JEREMIA 10:9 - Khumi Common Language Bible

⁹ Nichi i chiu nai mynchi ly Spain pri i theu nai tangka hawi py, Upha mary i theu nai muku hawi py, palum nai deaungkho y kupe kakawpchi i lasa ne. Huni mynchi ly kupe kawp keh naichi my aneng nai kamsen jeaung ngan, kamngau ngan hawi apu pa-rei sa bo.

JEREMIA 10:9 Iomraidhean Croise

1 ARENG KEH 10:22

Samrang ly Hiram i sampho kamkawmchi hawi vanrei, ka-sum ka-pai sa ai nai pangli samphochi awm. Huni samphochi ly saneng thomrei y tlenrei mychi pri y vawi teang iy muku, tangka, kasai nuh, khumi kalai hawi kalaichi py syn pi reng nai ne.

2 NENG SATANG 9:21

Ni teng y samrang Hiram i sampho kamkawm hawi vanrei, pangli y chei nai samphochi awm. Ni i samphochi ly muku, tangka, kasai nuh, khumi tavym hawi kalaichi tang iy, saneng thomrei y tlenrei vawi teang nai ne.

SAM 115:4

Nichi i tameuhchi ly muku, tangka hawi khumi i kiu y sa nai tameuhchi ne.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

ISAIA 23:6

Aw Phoenisia mipuichi awi, paleung si naimy vo tangam u! Spain pri mang y preang ai nai atho so u!

ISAIA 40:19

Mymy ly kupe kakawpchi my patlawn iy pa-thengchi my muku hawi paleaung nai, tangka hawi langdeng khaw hai nai myn hawi atawm y.

Ezekiela 27:12

“Nang ly nangmy i khri pa-rei nawi parai nai vawnsaichi ai Tashu mary y tangka, tamo, sengphru, kimachi hawi angtheung iy ka-sum ka-pai sa u bo.

Ezekiela 27:7

Nang i alikachi ly Aikupta pri i nga nai pau thun nai kalang mai ka-syn hawi sa nai y, kamlo mang my ma praw nai ne. Nang i kanito kangvang ai dang naichi ly Kuparu tlawn i nga nai hawi keh nai an kamsen kanih ngan hawi sa nai ne.

DANIELA 10:5

Naibaly angdeang iy khen nai khala, ateaung kanem amthyp iy, muku khobai akawm nai khumi leaungrei ai kaniu.

HOSEA 8:6

Israela cheng kupe lasa kakawp hawi sa nai myn ly tameuh ny y! Samari khumichi chiu nai muku si katai myn ly dei lawm piu vui ai!

JONA 1:3

Na i py Jona ly Areng teng i dengdairei preang vui ai nai Joppa sampho tuivum y chei. Joppa mary y tym baly Spain pri mang y chei ryp ai nai sampho apeh khyp. Jona ly sampho atang nai vang pei iy, Areng hawi palo nai Spain mary mang y, sampho i khumichi hawi vanrei abang ai nai, sampho atang bo.

HABAKKUK 2:19

Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.