JEREMIA 11:13 - Khumi Common Language Bible

¹³ Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 11:13 Iomraidhean Croise

2 ARENG KEH 23:13

Samrang Joseah ly Jerusalem mary nisi, olive mawitokalawi ngan mang y Sidon i tameuh Asatare, Moba tameuh Khemosa, Ammon tameuh Molechi ai chiu ai nai samrang Solomon my sa pi nai maichamchi py, chai nem hai y bo.

2 NENG SATANG 28:25

Ni ly Juda pri mary katheang kalen ngiereichira y, cheng takhra khumichi i tameuhchi teng y mui katuichi leng patlum ai nai myn chiu nai meingtymchi py sa. Hina nai kamta mymy i tlang tleaung y amsi pajochi i Areng Tameuh i kado theu naira tym hai nai ne.

ISAIA 2:8

Nichi i pri ly mynchi hawi kawi na i, khumichi ly mychi kiu hawi sa naichi ai chiu u bo.

JEREMIA 11:17

“Ati cheaungkhang sa thai nai keung kai, Areng ly Israela pri hawi Juda pri ai palum pachai pi ai. Na i py vai kai ly huni pri y ka-jeira tym hai ai. Nichi ly sa tamang u nai deaungkho y, Bala tameuh teng y apathyp u nai molam y, nichi ly kai ai kado patheu u lawh nai ne.”

JEREMIA 17:1

Areng my, “Juda khumichi awi, nangchi i kamngo ai tamo chakaleaung hawi tajiu typ bo. Huni kamngo ai nangchi i paleung pheira y meaung y cheng tai nai chakaleaung hawi tajiu typ iy, nangchi i maicham takichira y thiu pi yb bo.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 19:4

Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 19:5

mychi i cho chanauchi ai leng patlum nai kapathypra talam ai nai, Bala tameuh i vui meingtym ka-sangra y maichamchi sa u nai ne. Mychi i cho chanauchi ai hini bala tameuh teng y mai hawi leng patlum hai ai nai, kai ly mana khala py leu pei vai y, thui py thui vai y, paleung y py dawn y.

JEREMIA 2:28

“Nangmychi i vui nangchi sa nai tameuhchi ly ma mang y mo? Nangchi patang naira tym nai khala y, huni tameuhchi my atleu pajau lawh baly atleu pi na sy. Aw Juda pri, nang i marychi nawi nai kamta, nang i sa nai tameuhchi khri pa-rei nawi parai na ly!

JEREMIA 3:24

Na i py kaichi ly deaungdichy khala i ka-so, kangji hawi nai tameuhchi ai kachiu u nai deaungkho y, jangni khala i dengdairei amsi pajochi my lop-panra i beram kanghuchi, si kanghuchi, cho chanau hawi awm nai bawibawichi chau pawn nai ne.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

JEREMIA 44:21

“Juda marychi hawi Jerusalem mary lamchira y nangchi hawi, nangchi i amsi pajochi, nangchi i samrangchi hawi lu sa naichi, mipuichi my talam nai kapathyprachi molam y Areng pany y, nanai py, tami veng bo, nanai py, nangchi athang khai u a?

JEREMIA 44:5

Na i py nangchi ly leu tangai u y, tahm py khai u y; tameuh takhrachi teng y apathyp nai hawi y nai reita ai py patlaw u y.

JEREMIA 48:35

Kai ly Moba pri khumichi ai mawi saleungchira y leng patlum nai kapathyprachi talam nai hawi, mychi i tameuhchi teng y apathyp naichi anawn hai ai. Hini ly ka, i Areng i thui nai leu ne.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

Ezekiela 16:24

seng meingtym tleirei y nangmy i vui chiu ai nai mynchi hawi, bima kalop sa ai nai meingtymchi sa bo.

HOSEA 10:1

Israela khumichi ly athai neangneang thawn nai kreip angjyn keung hawi atawm. Nichi ly nang chawn ryh baly, maicham neangneang sa u nai ne. Thengthai khulawn nawi ryh baly, mychi i chiu nai leaungchengchi ai apu tleaung apura pa-rei palum u bo.

HOSEA 12:11

Na i py nichi ly Kilead pri y, mynchi ai chiu u. Huna nai chiu nai khumichi ly dei ai. Kilakala mary y awm nai khala, si kataichi apathyp u iy huni meingtym y awm nai maichamchi ly adym angdengra y lengseaung pakheng achu naichi lawm ai.”

HOSEA 9:10

Areng my, “Israela ai kai avum angchei nai khala, daichi ka-vym theung y prau nai kreip keungchi ai niu nai kamta ne. Nangchi i amsi pajochi ai kai avum angchei nai khala, myn angchei nai thaidu athaichi ai niu nai kamta ne. Na i py nichi ly peor mawi y tym nai khala y, Bala tameuh ai chiu u nai deaungkho y, nichi my tahm khai nai tameuhchi kamta, amso ngai nai lawm vui bo.