JEREMIA 13:14 - Khumi Common Language Bible

¹⁴ Naibaly kai ly chy-ychi tengtawi adeng hai iy kawi nai kamta, nichi ai katheang kalen takhawi y naimy kataphra ai. Mani pahen naira, tamen naira hawi neaung hawi naira my ly nichi ai padei ai nai molam y kai ai paka pajau ai ny y,” napi.

JEREMIA 13:14 Iomraidhean Croise

2 NENG SATANG 20:23

Ammon tavaimichi hawi Moba tavaimichi ly Edom tavaimichi ai tiu nai pajau u chum baly, mychi tengtawi atiu nai atamyh u na.

JOBA 27:22

Nichi preang veng ai nai atho sa nai thym y huni ali ly nichi i tlang tleaung y pahyp y naimy aho ai.

SAM 2:9

Nang ly khumi cheng cheaungkhangchi ai tamo cheaungvawi hawi peang ai; nichi ai alai laawm pakhawi nai kamta kawi hai phro ai, nanai leu ang pei,” napi.

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

JEREMIA 15:5

Areng my, “Jerusalem mary i khumichi awi, nangchi ai ami my ang pahen ai mo? Nangchi i vui ami my paleung si ai mo? Ami nai ly lam y angdo iy, nangchi i noso satang ang deng u ai mo?

JEREMIA 15:6

Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 16:5

Areng my, “Nang ly vo tangam nai yhm y kun moh. Ami i vui py paleung si hai moh, pahen moh. Vai ly nichi ai tlamsa naira kapei ai ny y. Tamen nai pahen nai py patei ai ny y.

JEREMIA 21:7

Tavai takai, tahum takang hawi no kanghawi y dei bawi y nai Juda samrang Zedekiah, ni i bangtangchi hawi khumichi ly mychi ai padei ai ngai nai paleung ka-echi hawi Nebukhadnezar i kiu y patiu hai ai. Nebukhadnezar my py nichi ai padei hai ai. Ami ai py kangheng khai ai ny y, ami ai py pahen pi ai ny y. Hini ly kai, Areng i thui nai leu ne,” napi.

JEREMIA 25:16

Huni kado theu naira hang nei u nai khala y, nichi ly kaimy pato nai tavai ka-jeira deaungkho y pavui u ai i, tliu charum charei u ai,” napi.

JEREMIA 47:3

Nichi ly keaungngo muiken katynchi hawi keaungngo ka-ri amli nai katynchi thai u ai. Ampochi ly mychi i cho chanauchi ai khen ali y. Nichi i kiuchi py atho kheih i, tla thlawi pawn ai.

JEREMIA 48:12

“Hunai deaungkho y Moba pri ai kreip hang kamta lai vui nai khumichi ai, kaimy pato nai neng ang tym ai. Nichi ly huni pri i kreip hang chy-ychi lai vui iy, dei lawm na pa-rei pakhau piu ai.

JEREMIA 6:21

Hunai deaungkho y kai ly huni khumichi i mo y khangmui ka-cheungchi khai pi nai y pathuikhe iy, avah hai mawp ai. Amhm ampo hawi cho chanauchi py, ahawichi hawi yhm deaungpachi py dei u ai,” napi.

TANGAM NAI LEU 2:21

Miteaung deaungdichi ly lam y atlym iy dei u. Thawndeang anglochi ly paleung ka-echi i haisau tamo y dei u. Nang ly kado theu nai kani y pahen y naimy, nichi ai tleh chauchau bo.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

Ezekiela 7:3

Aw Israela pri awi, nang i phra ai nai neng tym bo. Nang i sa naichi molam y kai ly nang ai tara kang chih bo i, nang ly kai i kado theu naira avum ai. Nangmy i sa nai amso ngai naichi vawilai ly nang ai vawitheung kang tha ai.

Ezekiela 7:4

Kai ly nang ai kangheng kang patleaung ai ny y. Mana mo i py kang pahen ai ny y. Nangmy i sa nai amso ngai nairachi molam y kai ly nang ai kang pajeng ai. Huna khala naini kai ly Areng ne, nanai nang pany ai,” napi.

Ezekiela 7:9

Kai ly nang ai kangheng kang patleaung ai ny y, mana mo i py kang pahen ai ny y. Nangmy i sa nai amso ngai nairachi molam y, kai ly nang ai kang pajeng ai. Huna khala naini kai ly Areng ne, nanai py, nang ai pajeng nai keung ly kai ne, nanai py nang ly pany ai,” nanai ne.

Ezekiela 8:18

Nichi ly dengkeaung changpi ai notareangra y bi naimy kai ai mei aniu y nai sa nai ly khen cham; nichi ly kai i khri pa-rei kado theu naira angym pa-rei avum u ai. Kai ly nichi ai kangheng patleaung ai ny y; mana mo i py kapahen ai ny y. Nichi ly kai teng y tao pajeng parai naimy aeu iy chiu sa u teu i py, kai ly kapathang pi ai ny y,” napi.

Ezekiela 9:10

Na i py kai ly nichi ai kapahen ai ny y, kangheng patleaung ai ny y. Huni khumichi my khumi takhra ai sa nai kamta nichi ai kaimy kasa ai,” napi.

Ezekiela 9:5

Naibaly Tameuh my takhra khumichi teng y, “Huni khumi nithun abang iy mary verei y tleh u; ami ai py kangheng khai moh, ami ai py pahen moh.

HOSEA 2:4

Ni i cho chanauchi ly bima nu i cho chanauchi lawm nai deaungkho y, kai ly nichi ai pahen ai ny y. Nichi i amhm ly ka-ym by y iy, kangji by y naimy tapen bo. Mymy naimy, “Kai ai cha ai nai teicha teinei, beram mui, kalang hawi olive asitui, kreip hangchi pei nai tavawichi nithun kai abang ai,” nanai thui.

ZEKHARIAH 11:6

(Areng my, “Kai ly khaileaung salo y awm nai khumi amimi ai py, kapahen y leang bo. Kaimy khypkhyp my, khumi bawibawichi ai, mychi i samrangchi kiu y kaau ai. Huni samrangchi ly khaileaung pri ai taphra i py, kai ly atleu ai ny y,” napi.)

MATTHAI 10:21

Naibaly padei hai ai nai amjo amnau tengtawi apatiu hai i, ampo py chanau ai patiu hai teang ai; chanauchi py mychi i amhm ampo ai tiu ai i, padei hai teang ai.

MARKA 13:12

Naibaly padei hai ai nai amjo amnau tengtawi apatiu hai ai i, ampo py chanau ai patiu hai teang ai: chanauchi py amhm ampo ai tiu ai i, padei hai teang ai.

Leu Thui Nai 29:20

Areng ly huna nai sa nai khumi ai kamngo pahen ai ny y. Areng ly huni khumi ai khri pa-rei kado theu hai nai deaungkho y, ni ly hini cha-iu theung y tajiu nai ka-jeira bawibawi avum hai iy phra hai ai.

1 SAMUELA 14:16

Benjamin khu ka-peang Kibeah mary y awm nai Sawla i tamcheaung typ nai khumichi ly Philistia chengchi ahei khrikhra naimy preang nai niu u.