JEREMIA 15:4 - Khumi Common Language Bible

⁴ Juda pri y Hezakia i chapo samrang Manase my peang nai thym khala, Jerusalem mary y atitichi sa nai molam y, kai ly khaileaung pri verei i khumi bawibawichi my hunichi niu khala ly kaso theu hai ai.”

JEREMIA 15:4 Iomraidhean Croise

2 ARENG KEH 21:1

Manase ly Juda pri y samrang lyn nai neng khala, saneng holai nyhrei awm; ni ly Jerusalem mary y saneng 55rei peang bo. Ni i amhm ly Hepziba ne.

2 ARENG KEH 21:15

Kai i khumichi ly nichi i amsi pajochi Aikupta pri i nai theu u nai neng khala i dengdai vaini khrairei, kai i tlang tleaung y kamngo sa iy kado patheu u nai deaungkho y, nichi ai kaimy pajeng ai,” napi.

2 ARENG KEH 21:2

Manase ly kanan pri y Israela chengchi kun nai thym khala, Areng my patheu nai khumichi i amso ngai nai reitachi teaung iy, Areng i tlang tleaung y kamngo sa nai ne.

2 NENG SATANG 33:1

Manase ly Judachi i samrang lawm nai khala y saneng holai nyhrei awm; ni ly Jerusalem mary y saneng 55 rei peang nai ne.

2 NENG SATANG 33:2

Areng my mymy i khumichi hini pri y kun nai thym khala, patheu pi pawn nai khumichi i reita tanynchi mang y Manase ly abang iy, mymy i tlang tleaung y kamngo sa bo.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 34:17

Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

JEREMIA 9:16

Kai ly nichi hawi nichi i amsi pajochi malawn py thai vai y nai khumi chengchi theung y, nichi ai ahei hai ai. Hunaibaly nichi phra be ai nai pa-rei tiu ai nai tavaimichi kapato ai,” napi.

TANGAM NAI LEU 1:8

Ni i tahm awm nai ly tama vui bo; ni ly tlang ka-keu hawi amso ngailai nai lawm bo. Ni ly tangam i, kaji nai deaungkho y, my i meimai tamym bo. Jerusalem mary ly hawi y keh nai kamngo sa nai deaungkho y, mymy ai mymy naimy chai hai y nai ne.

Ezekiela 18:19

“Na i py nangchi my, ‘Ati mana nai y huni chapo ly ampo i sa nai kamngochi molam y pajeng naira avum y lawh mo?,’ nanai deng u. Pathang nai ly huni chapo ly kateng, kahawi sa nai khumi ne. Ni ly kai i Reitachi sa patawm iy hawihai palai tangai bo. Hunai deaungkho y ni ly heng takengkei ai.

Ezekiela 23:46

Sa thai naira angym nai Areng my, “Nini i tlang tleaung y jei hyn nai hawi lawm ai nai khrukhra nai khumi kanghuchi ai palau.

Levi 26:33

Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.