JEREMIA 12:3 - Khumi Common Language Bible

³ Na i py aw Areng, nang ly kai i satang pany; kai i sa nai saichi py niu, nang ai mana tanrei kang tamen mo, nanai py nang pany. Huna nai hawi y nai khumichi ai tleh ai nai beramchi kamta, patheu jo bo. Padei nai neng tym y ryrei ly nichi ai khen patawm bo.

JEREMIA 12:3 Iomraidhean Croise

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

JOBA 23:10

Na i py Tameuh ly kai i kheukanchi niu nai ne. Mymy ly kai ai cham lawh baly, kai teng y kamngo by y, nanai pany ai.

SAM 11:5

Mymy ly khumi kahawi ai py, khumi hawi y nai ai py, chih pi nai ne. Leu meitang teaung y naimy sa nai khumichi ai pipi niu ngai y.

SAM 139:23

Aw Tameuh, kai ai cham iy, kai i paleung ai pany ba; kai ai cham ly kai i dawn naichi ai pany ba.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 26:1

Aw Areng, kai ly kateng sa iy nang ai paleung hawi verei ym nai khumi ne. Hunai deaungkho y kai teng y kamngo by y, nanai thai hai pi ba.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

JEREMIA 15:15

Huna nai khala kaimy, “Nang ly pany nai ne. Kaichi ai pany jo ly sabawm kyh ba. Kaichi ai pahyp y naimy ana nai khumichi ai, vawitheung tha teang ai nai pei kyh ba. Nichi ly kaichi ai padei ai nai neng tym nai pa-rei, neaung kham pi moh. Kaichi i tlang tleaung y mei aniu y nai ly nang deaungkho y ne, nanai pany pi jo kyh ba.

JEREMIA 17:16

Na i py aw Areng, kai ly beram typ nai keung kalop khai su nai ny y leang. Ngari kamtang tym ai nai kani kadeaung nai py ny y leang, nanai nangmy pany nai ne. Kai i labeaung mang katheu nai leuchi nang pany.

JEREMIA 17:18

Kai ai pahyp y naimy ana naichi ai kangji nga hai iy, kai ai kangjira i nai lawi hai ba. Nichi teng y kaso tahyn theu nai paleung kawi hai ly kai ai ly kaso tahyn theu hai moh ba. Nichi i tlang tleaung y ka-jeira tym hai iy, nichi ai phra hai pawn ba.

JEREMIA 20:12

Na i py ati cheaungkhang sa thai nai keung Areng, nang ly khumichi ai leu meitang naimy chih reng nai keung ne. Nichi i paleung ka-dawnchi pany pi se nai ne. Hunai deaungkho y paleung ka-echi ai nangmy vawitheung tha pi nai ai kai ly niu ai nai ngai. Kai ly kaimy i ka-jo kahm ai nang i kiu y kang au bo.

JEREMIA 48:15

Moba pri hawi marychi ly phra iy nichi i vui vawi patyp nai thawndeang deaungdichi ly tleh naira avum u ai. Kai ly ati cheaungkhang sa thai nai keung, napi nai samrang ne. Huni ly kai i thui nai leu ne.

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

JEREMIA 51:4

Nichi ly tamo nga iy mychi i mary lamchira y dei u ai.

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

JAKOB 5:5

Khaileaung pri y tlamsa naimy awm u iy, pasum u atyhtyh bo, tleh nai kani y ly nangchi i paleung y saw ala nai apacho u bo.

II PETERA 2:12

Na i py hunichi, dawn pasym naira by y nai mawichi kamta patiu ai nai hawi tama hai ai nai tlang y tapen naichi ly ati sai py pany u y naira y thui tamawn iy, mymychi i phra naira y my tama u ai, kamngo vang py nga u takengkei ai;