JEREMIA 12:1 - Khumi Common Language Bible

¹ Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

JEREMIA 12:1 Iomraidhean Croise

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

EZARA 9:15

Aw Israela chengchi i Areng Tameuh, nang ly leu meitang teaung nai keung ne. Na i py nang ly kaichi ai heng ai nai pei bo. Kaichi ly kaimychi i kamngo nai y ahui u bo. Hini kamngo nai deaungkho y nang i mo y jeu vam ai nai leaungrei py by y,” nanai takeng nai ne.

NEHEMIA 9:33

Kaichi i tlang tleaung y nangmy pajengra tym hai nai ly hawi khyp nai bo; kaichi ly kamngo sa tamang u teu i py, nang ly ka-ym awm nai ne.

JOBA 12:6

Kangviu damrachi hawi tameuh by y nai khumichi ly mymychi i atho haiho naini, a-ym nai khumichi ne i py, tlamsa naimy awm u nai ne.

JOBA 13:3

Na i py kai ly nangchi hawi aei nai ny y; Tameuh hawi naini a-ei nai teu. Kai ly kaimy i sa nai sai, mymy teng y amti pi ai ngai.

JOBA 24:12

Marychira y tamokalem nga naichi hawi, dei enten nai khumichi aeu u bo; na i py Tameuh my nichi i chiusa nai dawn pi y.

JOBA 24:23

Tameuh ly ni ai tlamsa naimy awm ai nai pei lym ai; na i py khen patawm jojo reng nai ne.

JOBA 8:17

Huni acha keungchi i tangjynchi ly lengseaungchi ai pi naimy akau cheng iy awm reng.

SAM 116:5

Areng ly hawi i pahen; achi i Tameuh ly pahen nai keung ne.

SAM 119:137

Aw Areng, nang ly adyh adawi nai keung ne; reita leuchi py adyh adawi nai ne.

SAM 119:75

Aw Areng, nang i tara chih nai saichi ly adyh adawi nai ne, nanai py, meitang khyp naimy kai ai pajeng, nanai py kai ly pany bo.

SAM 145:17

Areng ly mymy i sa nai leaungsai ngiereichi ra y, hawi naira hawi pahen naira py amteng nai ne.

SAM 37:1

Khumi hawi y naichi i molam y paleung mawn u moh. Sa tamang nai khumichi molam y paleung angai y nai awm moh.

SAM 37:35

Kai ly kamjau kamteang sa reng nai khumi hawi y nai leaungrei ai niu vai bo. Ni ly Lebanon daichi i saitleang keung kamta, khumi bawibawichi salo y khiu nai ne.

SAM 51:4

Kai ly nang i tlang tleaung y kamngo sa bo, nang ai naini kamngo sa nai ne. Nang i mei ka-niu y sa tamang bo. Hunai deaungkho y kai ai nangmy tara chih nai ly avo khyp nai ne. Kai i tlang tleaung y kamngo pajeng nai ly teng khyp bo.

SAM 51:6

Nang ly leu meitang ai khrei nai deaungkho y, kai i paleung y cheng naira kawi angym hai bo.

SAM 92:7

Huni ly khumi aso y naichi acha keungchi kamta sai-eung iy, kahawi so y nai khumichi nang chawn u teu i py, huni khumichi ly myn kang naira avum u ai.

LEU KACHENG 1:32

Pany nai sai angym y nai khumichi ly cheng naira ai khai u su nai deaungkho y dei u ai. Khumi hawi y naichi ly ati sai py dawndan y naimy heng u rumrang nai y tama u nai ne.

Parip nai leu 8:14

Na i py huna nai thui nai ly ati sai py ny y. Hini khaileaung pri y tym nai sai ly mana mo, nanai khen cham; tlen tlenrei y khumi kahawichi ly khumi aso y naichi i avum nai pajeng naira avum u teang nai ne. Khumi aso y naichi py khumi kahawichi nga ai avo nai nang chawn naira nga u; hini py atyhtyh teu, nanai kathui nai ne.

ISAIA 41:21

Israela chengchi i samrang Areng my, “Nangchi, khumi cheng cheaungkhangchi i tameuhchi awi, nangchi i sa nai amti pi u cham. Nangchi i akhi nai leu kakhaw tym hai u!

ISAIA 48:8

Nangchi ai ym ai nai aso y nai py, nangchi ly tapen khyp khala i ka-so langmeang thau naichi ne, nanai amthang nai py kapany. Naibaly hini atiti satangchi ai, nangchi ly mana khala py thai y, pany kawp y. Vaichi khala my nangchi ly kano thai y.

