JEREMIA 14:7 - Khumi Common Language Bible

⁷ Kai i khumichi my kai teng y, ‘Kaichi ly kaimychi i kamngo my thui tamawn teu i py, aw Areng, kaichi ai nangmy i amyn y sabawm kyh ba. Kaichi ly nang ai avaw avawrei, nithun kathun u bo. Nang i tlang tleaung y kamngo kasa u lawh bo,’ nanai aeu u.

JEREMIA 14:7 Iomraidhean Croise

EZARA 9:15

Aw Israela chengchi i Areng Tameuh, nang ly leu meitang teaung nai keung ne. Na i py nang ly kaichi ai heng ai nai pei bo. Kaichi ly kaimychi i kamngo nai y ahui u bo. Hini kamngo nai deaungkho y nang i mo y jeu vam ai nai leaungrei py by y,” nanai takeng nai ne.

SAM 115:1

Aw Areng, nang i khaw parai nai tamen naira hawi ka-ym awm nai molam y, nang teng y naini nang parai naira awm khyh; kaichi teng y nang parai naira by y.

SAM 25:11

Aw Areng, kai i kamngochi ly nawi parai. Hunai deaungkho y nangmy i adeu nai khaw hai iy, kai i kamngochi pahen pi kyh ba.

SAM 79:9

Aw Tameuh, kaichi ai sabawm ly atleu kyh ba; nang i amyn saho y kaichi ai atleu iy, kaichi i kamngochi py pahen pi kyh ba.

ISAIA 48:11

Kai ly ati mo sa i py, kaimy i tahm anem y ai nai sa. Kaimy i amyn phra ai nai kasa ai ny y. Kaimy leaungrei naini nga ai ataing nai nang parai nai py, takhra amimi ai py nga hai ai ny y,” napi.

ISAIA 59:12

“Aw Areng, nang i tlang tleaung y kaichi i sa tamang nai kamngochi ly nawi parai nai ne. Huni kamngochi my kaichi ai neng hai nai deaungkho y, kaichi ly kaimychi i kamngochi hawihai palai apany u bo.

JEREMIA 10:19

Jerusalem mary i khumichi my, “Kaichi ly khri pa-rei patang naira avum u bo! Kaichi i tamo kalemchi ly hawi lei ai ny y. Na i py patang naira ly kham pajau ai, nanai kaichi kadawn u lawh!

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 5:25

Nangchi i sa tamang nai hawi kamngochi my ly amtheaung nairachi paka vui iy, nangchi teng i nai amphri hai veng bo.

JEREMIA 5:6

Huna nai deaungkho y daichi mang i khrangsichi ly nichi ai kei u ai. Khutaha daichi ka-vym i kasuichi ly nichi ai keileu keileu ai. Takai kheangchi py nichi i marychi sahawi y o iy, mary angam mang y theu nai khumi ngiereichi ai keileu keileu pawn ai. Ati mana nai mo nabaly huni khumichi ly kamngo nawi nai khyh chang y i, Tameuh ai avaw avawrei nithun thun u nai deaungkho y ne.

JEREMIA 8:14

Tameuh i khumichi my, “Achi ly ati mana nai y ateh u tliu lawh mo? Jeu u ly amtangra marychi mang y angpreng iy, achi dei u sina. Achi i Areng Tameuh ly achi ai dei hai bo. Achi ly mymy i tlang tleaung y kamngo sa nai deaungkho y, mymy ly achi nei ai nai dei asi abawi nai tui panei bo.

JEREMIA 8:5

Kai i khumichi awi, nangchi ly ati mana nai y kai teng i nai amphri vui iy jeu teang y lawh mo? Nangchi ly li-tapawp naira y paleung apei thleng nai deaungkho y, kai teng y ali teang ai nai akhi u bo.

Ezekiela 20:14

Na i py huna nai tamyh pawn lawh baly, pri cheaungkhangchi i mo y kai i amyn phra ai. Ati mana nai mo na baly nichi ai Aikupta pri i dengdairei kaimy pahawi nai ly khumi cheng cheaungkhangchi my niu nai deaungkho y ne.

Ezekiela 20:22

Na i py avum hai y; huna nai avum hai lawh baly Israela chengchi ai Aikupta pri i dengdairei kapahawi nai ai niu nai khumichi i mo y, kai i amyn phra ai nai deaungkho y ne.

Ezekiela 20:9

Na i py kai i amyn y nichi hawi vanrei awm u nai prichi teng y tahm anem y ai nai, huna nai kaso pi vai y. Ati mana nai mo na baly Israela chengchi ai Aikupta pri i dengdairei kapahawi ai nanai, nichi hawi vanrei awm u nai cheng takhrachi i mo y, kai ly adeu pi nai deaungkho y ne.

HOSEA 5:5

Israela khumichi i paleung len amlyh nai sai ly mychi i vui pany hai ai. Nichi ly mychi i kamngo molam y atlym u nai ne. Juda khumichi py, nichi hawi vanrei atlym u bo.

HOSEA 7:10

Israela khumichi i paleung len amlyh am-e nai ly nichi phra ai nai ka-ma-ra ne. Nichi ly hina nai leaungsaichi hawi avum teu i py, nichi i Tameuh kai, Areng teng y vawi u y.

AMOS 7:2

Huni akhutamachi ly pri verei i sai kangpho ngiereichi cha pawn nai kaniu. Naibaly kaimy, “Aw sa thai naira angym nai Areng, nang i khumichi i kamngo pahen pi kyh ba! Nichi ly mana heng ai mo? Nichi ly atho di parai na a!” kana pi.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

EPHESI 1:12

Krista ai athang khai manme chum naichi ly mymy i nang parai nai sai palo ai naira lawn ai nai, Krista kypkyp y ly kaichi ai mymy i yhmtheaung lawn ai nai ang sa nai ne.

EPHESI 1:6

Huni pahenra ly Ngai Parai Nai y jawm my ang pei;

Leu Thui Nai 32:27

Na i py nichi i paleung ka-echi ly mymychi i haiho saho y kai i khumichi ai eaung nai ne, nanai amlyh am-e ai nai kapei ai ny y.’

JOSUA 7:9

Kanan cheng dengdairei, hini pri y awm nai khumi bawibawichi ly huni satang thai u i, kaichi ai katanmeuh iy leaungrei py tleaung y na pa-rei ang tleh u ai. Huna nai khala, nang i nang parai nai sai khumichi my tahm panem y ai nai mana sa ai mo?” napi.