JEREMIA 13:21 - Khumi Common Language Bible

²¹ Nangmychi i ahawi ka-dawichi ne, nanai khumichi my ly nangchi ai tiu iy ang peang ai nai Areng my ka-vo sa lawh baly, nangchi ati mana thui u ai mo? Nangchi ly deaungdi tapen nai neampachy kamta, no patang u ai.

JEREMIA 13:21 Iomraidhean Croise

2 ARENG KEH 16:7

Samrang Ahaz ly Asuria empara samrang Tiklath Pilesa teng y, “Kai ly nang i ka-ym awm nai miseaung ne. Kaichi ai tiu nai Suria samrang hawi Israela samrang teng i nai atleu pi kyh ba,” nanai cha tajiu iy savaichi pato.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 13:8

Nichi bawibawi malawn py jei hyn naimy deaungdi tapen nai neampachy kamta, khri pa-rei patang naira avum u ai. Nichi ly leaung leaungrei ka-jei paleung hawimy akhen u leungtang ai. Nichi i meimai py kangji thi amteng naimy awm u ai.

ISAIA 21:3

Paleung mei y niu nai, thai naichi deaungkho y kai ly deaungdi tapen nai neampachy kamta athengra iy, patang naira avum nai ne.

JEREMIA 2:25

Aw Israela, tameuh takhrachi mang y abang lawh nai deaungkho y, nang i kheura i phainai asu vui moh sy. Nang i dangkang ai py phuiha hai moh sy. Na i py nangmy, ‘Kai ly cheng takhra khumichi i tameuhchi ai khrei iy nichi nithun mang y abang ai,’ nanai thui bo.

JEREMIA 22:23

Nangchi ly Lebanon mawi i syn nai saitleang keungchi sala y chymme naimy awm u ai. Na i py deaungdi tapen ai achai nai neampachy kamta, no patang naira avum nai khala, nangchi ai ly khri pa-rei pahen ai nai hawi ai.

JEREMIA 30:6

Adeng ahui iy adawn pasym u! Neampacho ly deaungdi tapen thai a? Huna lawh teu baly, neampacho nai iy deaungdi tapen nai kamtang avum nai neampachy kamta, ati mana nai y mychi i kajeu y kiu hawi panem nai kaniu lawh mo? Khumi luteng ly ati mana nai y, meimai kadaupa lawh mo?

JEREMIA 38:22

Juda samrang i yhm y awm rai nai neampachy ngiereichi ai, Babulon samrang i bangtangchi teng y hawi u vui ai. Nichi ly hina nai theu u nai thym khala, ‘Samrang i ahawi hawi keh naichi ly ni ai li-tapawp iy, ni i tlang tleaung y peang rau bo. Vai ly samrang i kheuchi ly aneaung kapan theung y a-up vui bo i, huni ahawi kahawichi ly ni ai khai u su bo,’ nanai thui u ai,” napi.

JEREMIA 4:30

Aw Jerusalem mary, nang ly taham si! Nang ly ati mana nai ateaung kamsen jeaung amthyp lawh mo? Ati mana nai y vang kateng lengseaungchi amthyp iy, nang i meichi ai an pathym lawh mo? Nang ly nangmy ai atyhtyh naimy ka-pu sa lawh ly! Nang i tavawichi my nang ai ang khai su veng bo. Nichi ly nang ai padei ai nai ngai u nai ne.

JEREMIA 4:31

Deaungdi tapen ai achai nai neampachy i raawi, chanau chalu tapen nai neampachy i hang nai raawi ka-tawm katyn thai nai ne. Huni raawi ly akawm iy ahyn thlyhthlyh nai Jerusalem mary i katyn ne. Ni my, “Kai ly taham si! Nichi ly kai ai tleh ai nai jeu u dudu bo!

JEREMIA 48:41

Marychi hawi amtangrachi ai ly peang vui ai. Huni kani y Moba tavaimichi ly deaungdi tapen ai nai achai nai neampachy kamta, jei hyn u ai.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 6:24

Jerusalem mary i khumichi my, “Hini satang kaichi thai nai khala y, kaichi i kiubanchi ly tla thlawi veng bo. Kaichi ly deaungdi tapen ai nai achai nai neampachy kamta, khri pa-rei no patang u bo.

Ezekiela 28:9

Nang ai padei ai nai khumichi i mo y, nang ly tameuh ne, nanai angam veangveang ai rai a? Nang ai padei ai nai khumichi ang jeu nai khala, nang ly tameuh ny y bo i, khumicho naini lawm ai bo.

MATTHAI 24:8

Hunichi bawibawi ly patang angchei nai ne.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.