JEREMIA 10:5 - Khumi Common Language Bible

⁵ Hina nai mynchi ly pajawi baira i tavo pajei nai mynchi hawi atawm iy, leu py katheu kawp y. Nichi ly tako thai y nai deaungkho y, nichi ai kajeaung pi ai nai tla. Mynchi ly nangchi ai hawi nai py, hawi y nai py so pi thai y. Nangchi ly hunichi ai jei u moh,” napi.

JEREMIA 10:5 Iomraidhean Croise

1 ARENG KEH 18:26

Nichi py mychi teng y tym hai nai si katai ai apathyp ai nai sa u chum baly, bala tameuh teng y kani thun teng na pa-rei chiu sa u bo. Nichi my, “Aw bala tameuh! kaichi i chiu sa nai tangai pi kyh ba,” nanai aeu u chum baly, mychi i sa nai maicham ai taki teungtareung iy lam u. Na i py bala tameuh teng i ati sai py pathang y.

2 NENG SATANG 25:15

Hunai deaungkho y Areng ly kado theu i, amo ai Amazia teng y pato bo. Amo my, “Nang kiu i khumichi ai atleu pajau y nai cheng takhra khumichi i tameuhchi ai, nang ly ati mana nai chiu lawh mo?,” napi.

ISAIA 16:12

Moba mipuichi ly chiu sa ai nai myn chiu nai meingtymchi hawi achura yhmchi mang y chei u teu i py, ati sai py kamran awm ai ny y.

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

ISAIA 46:1

“Hini ly Babulon tameuhchi i tem naira ne! Vaichi khala y khumichi ly Bala tameuh hawi Nebo tameuhchi ai chiu u. Na i py vai ly nichi ai keaungngo kano kasau tleaung y tang iy, akawm parai nai tawnbawichi my pho ai nai myn kajichi lawm u nai ne.

ISAIA 46:7

Nichi ly huni tameuh ai paleang tleaung y apu iy syn i, meingtym tahyh u bo. Huni tameuh py mymy ai khai nai meingtym i asyh thai y naimy, angdo jo nai ne. Ni teng y khumi leaung leaungrei my chiu sa hnei takeng lawh teu i py, ni ly pathang pi thai y. Huni khumichi ai ka-jeira i nai py atleu pi thai y.

JEREMIA 10:14

Hini atitichi ai niu nai deaungkho y khumichi ly mynkym vui iy, khumi ka-khumchi lawm u bo. Kheupaja ngan thip kawp nai bawibawichi ly mychi sa nai tameuhchi ly tameuh tatang ny y nai deaungkho y kaji u bo. Ati mana nai mo nabaly mynchi ly hengra by y nai deaungkho y ne.

HABAKKUK 2:19

Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.

I KORINTH 12:2

Nangchi ly Cheng Takhrachi ne nai thym khala y ly ati mana mo iy py ang pahawi nai ngierei ly, huni raawi by y nai mynchi mang y ang pahawi naira y awm u bo, nanai ly nangchi pany.

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

Leu Thui Nai 4:28

Huna nai khala nangchi ly khumi i kiu hawi sa iy, mei niu y nai, kano thai y nai, cho thai y nai, mui py thai y nai dengkeaung tameuh, lengseaung tameuhchi ai chiu u ai.