JEREMIA 11:20

Huna nai khala kai ly “Ati cheaungkhang sa thai keung Areng awi, “Nang ly leu meitang naimy tara chih reng nai keung ne. Khumichi i sa ai tau nai hawi paleung ka-dawnchi ai py, chih reng nai keung ne. Kai ly kaimy i sa naichi ai nang i kiu y kang-au bo. Hunai deaungkho y nichi ai nangmy vawitheung tha nai ly kai ai patei kyh ba,” nanai chiu kasa bo.

JEREMIA 12:6

Nang i yhm dengtheungchi hawi, nang i amjo amnauchi my malawn py, nang i tlang tleaung y ka-ym by y lawh bo. Nichi ly nangchi i makeng mang y abawi iy, nang ai hang hai bo. Nichi ly nang ai leu katheu hai teu i py, nichi ai nang ly ym moh,’ napi.

JEREMIA 3:20

Na i py aw Israela, nang ly ka-ym by y nai aju kamta, kai i leu tangai y lawh bo. Hini ly kai Areng i thui nai leu ne.”

JEREMIA 3:7

Huna nai sa chum nai bo y ni ly kai teng y ali ai ngaw khyh, nanai kadawn bo. Na i py ni ly ali teang y. Huna nai ali teang y nai ai ni i tuicho ka-ym by y nai Juda ly niu nai ne.

JEREMIA 32:16

Kai ly khaileaung ka-jo ka-van sumneang akhai nai cha ai, Neri i chapo Baru teng y pei pi nai bo baly, Areng teng y chiu kasa.

JEREMIA 5:11

Israela hawi Juda mipuichi ly kai i leu pipi tangai u y. Hini ly kai, Areng my thui nai leu ne, napi.

JEREMIA 9:2

Kai ly kaimy i chengchi ai khai su naimy, tui by y nai daichi ka-vym y chei iy awmra meingtym harei ngai parai lawh. Nichi bawibawi ly ka-ym by y iy, khrukhra hai nai khumichi lawm u bo.

TANGAM NAI LEU 1:18

“Na i py Areng ly leu meitang adyh adawi nai ne. Kai ly mymy i leu pei nai tangai y. Meingtym tleirei y awm nai khumichi awi, kai i leu tangai u; kai i patang nai khen u cham. Kai i chapo thawndeangchi hawi chaniu anglochi ly langheng y hawi nai avum u bo.”

Ezekiela 18:25

“Na i py nangchi my, ‘Areng i sa nai ly teng y,’ nanai thui u bo. Aw Israela chengchi awi, kai i thui nai leu tangai u. Nangchi my kai i sa nai sai teng y, nanai athang khai u nai sai a? Teng y nai saichi ly nangchi i sa naichi teu.

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

DANIELA 9:7

Aw Areng, nang ly kateng sa jojo nai ne. Na i py kaichi ly kaimychi ai kangji nga hai bo. Juda pri y py, Jerusalem mary y py, awm nai khumichi hawi nang i leu tangai y nai deaungkho y, kamlo kang sa prichi mang y ahei akyhkyh nai Israela cheng bawibawichi py, huna nai kamta mymychi ai mychi naimy tahm anem hai u bo.

HOSEA 6:7

“Na i py nichi ly kai hawi sa nai Leu Maikawm ai Adam kamta taphra iy, kai i tlang tleaung y ka-ym by y bo.

HABAKKUK 1:4

Tara leu reita ly atho di iy teaung ai nai ngo y nai deaungkho y, mana khala py adyh adawi pa-rei chih u thai y. Khumi hawi y naichi ly khumi kahawichi ai kamjau nga u nai deaungkho y, tara chih nai ly tamang khikha na bo.

ZEPHANIAH 3:5

Na i py Areng ly huni mary theung y awm jo rai. Mymy ly hawi nairachi naini sa iy, hawi y nairachi ly mana khala py so y. Khawn tleirei mymy i khumichi ai paleung phra y naimy, kahawi tara chih nai ne. Na i py hunira i khumi hawi y naichi ly hawi y nairachi sa u jojo. Nichi teng y kangji kangai py by y.

MALAKHI 2:17

Nangchi ly leu peung ala nai deaungkho y, Areng ly kano ngai y bo. Na i py nangchi my, “Kaichi ly nang ai kano angai hai y ai nai ati mana kasa u lawh mo?” nanai thui u. “Areng ly khumi hawi y nai ngiereichi ai khumi kahawi palawn bo,” nanai thui nai py, huni khumichi ai kawn nanai py, leu meitang adyh adawi bo, nanai athang khai nai Tameuh ly ma mang y awm mo?” nanai thui nai molam y py, nangchi ly mymy ai kano angai hai y nai ne.

MALAKHI 3:15

Kaichi niu nai kamta paleung len amlyh nai khumichi ly taham hawi naichi ne. Khumi hawi y naichi ly nang chawn u bo. Huni khyh chang y rai; nichi ly Tameuh i neaung hawi nai sai ai cham u teu i py, ati patang naira py avum u y’, nanai thui u,” napi.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.