JEREMIA 12:11 - Khumi Common Language Bible

¹¹ Nichi ly huni pri y khumeung khuram lawm hai bo. Huni pri ly kai i mo y khumi angso savai tlang naimy awm bo. Pri verei khai su nai avum iy, ami my py dawndan y bo.

JEREMIA 12:11 Iomraidhean Croise

Parip nai leu 7:2

Sih tlaiveu keung y chei nai ly cha nai pawira chei nai tleaung y hawi keh; ati mana nai mo nabaly dei naira my achi bawibawi ai ajeng yb jo, nanai heng nai khumichi ly pany jo ai avo nai ne.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

ISAIA 57:1

Khumi kahawichi ly dei u nai ne. Huni khumichi hunai kamta dei nai ly ami py pany u thai y. Ati sai py dawndan u y. Na i py nichi ly dei nai khala y, patang naira by y nai meingtym y tym u nai ne.

JEREMIA 10:22

Tangai u! Satang harei angym bo! Tosyh mang i cheng harei ly khri pa-rei khrukhra naira theu bo. Nichi ly Juda marychi ai khivachi aeungra, khumi angso savai tlang naira lawm hai ai,” napi.

JEREMIA 10:25

Nang ai kado theu hai iy, nang ai chiu y nai chengchi tlang tleaung y nang i kado theu naira leih pi kyh ba. Nichi ly nang i khumichi ai tleh u bo. kaichi ai py tamyh pawn iy, kaichi i pri ai py phra seaungkhrang hai bo.

JEREMIA 14:2

“Juda pri ly vo tangam naimy awm; Juda marychi ly paha naimy awm bo. Huni mary i khumichi ly paleung mawn nai deaungkho y, khaileaung y jawn u na bo. Jerusalem mary ly aeu iy kasabawmra hnei u bo.

JEREMIA 19:8

Kai ly hini mary tlang tleaung y ka-jei awm parai naichi tym hai iy, huni sahawi mang tako nai khumichi ly huni mary i taham si nai niu u panui u ai. Paleung hawi y iy mynkym u ai.

JEREMIA 23:10

Achi i pri ly Areng i tlang tleaung y ka-ym by y nai khumichi hawimy kawi na bo. Nichi ly teng y naichi sa iy, mychi i sa thai naira ai teaung u atyhtyh nai ne. Achi i pri ly Areng i amsawi lawi nai deaungkho y, vo tangam naimy tawnbawichi sui tlai naira py, jengha na veng bo.

JEREMIA 25:11

Hini pri verei ly phra seaungkhrang naimy awm iy, niu nai khumichi jei hyn naira lawm ai. Pri deaungpa i khumi cheng bawibawichi py, saneng vui saryh tym pa-rei Babulon samrang i miseaung y achei u ai.

JEREMIA 4:20

Ka-jeira ly harei bo baly harei tym dudu nai ne. Pri verei py phra seaungkhrang naimy awm bo. Achi i taichi ly tlenrei khyhmy anawi pawn iy taira i kanih jang naichi py aseih piupa veng bo.

JEREMIA 4:27

(Khaileaung bomverei ly daichi ka-vym lawm vui teu i py, phra be ai ny y, nanai Areng my leu pei yb nai ne.)

JEREMIA 4:28

Khaileaung ly vo tangam ai; kani khusang ly veng pam na bo. Areng my leu pei chum baly mymy paleung ly takhra lawh ai ny y. Paleung y dawn pasym chum baly mymy ly palai teang ai ny y.

JEREMIA 6:8

Jerusalem mary i khumichi awi, nangchi ly huni patang naichira i nai amtiura lo u, ti y baly kai ly nangchi ai kang khai su ai. Nangchi i mary ly khumi angso savai tlang iy khutaha meingtym lawm hai ai,” napi.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

JEREMIA 9:9

Hina naichi sa nai molam y kai ly nichi ai pajeng y naimy awm ai a? Huna nai khumi chengchi ai kai ly vawitheung tha y naimy awm ai a? Hini ly kai, Areng i thui nai leu ne,” napi.

JOELA 1:10

Khaileaung y ly amti amjang by y bo; ati mana nai mo nabaly chohpui chomaw phra iy, kreip athaichi jei pawn nai y, olive keungchi deirawm veng bo. Naibaly khaileaung ly vo tangam nai ne.

Levi 26:32

Kai ly nangchi i pri kang taphra pi ai nai deaungkho y, nangchi i pri y peang nai paleung ka-echi malawn py kaso theu u ai.

ZEKHARIAH 7:5

Mymy ly “Mipuichi hawi pathyp pi nai keungchi ly saneng vui saryh ryrei, pa-ngo lo hawi saryh lo theung y biu hai iy, paleung si nai ka-ma-ra patei u nai ly kai ai tahm pasang nai ny y.

MALAKHI 2:2

Nangchi ly kabo kaja, amhi amtlau nai dengdairei, kai ai tahm khai naimy palo u ai nai tla. Kai i leu ai nangchi tangai u y lawh baly kai ly nangchi ai vaineng lawi hai ai. Nangchi i paleung pado nairachi ai py, vaineng lawi hai ai. Meitang khyp, hunichi ly vaimy vaineng lawi u bo. Ati mana nai mo na baly nangchi ly kai i reita leu ai tahm khai u y nai deaungkho y ne.

ROM AVANGCHI TENG Y PAWLA I CHA PA NAI 8:22

Atiti sa naichi bawibawi ly vai khrairei tangam nai hawi no patang nai awm bawibawi, nanai ly achi my pany.