JEREMIA 10:13 - Khumi Common Language Bible

¹³ Mymy leu pei nai khala y kani khusang salo i tuichi ly katyn amsau na bo. Mymy ly khuteng taki i dengdairei, khupanymchi sau hai nai ne. Kani nai thym khala amlosadichi theu hai iy, mymy paeaung naira i alichi ai py aho hai bo.

JEREMIA 10:13 Iomraidhean Croise

ATITI AWM ANGCHEI NAI 2:5

khaileaung salo y kani nai hai y rai nai deaungkho y keung prau nai py, hm amdi nai py by y; khaileaung y amti amjang pati nai khumi py by y leang rai;

1 ARENG KEH 18:41

Naibaly Elija ly samrang Ahab teng y, “Vai ly nang chei iy teicha teinei cho ba; kani pajyh nai katyn thai bo,” napi.

JOBA 38:22

Nang ly kadam amaichi hawi ji amaichi pateung achu naira y tym vai a?

SAM 104:13

Nang ly kani mang dengdairei mawichi salo y kani nai hai nai deaungkho y khaileaung ly nang teng i amtheaung naira angym pa-rei nga.

SAM 135:17

Nichi ly kanochi awm i py thai y; taho py taho thai y leang.

SAM 135:7

Mymy ly khaileaung katem mang dengdairei khupanymchi sau hai i, alipui khupui aho ai nai i vui y, amlosadichi sa pi nai ne; ali ai py mymy i yhm theung i nai patheu bo.

SAM 147:8

Mymy ly kani mang y khupanymchi hawi khiu; khaileaung y kani nai hai iy, mawichira y achachi prau hai bo.

SAM 18:13

Areng ly kani mang dengdairei kani pajyh hai; salo kangteng keh nai keung i raawi theu bo.

SAM 68:33

Jangni dengdairei awm yb nai kani mang i awm nai Tameuh ai palo nai khulym thui pi u. Tao pajeng parai naimy leu pei nai raawi tangai u.

THEU NAI 9:23

Naibaly Mosi ly kani mang y cheaungvawi pheu i, Areng my kani pajyh hai, amlosadi theu hai, ali pakang tla hai, ji mang tla hai bo.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 19:12

Hini mary hawi hini mary y awm nai khumichi ai, Topheth mary kamta lawm hai ai,” nanai Areng my leu pei nai ne.

JEREMIA 5:24

Neng tleirei khuma kani hawi, kangkhym kani nai hai iy saneng tleirei, amti amjang pakym achu ai nai neng sa pi nai keung kai ai nangchi ly tahm khai u vai y.

JEREMIA 51:16

Leu pei nai khala kani khusang salo i tuichi ly katyn amsau nai ne. Mymy ly khaileaung katem mang dengdairei khupanymchi sau hai bo. Kani nai thym khala, amlosadichi theu hai iy, mymy i takunra i ali ai py aho hai bo.

AMOS 4:13

Mawichi ai sa iy ali aho hai nai keung ly Tameuh ne. Mymy ly my i dawn naichi ai khumichi teng y pany hai bo; mymy ly kanithun ai vum mang y angpeang hai bo. Mymy ly kani khaileaung i asang keh nai mang aleaung nai ne. Mymy i nang parai nai amyn ly ati cheaungkhang sa thai nai Areng Tameuh ne.

ZEKHARIAH 10:1

Nisa theu nai khala y kani nai hai ai nai, Areng teng y hnei u. Khupanymchi pato ly kani nai hai iy khumi neangneangchi i vui, li hlauchira y amti amjang thawn hai nai keung ly Areng ne.