JEREMIA 10:22 - Khumi Common Language Bible

²² Tangai u! Satang harei angym bo! Tosyh mang i cheng harei ly khri pa-rei khrukhra naira theu bo. Nichi ly Juda marychi ai khivachi aeungra, khumi angso savai tlang naira lawm hai ai,” napi.

JEREMIA 10:22 Iomraidhean Croise

ISAIA 34:13

Samrang yhmchi hawi lengseaung apai tapang nai mary bawibawichira y aleng keung cheaungkhangchi prau iy, khivachi hawi beaungkuchi awm naira lawm ai.

JEREMIA 1:14

Mymy ly kai teng y, “Hini pri y awm nai khumi bawibawichi tlang tleaung y tosyh mang dengdairei, patang naira tym ai.

JEREMIA 1:15

Kai ly tosyh mang i khumi cheng cheaungkhangchi ai kapalau bo,” nanai Areng my leu pei nai ne. Nichi i samrangchi ly jeu iy, mychi i samrang atehra ai Jerusalem mary ka-ki hawi, mary apai katheu pa-khochi sahawi y py, Juda marychi tengpang sahawi y py, khai u ai.

JEREMIA 2:15

Paleung ka-echi ly ni ai khrangsi kamta hang hai bo. Ni i pri y jeng hai rawm bo. Ni i mary ly phra seaungkhrang iy, khumi angso savai na bo.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 4:15

Dan pri mang i jeu nai savai hawi Ephraim mawi aheungchi mang i mo kamtheungchi my satang hawi y naichi thai hai bo.

JEREMIA 4:6

Zion mary mang y chei tapai u! Chymme naira mang y angpreng u! Patyh u moh! Areng my khri pa-rei phra naira hawi ka-jeira ai tosyh mang dengdairei ang tym hai ai.

JEREMIA 49:33

Hazor mary ly khivachi aeungra, khumi angso savai tlang nai meingtym lawm hai jojo ai. Huni meingtym y ami py awm ali bi ai ny y. Hini ly kai, Areng i thui nai leu ne,” napi.

JEREMIA 5:15

Areng my Israela mipuichi teng y, “Kai ly nangchi ai tiu hai ai nai pri kamlora i khumi kamkawm harei kang hawi ai. Nichi ly atho len iy jangni jangkhawn i khumi cheng, nangchi pany thai y nai leu katheu nai khumi cheng ne.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

JEREMIA 6:22

Areng my, “Tosyh mang y awm nai pri hareira i khumichi ly tavai thau u ai. Kamlora i atho len nai khumi cheng ly tavai tiu ai nai angveirym bo.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

TANGAM NAI LEU 1:4

Khai takhra nai pawi neng kani khala, chiu sa ai nai Achura yhm y chei nai khumi py by y. Achura yhm y khulym thui nai anglochi py, paleung si paleung mawn naimy awm u bo. Naibaly pathyp pi nai keungchi py, vo tangam nai ny y baly ati sai py so u thai y. Mary katheuchi ly khumi savai angau na bo. Zion mary ly patang naira avum bo.

Ezekiela 12:19

Sa thai naira awm nai Areng my pei nai hini leu ai ly Israela pri Jerusalem mary y vai, awm u rai nai khumichi i vui ne, nanai thui pi. Huni khumichi ly kaso theu naimy teicha teinei cha u ai nai tla ai i, jei hyn naimy tui py nei u ai nai tla ai. Khumi luteng ly reita leu ai pipi dawn y nai deaungkho y, nichi i pri ai khumi angso savai tlang nai lawm hai ai.

MALAKHI 1:3

Esaw hawi ni i katu chanauchi ai ly niu ngai y. Kai ly Esaw i mawi aheung khu ka-peang phra hai iy, kasuichi i vui khai su bo,” nanai pathang.