JEREMIA 14:2 - Khumi Common Language Bible

² “Juda pri ly vo tangam naimy awm; Juda marychi ly paha naimy awm bo. Huni mary i khumichi ly paleung mawn nai deaungkho y, khaileaung y jawn u na bo. Jerusalem mary ly aeu iy kasabawmra hnei u bo.

JEREMIA 14:2 Iomraidhean Croise

JOBA 34:28

Huni khumichi i pahyp y naimy ana naira avum nai, khumi kamawnchi ly Tameuh teng i kasabawmra hnei ai nai aeu u nai khala, mymy ly nichi i aeu nai raawi thai.

SAM 144:14

Kaichi i sichi py kapawm ju nai hawi, dei tama naichi by y naimy neangneang peung sy. Kaichi i lam ly patang naira avum nai khumichi i vo tangam nai raawichi awm moh sy.

THEU NAI 2:24

Tameuh my Abraham, Isaka, Jakob hawi Leu Maikawm sa nai ly pany pi bo.

ISAIA 15:5

Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

ISAIA 24:11

Khumichi ly lamchira y angdo iy, kreip hang kadaeung nai aeu u bo. Amotheu nairachi ly deungtasarei tama veng bo. Huni ai pri theung i dengdairei, paryh u pawn veng bo.

ISAIA 24:4

Khaileaung ly jeng rawm naimy awm bo. Tahm pasang naira avum nai khaileaung pri i khumi bawibawichi ly atho bai u bo. Kani khusang py khaileaung hawi vanrei rawp nai ne.

ISAIA 24:7

Kreip keungchi ly jeirui nai deaungkho y, kreip hang takang nai ne. Vaichi khala y khesere naimy awm u nai khumi bawibawichi ly vai ly paleung atho di naimy awm u bo.

ISAIA 3:26

Mary apai katheuchi ly vo tangam naimy, mary pui py tlang ka-keu naimy, khaileaung y ateh nai neampachychi hawi atawm ai.

ISAIA 33:9

Huni pri py jengha iy khumi angso savaitlang veng bo. Lebanon daichi py aurui na veng bo. Khaileaung khuta hawi nai Sharon leaunghawi py, tui by y nai daichi ka-vym kamta lawm iy, Basen mawi hawi Karamela mawi y awm nai dengkeaung keungchi ly ngam vui be veng bo.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 12:11

Nichi ly huni pri y khumeung khuram lawm hai bo. Huni pri ly kai i mo y khumi angso savai tlang naimy awm bo. Pri verei khai su nai avum iy, ami my py dawndan y bo.

JEREMIA 12:4

Kaichi i pri ly jengha nai mana tanrei kra iy, li hlauchira i achachi py, mana tanrei kakra ngamchi ajawi ai mo? ‘Kaichi i sa nai ly Tameuh my niu y leang,’ nanai thui u nai hini pri khumichi i hawi y nai molam y, tavochi hawi daichi mawichi dei nai ne.

JEREMIA 18:22

Nichi i yhm hlauchi ai lawm ai nai khrukhra hai nai khumi kanghuchi ai pato miu ba. Nichi ly jei hyn u naimy aeu u na sy. Nichi ly kai tla ai nai hum angawm tai u bo. Kai i vui deaung py pateung u bo.

JEREMIA 4:28

Khaileaung ly vo tangam ai; kani khusang ly veng pam na bo. Areng my leu pei chum baly mymy paleung ly takhra lawh ai ny y. Paleung y dawn pasym chum baly mymy ly palai teang ai ny y.

JEREMIA 46:12

Khumi cheng cheaungkhangchi ly nangchi i kangji nga nai thai u veng bo. Nangchi i vo nai raawi khumi lutengchi my thai u nai ne. Tavaimi risa ly leaung leaungrei adeng nai deaungkho y, leaung nyhrei khaileaung y atlym hawi mei bo.

JEREMIA 8:21

Kai i chengchi ly tamyh naira avum u nai deaungkho y, kai i paleung ly phra piu veng bo. Kai ly vo tangam naimy khri pa-rei phailo seaung na bo.

TANGAM NAI LEU 2:8

Areng ly Zion mary apaichi panawi vui ai nai dawn yb nai deaungkho y, hunichi phra takengkei pawn ai nai siju hawi pata. Vai ly lengseaung yhm ka-sangchi hawi mary apaichi ly phra seaungkhrang mei bo.

TANGAM NAI LEU 2:9

Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

TANGAM NAI LEU 5:10

Kajeu kanglam pavam nai deaungkho y keaung no hai i, kaichi i ngan tlang ly tako paawp nai mai kabi kamta bi na bo.

HOSEA 4:3

Hunai deaungkho y hini pri ly jengha ai i, heng nai amjy cheaungkhangchi dei u be ai. Amso tawnbawichi, tavochi hawi, pangli theung y awm nai ngochi malawn py dei u ai,” napi.

JOELA 1:10

Khaileaung y ly amti amjang by y bo; ati mana nai mo nabaly chohpui chomaw phra iy, kreip athaichi jei pawn nai y, olive keungchi deirawm veng bo. Naibaly khaileaung ly vo tangam nai ne.

JOELA 1:11

Nangchi li, hlau sa naichi awi, paleung si tangam u; ati mana nai mo nabaly chohpui chomaw, chajai hawi amti amjang bawibawichi phra be veng bo. Naibaly nangchi kreip akho yhmkeungchi awi, vo tangam u.

JOELA 1:14

Biu hai ai nai leu pei nai ahei hai ly mipui achu nai pawi harei so u! Nangchi i Areng Tameuh i Achura yhm y Juda mipuichi hawi lu sa naichi ai angym hai chum baly, mymy teng y vo naimy aeu u.

JOELA 2:6

Nichi tym nai khala y khumi bawibawichi ly jei naimy kaso theu u. Khumi lutengchi i meimai y thi by y na bo.

HAKAI 1:11

Kai ly hini pri y jengrawm hai bo. Hini pri i mawi aheungchi, li hlauchi, kreip akhochi hawi olive akhochira y py, khaileaung i theu nai amti amjang ngiereichira y py, khumi hawi tawnbawichi ai py, nangchi i atho sa naimy pati nai amti amjangchira y py, kani khang hai bo,” napi.

ZEKHARIAH 7:13

Nichi ly kai i leu pei nai tangai u y nai deaungkho y, ati cheaungkhang sa thai nai Areng ly nichi i chiu sa nai raawi tangai pi y.

1 SAMUELA 5:12

Dei y nai khumi malawn py, uisalu man nai deaungkho y, khumichi ly sabawm naira nga thai ai nai, tameuhchi teng y hnei takeng u bo.

1 SAMUELA 9:16

“Khawndam hini neng y Benjamin cheng theaung theung i khumi leaungrei ai, nang teng y kang pato ai; huni khumi ai Israela chengchi i samrang y khai takhra ba; ni ly kai i khumichi ai Philistia chengchi my ana naira i nai ama hai ai; kai ly kaimy i khumichi ngari patang nai kaniu bo; nichi ai sabawm ai nai palau nai raawi py kathai bo,” napi.