JEREMIA 13:25 - Khumi Common Language Bible

²⁵ Hini ly nangmychi i khym taham ne ai, nanai Areng my leu pei bo. Nangchi ly mymy ai tami u iy, tameuh ka-chawichi ai ym u lawh nai deaungkho y, mymy ly nangchi i tlang tleaung y, hina nai kamta tym hai nai ne.

JEREMIA 13:25 Iomraidhean Croise

JOBA 20:29

Huni ly khumi hawi y naichi i khym taham ne. Huni ly nichi i vui Tameuh my, khai pi yb nai khym taham ne.

SAM 11:6

Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.

SAM 9:17

Tameuh ai khai su nai khumi bawibawichi hawi, khumi hawi y nai bawibawichi ly dei naira y lam tem u ai.

ISAIA 17:4

Areng my, “Israela pri i phum-ang haiho jum ai nai neng kani tym ai. Huni pri ly nang chawn naira i nai kamawn ang vum ai.

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 34:17

Huni heng nai amjy cheaungkhangchi ai khaileaung salo y khu ka-peang phy paji pi nai keung ly Areng ne. Nichi ly cheng vuijeungrei huni khu ka-peangchira y awm u ai. Hunichi ai py peang jojo ai nai nga u ai.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

JEREMIA 10:14

Hini atitichi ai niu nai deaungkho y khumichi ly mynkym vui iy, khumi ka-khumchi lawm u bo. Kheupaja ngan thip kawp nai bawibawichi ly mychi sa nai tameuhchi ly tameuh tatang ny y nai deaungkho y kaji u bo. Ati mana nai mo nabaly mynchi ly hengra by y nai deaungkho y ne.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

JEREMIA 3:21

Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

Ezekiela 23:35

Sa thai naira angym nai Areng my leu pei nai ly “Nang ly kai ai tami vui iy nithun thun naimy kamleaung paleung hawi bima kalop sa nai molam y, nang ly patang naira avum ai,” napi.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

ZEPHANIAH 3:2

Huni mary ly Areng i leu pei nai tangai y. Mymy i thui pi nai reita patawm y. Mymy ai ym y. Areng teng i kasabawmra py hnei y.

MATTHAI 24:51

khri pa-rei chip ajiu piu iy, tapawp nai khumichi i nga ai avo nai kamta nga hai ai; hu y ly vo py vo ai, ho py akachai ai.

ROM AVANGCHI TENG Y PAWLA I CHA PA NAI 1:25

nichi ly Tameuh i leu meitang ai ly ka-chawi hawi katheung iy, Sa Nai Keung ai chiu nai tleaung y ly mymy i sa nai ai chiu iy huni i kalop sa u lawh. Sa Nai Keung ai ly deungtasarei palo nai ne. Amen.