khumichi, tameuh takhrachi teng y mui katuichi leng patlum nai khumichi hawi, mychi i sa nai mynchi ai chiu nai khumichi ai ly kapajeng ai.

JEREMIA 13:14

Naibaly kai ly chy-ychi tengtawi adeng hai iy kawi nai kamta, nichi ai katheang kalen takhawi y naimy kataphra ai. Mani pahen naira, tamen naira hawi neaung hawi naira my ly nichi ai padei ai nai molam y kai ai paka pajau ai ny y,” napi.

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

JEREMIA 44:22

Vai malawn py nangchi i pri ly phra seaungkhrang naimy, khumi angso savai tlang jo rai. Areng ly nangchi i hawi y naira sa naichi ai kham pi pajau y nai deaungkho y, huni pri ly khumichi i mo y amso ngai naira lawm nai ne. Khumichi my py huni pri i amyn ai pasawi patau naira y teaung u lawh bo.

JEREMIA 6:11

Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

JEREMIA 6:12

Nichi i yhmchi, li hlauchi hawi ajuchi ly ami i kiu y tym ai. Kai ly hini pri i khumichi ai kiu pheu iy pajeng ai.

JEREMIA 6:19

Khaileaung i khumichi awi, tangai u! Hini khumichi ly kai i leu tangai y, kai i parip nai leu py khai u su bo. Hunai deaungkho y kai ly nichi nga ai ataing nai ka-jeira ly nichi i tlang tleaung y katym hai ai.

JEREMIA 7:16

Areng my, “Aw Jeremia, hini khumichi i vui chiu so pi moh. Nichi i vui hnei takeng pi nai py, ahui pi nai py so pi moh. Kai ly nang i leu tangai pi y ai nai deaungkho y, kai teng y takeng moh.

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

JEREMIA 8:5

Kai i khumichi awi, nangchi ly ati mana nai y kai teng i nai amphri vui iy jeu teang y lawh mo? Nangchi ly li-tapawp naira y paleung apei thleng nai deaungkho y, kai teng y ali teang ai nai akhi u bo.

JEREMIA 8:9

Nangchi i khumi kachengchi ly kangji nga u bo. Nichi ly paleung khrukhra naimy deaung y man u bo. Nichi ly kai i leu khai u su bo i, vai nichi ly ati cheng naira awm u jau mo?

Ezekiela 14:9

“Amo ly parawi naira avum iy teng y nai amo leu katheu baly, huni amo ai kai, Areng my parawi nai ne. Kai i kiu pheu naimy ni ai tiu iy Israela cheng theung i nai patheu vui ai.

Ezekiela 25:7

Ati mana nai mo na baly kai i kiu pheu iy nangchi ai tiu ai nai khumi takhrachi i kiu y kaimy pei ai. Kai ly nangchi ai tamyh pyn ai nai pa-rei kasa ai i, nangchi ly nangmychi i saleaung y awm ai nai nga u ai ny y. Khumi cheng harei kamta py angdo u pajau ai ny y. Huna nai khala kai ly Areng ne, nanai nangchi pany u ai,” napi.

Ezekiela 35:3

Khumichi teng y sa thai naira angym nai kai, Areng my ati mana leu pei mo, nanai thui pi. “Edom mawichi awi, kai ly nang i paleung ka-e ne he! Kai i kiu pheu iy kai ly nang ai, khumi angso savai tlang nai daichi daireang lawm hai ai.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

HOSEA 4:16

Israela khumichi ly kry rai nai si nu tanglo kamta, paleung tang u cheng lawh. Kai ly nichi ai beram chochi kamta, sui tlai naira y mana kry pajau ai mo?

ZEPHANIAH 1:4

“Kai ly Jerusalem mary hawi Juda pri y awm nai khumi bawibawichi ai katamyh ai. Huni meingtym y Bala tameuh ai chiu nai sai kataphra be ai i, amimi py huni tameuh teng y kalop sa nai pathyp pi nai keungchi ai pany jo ai ny y.

ZEKHARIAH 7:11

“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.