JEREMIA 11:19 - Khumi Common Language Bible

¹⁹ Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

JEREMIA 11:19 Iomraidhean Croise

JOBA 28:13

Tau cheng naira ly khumichi theung y hau i, niu pajau y. Tau cheng naira i vang teng nai ly ami py pany pajau y.

SAM 109:13

Ni i kangpreang ly myh bebe sy; ni i amyn ly mo mang kangpreangchi teng y malawn py tamo veng sy.

SAM 112:6

Khumi kahawi ly mana khala py sum ai ny y; khumichi ly ni ai mana khala py tami ai ny y.

SAM 116:9

Hunai deaungkho y kai ly heng nai khumichi theung y, Areng i mei ka-niu y heng ai nga nai ne.

SAM 142:5

Aw Areng, sabawmra nga ai nai kai ly nang ai kang palau bo; aw Areng, nang ly kai ai ama hai nai keung; vai heng nai deung y nang leaungrei ai naini kai ly kadeaung nai ne.

SAM 27:13

Areng i hawi nairachi hini deung y kai ly niu ai, nanai ym bo.

SAM 31:13

Paleung ka-echi i kamsyh y arum nai leu kai ly thai bo. Kai i sahawi y ka-jei hawi parai naichi kawi na. Paleung ka-echi ly kai ai padei ai nai tau u bo.

SAM 35:15

Na i py kai patang nai neng khala y, nichi bawibawi ly amo theu u i, kai ai panui hai ai nai jeu u achu bo. Kai pany y nai khumichi ly kai ai ang pakhau u; anawn y naimy pakhau u bo.

SAM 52:5

Hunai deaungkho y Tameuh ly nang ai deungrei, atlym hai jojo ai; mymy ly nang ai yhm i dengdairei ryh iy, ang patheu vui ai; nang ai ly heng nai khumichi awm nai khaileaung pri i dengdairei, ang patheu vui ai.

SAM 83:4

Nichi my, “Jeu u, Israela chengvui jeungrei, deungtasa tama vui ai nai, nichi cheng theaung ai tamyh u pawn sina,” nanai thui u nai ne.

LEU KACHENG 10:7

Khumi kahawichi ai pany jo nai ly amtheaung naira harei ne; na i py khumi hawi y naichi ai ly kra y naimy tami veng ryp ai.

LEU KACHENG 24:15

Nang ly khumi hawi y naichi kamta, khumi kahawichi i yhmtheaung katui lawm ai nai py, ni i yhm ai keng vui ai nai py dawn moh.

LEU KACHENG 7:22

Ni ly tleh ai nai pahawi jo nai si katai kamta, my i paleung pakawi y thailiho chyn chawm khyp pa-rei humra y ampyh iy, satla nai sisiu kamta, huni neampachy hawi abang praw ryp bo. Ni ly paleupyra y man nai tavo kamta atawm. Mymy i ka-jeira avum nai malawn py pany y.

ISAIA 32:7

Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

ISAIA 38:11

Hini heng nai deung y kai ly Areng ai py, khumi angsochi ai py, mo mang y mana kha py kaniu ai ny y leang bo, nanai dawn nai ne.

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

JEREMIA 26:8

Kai teng y Areng my leu pei nai ngiereichi kathui pi pateang pajau nai hawimy, pathyp pi nai keungchi, amochi hawi khumichi ly kai ai patiu iy, “Nang ly hini leuchi thui nai molam y dei ai nai ataing!

TANGAM NAI LEU 3:60

Paleung ka-echi ly kai ai mana tanrei niu ngai y na mo, nanai py. kangviu y kai ai mana tiu na mo, nanai py, nang ly pany pi se nai ne.

Ezekiela 32:24

“Elam ly mymy i tavaimichi i tapreaung my katanmeuh nai, huni meingtym y awm. Nichi bawibawi ly tavai keung y dei naichi ne i, lengkhym takip y naimy tavau pri y ang vum kathiu nai khumichi ne. Heng nai thym khala nichi ly khumi takhrachi ai jei hyn na pa-rei sa u teu i py, vai ly tavau pri y ang vum kathiu naichi hawi vanrei, tahm by y naimy dei u bo.

DANIELA 9:26

Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

HOSEA 9:8

Tameuh ly mymy i khumi Israelachi ai pany hai ai nai, kai ai amo palawn iy pato nai ne. Na i py nangchi ly kai i chei nai meingtym tleirei y, tavo ai sakre hawi patiu nai kamta, kai ai patiu bo. Tameuh i Achura yhm theung y my, khumichi ly amochi i paleung ka-echi lawm u bo.