JEREMIA 14:12 - Khumi Common Language Bible

¹² Nichi ly biu hai naimy kasabawmra hnei takeng teu i malawn py, kai ly khumichi i aeu nai raawi katangai pi ai ny y. Nichi ly kai teng y leng patlum nai kapathypra hawi katalamrachi talam i py, kai ly kawn pi ai ny y. Huna nai kakawn pi ai nai tleaung y ly tavai keung y dei hai ai. Takang theu hai iy no kanghawi y dei hai asi,” napi.

JEREMIA 14:12 Iomraidhean Croise

JOBA 27:9

Nichi patang nai neng khala, vo hang nai raawi ly Tameuh my thai pi na a?

LEU KACHENG 1:28

Huna nai khala nangchi ly kai ai palau u ai. Na i py kai ly kang pathang pi ai ny y. Nangchi ly kai ai meingtym tleirei y, hau teu i py niu ai ny y.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

LEU KACHENG 28:9

Reita leu pei naichi ai tangai y nai khumi i chiu sa nai ly Tameuh my paso ai.

ISAIA 58:3

Huni khumichi my, “Areng ly achi ai mana khala py niu y lawh baly, achi ly ati mana nai y biu hai u ai bo? Mymy ly achi i tahm apanem nai ai pany pi y lawh baly, ati mana nai achi ly biu hai patang atyhtyh ai mo?,” napi. Areng my nichi teng y, “Meitang khyp nangchi ly biu hai nai thym khala, amy i vui kamran hau iy, nangmychi i vui kalop sa nai khumichi ai ana u bo.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 11:14

Jeremia awi, huni khumichi i vui hawi nichi i jeng y takeng pi moh; ahui py ahui pi moh; chiu py so pi moh. Nichi patang naira avum nai khala, sabawm ai nai kai teng y aeu u teu i py, kai ly katangai pi ai ny y,” napi.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 16:4

Nichi ly jei ai hawi nai kanghawi avum iy dei u ai. Ami py nichi i vui vo tangam u ai ny y. Nichi i veuchi py up ai ny y. Huni veuchi ly khaileaung salo y si ei pakheng mang nai kamta awm ai. Nichi ly tavai keung y dei u ai; ti y i py tahum takangra y dei u iy nichi i veuchi ly tavochi hawi daichi mawi kasichi i teicha lawm ai.

JEREMIA 21:6

Hini mary y awm nai khumi bawibawichi ai katamyh vui ai. Khumi hawi tawnbawichi ly ka-jei awm nai no-na y dei u ai.

JEREMIA 24:10

Nichi hawi nichi i amsi pajochi teng y pei nai pri y leaungrei ai py kangheng tleaung y pa-rei, kai ly nichi ai tavai takai ka-jeira py, tahum takang hawi no kanghawi py katym hai ai,” napi.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

JEREMIA 8:13

“Li hlau sa nai khumi ly my i amti amjangchi pakym achu nai kamta, kai Areng ly kaimy i khumichi ai pakym achu ai nai ngai. Na i py nichi ly ngamchi ajawi iy athai by y nai kreip keungchi, athai y nai thaidu keungchi hawi atawm nai ne. Hunai deaungkho y kaimy kang pei nai pri ly cheng takhrachi kiu y tym hai veng bo.

JEREMIA 9:16

Kai ly nichi hawi nichi i amsi pajochi malawn py thai vai y nai khumi chengchi theung y, nichi ai ahei hai ai. Hunaibaly nichi phra be ai nai pa-rei tiu ai nai tavaimichi kapato ai,” napi.

Ezekiela 14:19

“Kai ly huni pri y no kanghawi tym hai iy kado theu naira my khumi neangneangchi hawi, tawnbawi neangneangchi ai dei hai baly,

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 8:18

Nichi ly dengkeaung changpi ai notareangra y bi naimy kai ai mei aniu y nai sa nai ly khen cham; nichi ly kai i khri pa-rei kado theu naira angym pa-rei avum u ai. Kai ly nichi ai kangheng patleaung ai ny y; mana mo i py kapahen ai ny y. Nichi ly kai teng y tao pajeng parai naimy aeu iy chiu sa u teu i py, kai ly kapathang pi ai ny y,” napi.

HOSEA 5:6

Mychi i beramchi hawi sichi ai Areng teng y apathyp ai nai syn u teu i py, atyhtyh teu. Mymy ly nichi ai khai su veng bo i, nichi ly mymy ai niu pajau u y leang bo.

AMOS 5:21

Areng my, “Nangchi i reita pawichi ai kaniu ngai y. Huni pawichi ai khrikhri pa-rei kapaso.

MIKHA 3:4

Nangchi ly Areng teng y vo naimy hnei takeng nai neng tym ai. Na i py mymy ly nangchi ai pathang pi ai ny y. Nangchi ly hawi y naira sa nai deaungkho y, mymy ly nangchi i hnei takeng nai raawi tangai pi ai ny y.

ZEKHARIAH 7:13

Nichi ly kai i leu pei nai tangai u y nai deaungkho y, ati cheaungkhang sa thai nai Areng ly nichi i chiu sa nai raawi tangai pi y.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

MALAKHI 2:13

Nangchi i sa nai takhra harei awm rai; nangchi ly nangmychi syn nai katalamrachi ai Areng my kawn pi y nai deaungkho y, vo tangam naimy mymy i maicham ai meikatuira y anum hai bo.

AMTENG HAI NAI 6:8

Hunaibaly kai ly khen i, khen cham, keaungngo ka-mang harei awm:huni tleaung y atang nai keung i amyn ly Dei Naira ne: naibaly Tavau Kho ly ni teng y abang bo. Naibaly nini ly haisau hawi, takang theu hai nai hawi, kanghawi kanglai tym hai nai hawi, khaileaung i mawi kasichi ai py teaung iy, khaileaung phy palyhrei ra y phyrei y padei ai nai leu nga bo.